اہل اور با کردار افراد پر مشتمل قومی حکومت کا قیام ناگزیر ہو چکا ہے : فیض الرحمن درانی

بجلی کی لوڈ شیڈنگ، نرخوں میں اضافہ اور اداروں میں ٹکراؤ کی صورتحال موجودہ حکومت کی ناکامی ہے
پاکستان عوامی تحریک پنجاب کی ایگزیکٹو کونسل کے وفد سے گفتگو

پاکستان عوامی تحریک کے مرکزی صدر فیض الرحمن درانی نے کہا ہے کہ قومی حکومت کا قیام ہی قوم کو مسائل کی دلدل سے نکال سکتا ہے۔ موجودہ نظام کے تحت ہونے والے الیکشن کی رسم اداروں کو مزید کمزور کر کے ملک کو تباہی کے گڑھے میں دھکیل دے گی۔ ملکی معیشت قرض کی بیساکھیوں پر کھڑی ہے اس کو سنبھالا دینے کیلئے اہل اور باکردار افراد پر مشتمل قومی حکومت کا قیام ناگزیر ہو چکا ہے۔ وہ گذشتہ روز پاکستان عوامی تحریک پنجاب کی ایگزیکٹو کونسل کے اراکین سے ملاقات کے دوران گفتگو کر رہے تھے۔اس موقع پر لہراسب خان گوندل، ایم ایچ شاہین، زاہد جاوید اور دیگر قائدین موجود تھے۔

انہوں نے کہا کہ بجلی کی قیامت خیز لوڈ شیڈنگ، نرخوں میں آئے روز کی زیادتی، ملکی معیشت کی زبوں حالی اور اداروں میں ٹکراؤ کی صورتحال موجودہ حکومت کی ناکامی ہے اس لئے تین سے پانچ سال کیلئے قومی حکومت تشکیل دی جائے جو نظام انتخاب، معیشت، توانائی، مہنگائی، بیروزگاری اور احتساب سمیت دیگر ملکی مسائل کے حل کیلئے ٹھوس کام کر ے۔ ملک کادائمی طور پر حقیقی جمہوریت کی پٹڑی پر چڑھنا اسی صورت ممکن ہے۔ انہوں نے کہا کہ موجودہ انتخابی نظام کے ہوتے ہوئے کسی خیر کی توقع نہیں اس لئے عوام اس کے خلاف ہونیوالی بیدارئ شعور کی جدوجہد میں شامل ہو جائیں۔

تبصرہ

تلاش

ویڈیو

Minhaj TV
Quran Reading Pen
We Want to CHANGE the Worst System of Pakistan
Presentation MQI websites
Advertise Here
Top