منہاج ویلفیئر فاؤنڈیشن کے سیلاب متاثرین کے لیے مزید 7 ٹرک نوشہرہ اور جنوبی پنجاب پہنچ گئے

مورخہ: 23 اگست 2010ء

پاکستان کی تاریخ کے بدترین سیلاب کے متاثرہ لوگوں کی بحالی کے لیے منہاج ویلفیئر فاونڈیشن کی امدادی سرگرمیاں بلا ناغہ جاری ہیں۔ منہاج ویلفیئر فاؤنڈیشن کی طرف سے متاثرین سیلاب کیلئے 56 لاکھ مالیت کے امدادی سامان کے مزید 7 ٹرک نوشہرہ اور جنوبی پنجاب بھیج دیئے گئے ہیں۔

تحریک منہاج القرآن کے مرکزی سیکرٹریٹ لاہور سے 3، وزیر آباد کے قصبے دھونکل سے ایک اور پاکپتن سے 3 ٹرک گئے۔ لاہور اور دھونکل سے جانیوالے چار ٹرک نوشہرہ جبکہ پاکپتن سے جانیوالے 3 ٹرک لاڑکانہ میں بسائی جانیوالی بستی میں سامان لے کر روانہ ہوئے۔ لاڑکانہ میں بسائی جانیوالی بستی کے کوآرڈینیٹر حفیظ اللہ بلوچ ہیں۔ اکوڑہ خٹک میں 300 افراد کیلئے خیمہ بستی قائم کر دی گئی ہے۔ بستی میں 50 ٹینٹ لگے ہیں اور 12 لاکھ کا سامان بھی پہنچا دیا گیا ہے۔

منہاج ویلفیئر فاؤنڈیشن کے ڈائریکٹر افتخار شاہ بخاری نے لاہور سے امدادی سامان بھجوانے کے موقع پر میڈیا کو تفصیلات بتائیں۔ انہوں نے کہا کہ کراچی ٹول پلازہ کے قریب 300 افراد پر مشتمل منہاج خیمہ بستی بسا دی گئی ہے جہاں سحری افطاری اور دیگر ضروریات زندگی کا انتظام کر دیا گیا ہے جبکہ نارتھ کراچی میں منہاج ویلفیئر فاؤنڈیشن کے سینکڑوں بچے فنڈ ریزنگ کر رہے ہیں۔ انہوں نے کہا کہ مظفر گڑھ میں لگائے گئے میڈیکل کیمپ میں وبائی امراض سے بچاؤ کیلئے دو لاکھ مالیت کی ادویات بھی پہنچا دی گئی ہیں۔ افتخار احمد قریشی ایڈووکیٹ اس کیمپ کی نگرانی کر رہے ہیں۔

تبصرہ

تلاش

ویڈیو

پیش آمدہ مواقع

Minhaj TV
Quran Reading Pen
We Want to CHANGE the Worst System of Pakistan
Presentation MQI websites
Advertise Here
Top