فیصل آباد : تحریک منہاج القرآن کے زیراہتمام ''سیاست نہیں ریاست بچاؤ'' موٹر سائیکل ریلی

تحریک منہاج القرآن فیصل آباد کے زیراہتمام سیاست نہیں ریاست بچاؤ پرامن موٹر سائیکل ریلی نکالی گئی جس میں ہزاروں افرادنے شرکت کی۔ ریلی میں شرکاء نے موجودہ استحصالی نظام کے خلاف کتبے اُٹھائے ہوئے تھے اور فلک شگاف نعرے لگا رہے تھے۔ ریلی کا آغاز تلاوت قرآن پاک سے حافظ رب نوازانجم نے کیا جبکہ قاری وحید احمد چشتی نے نعت شریف پیش کی۔ ریلی دھوبی گھاٹ سے شروع ہوئی اور سرکلرروڈ ، جی ٹی ایس چوک ، جڑانوالہ روڈ، ستیانہ روڈ، سمندری روڈ، شیخوپورہ روڈ، سرگودھا روڈ، نڑوالا چوک سے ہوتی ہوئی پریس کلب کے سامنے اختتام پذیرہوئی۔ ریلی کی قیادت امیر تحریک فیصل آباد سید ہدایت رسول قادری، ناظم انجینئر محمد رفیق نجم، رانا غضنفر علی، میاں کاشف محمود، علامہ عزیز الحسن اعوان، پروفیسر غلام مرتضیٰ، پروفیسر عارف صدیقی، میاں امجد قادری، حاجی اشرف قادری، میاں عرفان اسلم و دیگر قائدین نے کی۔

 

سید ہدایت رسول قادری نے خطاب کرتے ہوئے کہا کہ ریاست پاکستان کو شدید خطرات لاحق ہیں اس لئے سیاست نہیں ریاست بچاؤ کا نعرہ اس بکھری ہوئی قوم کی شیرازہ بندی کیلئے ضروری ہے۔ شیخ الاسلام ڈاکٹر طاہرالقادری مینار پاکستان کے تاریخی میدان میں لاکھوں افراد کے سامنے قومی ایجنڈے کا اعلان کریں گے۔

انجینئر محمد رفیق نجم نے کہا کہ 1980 میں لاہور سے تحریک منہاج القرآن کا آغاز کرنے والے ڈاکٹر طاہرالقادری آج امت مسلمہ کے شیخ الاسلام بن چکے ہیں۔ 23 دسمبر کو وطن واپس آکر ملک میں مثبت اور حقیقی تبدیلی کی بنیاد رکھیں گے۔ ڈاکٹر محمد طاہرالقادری کا فقید المثال استقبال ملک میں تبدیلی کا پہلا قدم ہو گا۔ وطن عزیز میں نظام کی تبدیلی کا علم اٹھانے والی تحریک منہاج القرآن ملک کے غریب عوام کا مقدر بدل دے گی۔ مینار پاکستان 23 دسمبر کو عوام کا ایسا سمندر دیکھے گا جو اپنے محبوب قائد شیخ الاسلام ڈاکٹر محمد طاہرالقادری کیلئے دیدہ دل فرش راہ کئے ہونگے۔ انہوں نے کہا کہ تبدیلی باتوں سے نہیں بلکہ موجودہ انتخابی نظام کے خلاف جدوجہد سے آئے گی۔ تحریک منہاج القرآن قوم کو تبدیلی کا درست راستہ دکھا رہی ہے جس پر چل کر خوشحالی اور استحکام کی منزل تک پہنچا جاسکتا ہے۔

تبصرہ

تلاش

ویڈیو

Minhaj TV
Quran Reading Pen
Presentation MQI websites
Advertise Here
Top