تحریک منہاج القرآن پاکستان کی اہم خبریں

ربیع الاول کی آمد پر تحریک منہاج القرآن کے مرکزی سیکرٹریٹ پر چراغاں

ربیع الاول کی آمد پر تحریک منہاج القرآن کے مرکزی سیکرٹریٹ پر چراغاں

تحریک منہاج القرآن کے مرکزی سیکرٹریٹ ماڈل ٹاون میں حضور نبی اکرم صلی اللہ علیہ وآلہ وسلم کے ماہ ولادت ربیع الاول کی آمد کے ساتھ ہی چراغاں کا اہتمام کیا گیا ہے۔ تحریک منہاج القرآن کی روایت ہے کہ ماہ میلاد اور حضور صلی اللہ علیہ وآلہ وسلم کی ولادت باسعادت کے دن کو دنیا بھر میں انتہائی شان و شوکت سے منایا جاتا ہے۔ اس سلسلہ میں تحریک کے مرکزی سیکرٹریٹ، گوشہ درود، جامع مسجد منہاج القرآن، کالج آف شریعہ اینڈ اسلامک سٹڈیز، شیخ الاسلام ڈاکٹر محمد طاہرالقادری کی رہائش گاہ اور ادارہ منہاج القرآن سے متصلہ گلی بازاروں میں بھی خصوصی چراغاں اور لائٹنگ کا اہتمام کیا گیا ہے۔

23 نومبر 2017ء

ڈاکٹر حسن محی الدین قادری کی استقبال ربیع الاول جلوس میں شرکت

ڈاکٹر حسن محی الدین قادری کی استقبال ربیع الاول جلوس میں شرکت

چیئرمین سپریم کونسل تحریک منہاج القرآن ڈاکٹر حسن محی الدین القادری نے 20 نومبر 2017ء کو ریبع الاول کے استقبالی جلوس میں خصوصی شرکت کی۔ تحریک منہاج القرآن لاہور کے زیراہتمام میلاد کا استقبالی جلوس مغلپورہ سے شالیمار لنک روڈ سے ہوتا ہوا، مین بازار باغبانپورہ میں اختتام پذیر ہوا۔ جلوس میں مرکزی قائدین انجینئر رفیق نجم، نوراللہ صدیقی، حافظ غلام فرید، اشتیاق حنیف مغل، شہباز بھٹی، حاجی ارشد، حفیظ اللہ جاوید، علامہ غلام اصغر صدیقی، یونس نوشاہی، حاجی عبدالخالق، حنیف قادری نے بھی شرکت کی۔

20 نومبر 2017ء

ہر فرد پیس ایجنٹ بنے، منہاج یونیورسٹی کی عالمی کانفرنس کا مشترکہ اعلامیہ

ہر فرد پیس ایجنٹ بنے، منہاج یونیورسٹی کی عالمی کانفرنس کا مشترکہ اعلامیہ

منہاج یونیورسٹی لاہور کے زیراہتمام منعقدہ دو روزہ ’’عالمی امن میں مذاہب کا کردار کانفرنس‘‘ کے دوسرے اور آخری روز مشترکہ اعلامیہ جاری کرتے ہوئے دہشتگردی کی ہر شکل کی مذمت کی گئی اور عالمی امن کے فروغ کیلئے بین المذاہب مکالمہ کی ضرورت پر زور دیا گیا، اعلامیہ میں کہا گیا کہ سوسائٹی کا ہر فرد پیس ایجنٹ کا کردار ادا کرے، اعلامیہ میں مذہب کے نام پر دہشتگردی کا واویلا کرنے والوں کی حوصلہ شکنی کی گئی، دنیا کا کوئی مذہب دہشتگردی کی تعلیم نہیں دیتا، مشترکہ اعلامیہ منہاج یونیورسٹی لاہور کے وائس چیئرمین ڈاکٹر حسین محی الدین نے پڑھ کر سنایا۔

12 نومبر 2017ء

منہاج یونیورسٹی لاہور میں دو روزہ عالمی امن کانفرنس

منہاج یونیورسٹی لاہور میں دو روزہ عالمی امن کانفرنس

منہاج یونیورسٹی لاہور اور پنجاب ہائر ایجوکیشن کمشن کے مشترکہ تعاون سے دو روزہ عالمی امن کانفرنس 11 نومبر 2017ء کو شروع ہوئی۔ کانفرنس کے پہلے روز خطاب کرتے ہوئے بین الاقوامی سکالرز نے کہا کہ کوئی مذہب دہشتگردی کی جازت نہیں دیتا، مذہبی تعلیمات پر صدق دل سے عمل کیا جائے تو دہشتگردی اور انتہا پسندی کو کوئی جگہ نہ ملے۔ مذہب کا سچا پیروکار دہشتگرد نہیں ہو سکتا۔ بین الاقوامی مکالمہ سے انتہا پسندانہ بیانیہ کو رد کیا جا سکتا ہے۔

11 نومبر 2017ء

ڈاکٹر محمد طاہرالقادری کا حکیم الامت علامہ محمد اقبال رحمۃ اللہ علیہ کے 140 ویں یوم پیدائش پر پیغام

ڈاکٹر محمد طاہرالقادری کا حکیم الامت علامہ محمد اقبال رحمۃ اللہ علیہ کے 140 ویں یوم پیدائش پر پیغام

ڈاکٹر محمد طاہرالقادری نے حکیم الامت علامہ محمد اقبال رحمۃ اللہ علیہ کے 140 ویں یوم پیدائش پر اپنے پیغام میں کہا کہ پاکستان صادق و امین قیادت نے بنایا، بدعنوانوں اور نا اہلوں نے برباد کیا۔ یوم اقبال کی چھٹی منسوخ کرنے والے حکمرانوں کی اپنی چھٹی ہونیوالی ہے۔ علامہ اقبال رحمۃ اللہ علیہ کی فکر سے بغض رکھنے والا کرپٹ ٹولہ آئندہ نسلوں کو فکر اقبال رحمۃ اللہ علیہ سے لا تعلق رکھنا چاہتا ہے۔ انہوں نے اپنے بیان میں کہا کہ حکیم الامت جیسی ہستیاں صدیوں بعد پیدا ہوتی ہیں۔

09 نومبر 2017ء

گوشہ درود کا روحانی اجتماع، ڈاکٹر حسین محی الدین قادری کا خطاب

گوشہ درود کا روحانی اجتماع، ڈاکٹر حسین محی الدین قادری کا خطاب

تحریک منہاج القرآن کے مرکزی گوشہ درود کا ماہانہ روحانی اجتماع 4 نومبر 2017ء کو مرکزی سیکرٹریٹ میں منعقد ہوا، جس کی صدارت صدر تحریک منہاج القرآن ڈاکٹر حسین محی الدین قادری نے کی۔ اس موقع پر سید مشرف شاہ، جی ایم ملک، جواد حامد، نجم رفیق، سید فرحت حسین شاہ، سید امجد علی شاہ، حافظ غلام فرید، شہزاد رسول، حاجی محمد اسحاق اور دیگر قائدین بھی اسٹیج پر موجود تھے۔

04 نومبر 2017ء

سہ روزہ دورہ علوم الحدیث - حجۃ المحدثین شیخ الاسلام ڈاکٹر محمد طاہرالقادری

سہ روزہ دورہ علوم الحدیث - حجۃ المحدثین شیخ الاسلام ڈاکٹر محمد طاہرالقادری

سمرقند، بخارا، نیشاپور اور کوفہ و بغداد کی قرونِ اُولیٰ میں ہونے والی علمی و فکری اور تحقیقی مجالس کی یاد تازہ کرتے ہوئے منہاج القرآن علماء کونسل کے زیراِہتمام جامع المنہاج، بغداد ٹاؤن لاہور میں سہ روزہ دورہ علوم الحدیث کا انعقاد کیا گیا جس میں پورے پاکستان سے علماء کرام و مشائخ عظام، شیوخ الحدیث، متعدد مدارس و یونیورسٹیز کے پروفیسرز، ڈاکٹرز، لیکچرار، اساتذہ کرام، معلمات اور منتہی کلاسز کے طلبہ و طالبات نے کثیر تعداد میں شرکت کی۔

09 اکتوبر 2017ء

منہاج یونیورسٹی لاہور میں ’’شہادت امام حسین علیہ السلام کانفرنس‘‘

منہاج یونیورسٹی لاہور میں ’’شہادت امام حسین علیہ السلام کانفرنس‘‘

منہاج یونیورسٹی لاہور میں ’’شہادت حضرت امام حسین علیہ السلام کانفرنس‘‘ 19 اکتوبر 2017ء کو منعقد ہوئی۔ ناظم اعلیٰ تحریک منہاج القرآن خرم نواز گنڈا پور اور نائب ناظم اعلیٰ منہاج القرآن علامہ سید فرحت حسین شاہ معزز مہمانوں میں شامل تھے۔ کانفرنس میں طلباء و طالبات اور پروفیسرز و لیکچررز کی بڑی تعداد شریک تھی۔ طلباء نے سرور کونین ﷺ کے حضور نذرانہ عقیدت پیش کیا اور شان اہل بیت میں منقبت پڑھی۔ ناظم اعلیٰ خرم نواز گنڈا پور، سید فرحت حسین شاہ اور علی وقار نے کانفرنس کے شرکاء سے خطاب کیا۔

19 اکتوبر 2017ء

تحریک منہاج القرآن کے 38 ویں یوم تاسیس پر مرکزی سیکرٹریٹ میں خصوصی تقریب

تحریک منہاج القرآن کے 38 ویں یوم تاسیس پر مرکزی سیکرٹریٹ میں خصوصی تقریب

تحریک منہاج القرآن کی سپریم کونسل کے چیئرمیں ڈاکٹر حسن محی الدین نے منہاج القرآن کے 38 ویں یوم تاسیس پر دنیا بھر کے کارکنان، ذمہ داران و اسلامیان پاکستان کو مبارکباد دیتے ہوئے کہا کہ تحریک منہاج القرآن نے دہشتگردی کو اسلام سے جوڑنے کے جھوٹے اور تعصب پر مبنی پراپیگنڈے کو قرآن و سنت کی تعلیمات کی روشنی میں رد کیا اور مسلم و غیر مسلم معاشروں کو بتایا کہ اسلام دہشتگردی نہیں انسانیت کے احترام اور بقاء کی ضمانت دیتا ہے اور ایک بے گناہ انسان کے قتل کو پوری انسانیت کا قتل قرار دیتا ہے۔ 38 ویں یوم تاسیس کے موقع پر قائمہ کمیٹی کے اجلاس میں کیک کاٹا گیا اور ملکی سلامتی اور دین اسلام کی سربلندی کیلئے خصوصی دعائیں کی گئیں۔

17 اکتوبر 2017ء

علماء ومشائخ پوچھ رہے ہیں ختم نبوت کا حلف کیوں نکالا؟ ڈاکٹر طاہرالقادری

علماء ومشائخ پوچھ رہے ہیں ختم نبوت کا حلف کیوں نکالا؟ ڈاکٹر طاہرالقادری

شیخ الاسلام ڈاکٹر محمد طاہرالقادری نے میڈیا کانفرنس سے خطاب کرتے ہوئے کہا ہے کہ ختم نبوت کے حلف نامے کو ختم کرنے کے سنگین جرم کی تحقیقات سپریم کورٹ کی سطح پر غیر جانبدار جے آئی ٹی کی طرف سے ہونی چاہیے اور ذمہ داروں کو کڑی سزائیں ملنی چاہیے، چور اپنی چوری کی تحقیقات کیسے کر سکتے ہیں؟ انہوں نے نااہل نواز شریف کی بنائی ہوئی کمیٹی کو مسترد کرتے ہوئے کہا کہ کمیٹی نواز شریف بنائیں یا وزیراعظم ایک ہی بات ہے۔ یہ تحقیقات سپریم کورٹ کرے، ایک مسلّمہ جھوٹا شخص پوچھتا ہے کہ مجھے کیوں نکالا؟

08 اکتوبر 2017ء

ریاستی ادارے عقیدہ ختم نبوت پر حملہ کرنے والوں کیخلاف سخت کارروائی کریں: ڈاکٹر طاہرالقادری

ریاستی ادارے عقیدہ ختم نبوت پر حملہ کرنے والوں کیخلاف سخت کارروائی کریں: ڈاکٹر طاہرالقادری

3 ہزار سے زائد علماء، مشائخ، اسلامک سکالرز پر مشتمل جامع المنہاج لاہور میں منعقدہ علوم الحدیث کانفرنس میں ایک قرارداد کے ذریعے مطالبہ کیا گیا کہ ختم نبوت کے حلف میں تبدیلی مسلمہ عقیدہ ختم نبوت پر منظم حملہ تھا، اس حملہ کے پس پردہ تمام کرداروں اور ذمہ داروں کے خلاف سخت کارروائی کی جائے اور انہیں کڑی سزا دی جائے۔ محض ترمیم واپس لینا کافی نہیں ہے۔ ذمہ داروں کے خلاف کارروائی کرنا ریاستی اداروں کی آئینی، ملی اور دینی ذمہ داری ہے۔ اگر ریاستی اداروں نے یہ ذمہ داری پوری نہ کی تو پھر اس ملک کا اللہ ہی حافظ ہے۔ یہ قرارداد پاکستان عوامی تحریک کے سربراہ ڈاکٹر طاہرالقادری نے کانفرنس میں خود پیش کی جس کی چاروں صوبوں بشمول آزاد کشمیر، گلگت بلتستان سے آئے ہوئے علماء، مشائخ اور اسلامک سکالرز نے منظوری دی۔

07 اکتوبر 2017ء

یزید نے اپنی سیاسی، مالی، اخلاقی کرپشن کو ریاستی دہشتگردی کے ذریعے تحفظ دیا: شہادت امام حسین کانفرنس میں ڈاکٹر طاہرالقادری کا خطاب

یزید نے اپنی سیاسی، مالی، اخلاقی کرپشن کو ریاستی دہشتگردی کے ذریعے تحفظ دیا: شہادت امام حسین کانفرنس میں ڈاکٹر طاہرالقادری کا خطاب

شیخ الاسلام ڈاکٹر محمد طاہرالقادری نے مرکزی سیکرٹریٹ میں منعقدہ ’’شہادت امام حسین علیہ السلام کانفرنس‘‘ سے خطاب کرتے ہوئے کہا کہ معرکہ کربلا دو فلسفوں کا ٹکراؤ ہے۔ ایک طبقہ کہتا ہے طاقت ہی حق ہے اس کا ساتھ دو جبکہ دوسرا طبقہ کہتا ہے حق ہی طاقت ہے اس کا ساتھ دو۔ طاقت کو حق ماننا یزیدیت اور حق کو طاقت ماننا حسینیت ہے۔ معرکہ کربلا انسانیت اور بربریت، امانت اور خیانت، عدل اور ظلم، صبر اور جبر، وفاء اور جفا، مساوات ایمانی اور مطلق العنانی کے درمیان جنگ تھی۔

30 ستمبر 2017ء

ڈاکٹر حسن محی الدین قادری کا بوریوالہ اور خانیوال کا دورہ

ڈاکٹر حسن محی الدین قادری کا بوریوالہ اور خانیوال کا دورہ

چیئرمین سپریم کونسل ڈاکٹر حسن محی الدین قادری نے 4 اکتوبر 2017ء کو خانیوال اور بورے والا کا دورہ کیا۔ خانیوال میں انہوں نے ورکرز کنونشن سے خطاب کیا۔ اس موقع پر مقامی قائدین کے ساتھ کارکنان اور عام لوگوں کی بڑی تعداد بھی موجود تھی۔ بورے پہنچنے پر آپ کا پرتپاک استقبال کیا گیا۔

04 اکتوبر 2017ء

منہاج القرآن خوشاب کے سرپرست پیر اصغر علی شاہ گیلانی کے انتقال پر شیخ الاسلام ڈاکٹر محمد طاہرالقادری کی تعزیت

منہاج القرآن خوشاب کے سرپرست پیر اصغر علی شاہ گیلانی کے انتقال پر شیخ الاسلام ڈاکٹر محمد طاہرالقادری کی تعزیت

تحریک منہاج القرآن ضلع خوشاب کے سرپرست، عظیم روحانی اور دینی شخصیت، آستانہ عالیہ گنجیال شریف کے سجادہ نشین پیر اصغر علی شاہ گیلانی کے انتقال پر شیخ الاسلام ڈاکٹر محمد طاہرالقادری نے تعزیت کا اظہار کیا ہے۔ 10 محرم الحرام کے دن آپ کا خوشاب میں انتقال ہو گیا تھا۔ شیخ الاسلام ڈاکٹر محمد طاہرالقادری نے قل خوانی میں ٹیلی فونک خطاب کرتے ہوئے کہا کہ پیر طریقت سید اصغر علی شاہ سے گہری الفت و محبت والا تعلق تھا۔ انہوں نے ساری زندگی دین کی خدمت کی اور ایک رفیق کی حیثیت سے کام کیا۔

03 اکتوبر 2017ء

مسکین فیض الرحمن درانی کے چہلم پر تعزیتی ریفرنس

مسکین فیض الرحمن درانی کے چہلم پر تعزیتی ریفرنس

منہاج القرآن کے امیر تحریک مسکین فیض الرحمن درانی کے چہلم پر تعزیتی ریفرنس 28 ستمبر 2017 کو مرکزی سیکرٹریٹ میں منعقد ہوا۔ شیخ الاسلام ڈاکٹر محمد طاہرالقادری اور چیئرمین سپریم کونسل ڈاکٹر حسن محی الدین قادری نے چہلم میں شرکت کی۔ مسکین فیض الرحمن درانی کے بیٹوں، رشتہ داروں اور خاص طور پر پشاور سے ان کے بھائیوں اور قریبی اعزاء و اقارب بھی چہلم کے پروگرام میں شریک ہوئے۔

28 ستمبر 2017ء

Admissions Open Minhaj University Lahore

تعارف‬‎

تحریک منہاج القرآن ایک وسیع البنیاد اسلامی تنظیم ہے، جو اسلام کے اجتہادی تصورات کو عام کرنے اور دہشت گردی و تنگ نظری کے خلاف امن اور تعامل باہمی کی تعلیمات کو فروغ دینے میں مصروف ہے۔ اس تحریک کی بنیاد شیخ الاسلام ڈاکٹر محمد طاہرالقادری نے 1980 میں لاہور میں رکھی تھی۔

eLearning by Minhaj-ul-Quran International

Official WhatsApp Group Dr Qadri

Ijazat Chains of Authority

Top