غیر آئینی الیکشن کے تحت بننے والی پارلیمنٹ ایک فی صد بھی نظام کو بدل نہیں سکے گی۔ رحیق عباسی

مورخہ: 06 مئی 2013ء

کسی ایک فرد کو بھی ووٹ دینے سے جبراًنہیں روکا جائے گا
الیکشن کے نام پر فراڈ ہونے جا رہا ہے، الیکشن کے نتائج جلدہمارے ویثرن کی تصدیق کر دیں گے
پولنگ ڈے کو ملک کے تمام شہروں میں کرپٹ نظام انتخاب کے خلاف دھرنے دئیے جائیں گے

پاکستان عوامی تحریک کے مرکزی صدر ڈاکٹر رحیق احمد عباسی نے کہا ہے کہ ایسی ستھری سیاست کے قائل ہیں جو ریاست کو بچا کر اسکے استحکام اور عوام کو انکے بنیادی حقوق دینے کی ضمانت فراہم کرے۔ پاکستان کو ٹوٹنے سے بچانا اور اگلی نسلوں کو خوشحال مستقبل دینا پاکستان عوامی تحریک کی منزل ہے۔ روایتی سیاست اور پاکستان عوامی تحریک قائد شیخ الاسلام ڈاکٹر محمد طاہر القادری کے ویژن میں تصادم ہے۔ اس لئے استحصالی اور کرپٹ سیاسی نظام کے خلاف پر امن جدوجہد جاری رکھیں گے۔ سیاست دان اپنی سیاست جبکہ لیڈر اگلی نسلوں کو بچانے کیلئے پلاننگ کرتا ہے۔ تصادم اور انارکی نہیں چاہتے اس لئے پولنگ ڈے کو پر امن دھرنے دئیے جائیں گے اور کسی ایک فرد کو بھی ووٹ دینے سے جبراًنہیں روکا جائے گا۔ پاکستان عوامی تحریک کے پر امن دھرنے پولنگ سٹیشنوں سے دور دئیے جائیں گے جس سے انتخابی عمل میں کسی قسم کی رکاوٹ نہ ہو گی۔ احتجاجی دھرنوں کا مقصد صرف موجودہ عوام دشمن نظام انتخاب کے خلاف احتجاج ریکارڈ کروانا ہے۔ قوم یاد رکھے کہ اس الیکشن کے تحت بننے والی پارلیمنٹ ایک فی صد بھی نظام کو بدل نہیں سکے گی۔ ان خیالات کا اظہار انہوں نے گذشتہ روز مرکزی سیکر ٹریٹ میں جنوبی پنجاب سے آئے پاکستان عوامی تحریک کے وفد سے ملاقات میں گفتگو کرتے ہوئے کیا۔ وفد میں فیاض وڑائچ، عارف رضوی، شاکر مزاری اور دیگر شامل تھے۔

انہوں نے کہا کہ پاکستان عوامی تحریک کے قائد ڈاکٹر طاہر القادری نے پوری قوم کو الیکشن سے قبل بتا دیا ہے کہ الیکشن کے نام پر فراڈ ہونے جا رہا ہے۔ پاکستان عوامی تحریک نے اپنی ذمہ داری کو پورا کر دیا الیکشن کے نتائج جلدہمارے ویثرن کی تصدیق کر دیں گے۔ ڈاکٹررحیق احمد عباسی نے کہا کہ تبدیلی کا نعرہ گانے والے موجودہ کرپٹ نظام کا حصہ بننے کی بجائے اگر ہمارا ساتھ دیتے اور ظلم کے نظام کو ختم کرنے میں مدد کرتے تو صحیح معنوں میں حقیقی تبدیلی قوم کا مقدر بنتی۔ ڈاکٹر رحیق احمد عباسی نے کہا کہ ایک بار پھر واضح کرتے ہیں پولنگ ڈے کو ملک کے تمام شہروں میں پولنگ سٹیشنوں سے دور ایک منتخب جگہ پر دھرنے دئیے جائیں گے جو ہمارا آئینی اور جمہوری حق ہے۔ دھرنے پر امن ہونگے اور کسی کو ووٹ ڈالنے سے نہیں روکا جائے گا۔

تبصرہ

تلاش

ویڈیو

Minhaj TV
Quran Reading Pen
Presentation MQI websites
Advertise Here
Top