غیرجانبدار اور شفاف الیکشن کی امیدیں دم توڑتی ہوئی محسوس ہورہی ہیں۔ ڈاکٹر طاہر القادری

مورخہ: 03 مارچ 2013ء

الیکشن کمیشن ہرآنے والے دن اپنے اصولی موقف سے پیچھے ہٹتا جارہاہے
روائتی الیکشن کے ذریعے چندکرپٹ سیاسی خاندان ہی پارلیمنٹ میں پہنچ سکیں گے

پاکستان عوامی تحریک کے قائد ڈاکٹر محمد طاہرالقادری نے کہاہے کہ الیکشن کمیشن کے اب تک کے اقدامات سے غیرجانب دار اور شفاف الیکشن کی امیدیں دم توڑتی ہوئی محسوس ہورہی ہیں لگتاہے کہ الیکشن کمیشن سیاسی جماعتوںکے ساتھ مل کر کرپٹ سیاست کوجتوانے اور ریاست پاکستان کوہروانے کے لئے کام کررہا ہے، ڈگریوں کے حوالے سے اپنے اصولی موقف سے پسپائی کے بعد الیکشن کمیشن کاغذات نامزدگی سے بھی پیچھے ہٹتا نظر آرہا ہے ایک ماہ سے 15 دن اور اب عملی طور پر سکروٹنی کا عمل بھی ایک ہفتے کا رہ گیا ہے، آئین کے آرٹیکل 62، 63 پر بھی عمل ہوتا دکھائی نہیں دے رہا ہے۔ ان خیالات کا اظہار ڈاکٹر طاہرالقادری نے گزشتہ روز ٹورنٹو (کینیڈا) سے پاکستان عوامی تحریک کے مرکزی صدر ڈاکٹر رحیق احمد عباسی سے ٹیلی فونک گفتگو کرتے ہوئے کیا۔

ڈاکٹر طاہرالقادری نے کہا کہ ٹیکس چوروں اور کرپٹ مافیا کے پارلیمنٹ میں جانے کی راہ ایک بار پھر ہموار کی جارہی ہے وہی گھوڑے اور وہی سیاست کا میدان اور دھاندلی کا بے دریغ استعمال کرتے ہوئے عوام کے حقوق کو ذبح کرنے کا اختیار لے لیا جائے گا۔ انہوں نے کہا کہ الیکشن کمیشن ہر آنے والے دن اپنے اصولی موقف سے پیچھے ہٹتا جارہا ہے جو ملکی استحکام اور عوام کے مستقبل سے کھیلنے کے مترادف ہے۔ روائتی الیکشن کے ذریعے چندکرپٹ سیاسی خاندان ہی پارلیمنٹ میں پہنچ سکیں گے عوام کے حقیقی نمائندے پارٹی ٹکٹ تک سے بھی محروم رہیں گے بلاشبہ یہ سب کچھ ملک توڑنے کی سازش ہوگی جس کے بڑے ذمہ داران میں الیکشن کمیشن بھی شامل ہوگا۔

تبصرہ

تلاش

ویڈیو

Ijazat Chains of Authority
Top