لاہور: بزم قادریہ کے زیراہتمام حضرت صاحبزادہ پیر السید محمد ضیاء الدین الگیلانی کی تقریبِ سالگرہ کا انعقاد

بزم قادریہ کالج آف شریعہ کے زیر اہتمام تحریک منہاج القرآن کے روحانی سرپرست حضور قدوۃ الاولیاء حضرت پیر سید طاہر علاء الدین القادری الگیلانی البغدادی کے سب سے چھوٹے صاحبزادے حضور صاحبزادہ پیر السید محمد ضیاء الدین القادری الگیلانی کی سالگرہ کے موقع پر محفل پاک کا انعقاد کیا گیا جس میں خرم نواز گنڈا پور ناظم اعلی تحریک منہاج القرآن، محترم بریگیڈیئر اقبال احمد خان نائب صدر منہاج القرآن انٹرنیشنل، محترم جی ایم ملک ڈائریکٹر امور خارجہ، محترم ملک فضل حسین صاحب ڈائریکٹر اکاؤنٹس، محترم محمد جواد حامد ڈائریکٹر ایڈمن، محترم سید مشرف علی شاہ مربی گوشہ درود، محترم راجہ زاہد محمود نائب صدر پاکستان عوامی تحریک پنجاب اور محترم شہزاد رسول چیف آرگنائزر بزم قادریہ نے شرکت کی۔ محفل کے اختتام پر صاحبزادہ السید پیر محمد ضیاء الدین الگیلانی کی درازئ عمر اور صحت و سلامتی کے لیے خصوصی دعا کی گئی۔ علاوہ ازیں حضور پیر صاحب کے خانوادے، تحریک منہاج القرآن اور قائد تحریک حضور شیخ الاسلام ڈاکٹر محمد طاہر القادری کی صحت و سلامتی کے لیے بھی دعا کی گئی۔