کڑے وقت میں اخوت کا عظیم مظاہرہ کر کے ہمیں عالمی برادری کو ایک مستحکم قوم بن کر دکھانا ہے : انوار اختر ایڈووکیٹ

مورخہ: 14 اگست 2010ء

پرچم کشائی کی تقریب کے بعد کارکنوں سے گفتگو

پاکستان عوامی تحریک کے سیکرٹری جنرل انوار اختر ایڈووکیٹ نے کہا ہے کہ قوم نے 64 واں یوم آزادی سیلاب زدگان کے ساتھ اظہار یکجہتی اور ان کی مدد کے لیے مختلف ریلیف سرگرمیوں میں گزارا ہے جس پر عوام صد بار مبارک باد کے مستحق ہیں۔ انہوں نے کہا کہ سیلاب سے ہونے والی تباہی اتنی زیادہ ہے کہ عوام کو ایثار و قربانی کے اس جذبے کے ساتھ مدد کے لیے باہر آنا ہوگا جو تحریک پاکستان کے دوران تھا۔ انہوں نے کہا کہ کڑے وقت میں اخوت کا عظیم مظاہرہ کر کے ہمیں عالمی برادری کو ایک مستحکم قوم بن کر دکھانا ہے۔ ان خیالات کا اظہار انہوں نے مرکزی سیکرٹریٹ ماڈل ٹاؤن میں پرچم کشائی کی تقریب کے بعد کار کنوں سے گفتگو کرتے ہوئے کہا۔ اس موقع پر جی ایم ملک، راجہ جمیل اجمل، نعیم الدین، ساجد بھٹی، حافظ فرید، لہراسب خان گوندل اور دیگر قائدین بھی موجود تھے۔ انہوں نے کہا کہ سیلاب زدگان کی مدد کرنا ہر پاکستانی پر فرض ہے مشکل کی اس گھڑی میں متاثرین سیلاب کی مدد کے لیے ہر شخص کو اپنی بساط کے مطابق باہر نکلنا ہوگا۔ انوار اختر ایڈووکیٹ نے کہا کہ شیخ الاسلام ڈاکٹر محمد طاہر القادری نے سیلاب زدہ علاقوں سے یتیم بچوں کو ادارہ آغوش میں لینے کا اعلان کر کے پوری قوم کو یہ پیغام دیا ہے کہ مشکل کی اس گھڑی میں اپنے بھائیوں کی مدد کرنا ہمارا مذہبی اور قومی فریضہ ہے اور ہمیں بطور قوم اس امتحان میں پورا اترنا ہے۔

تبصرہ

تلاش

ویڈیو

Ijazat Chains of Authority
Top