عوام کو جعلی الیکشن، کمیشن مافیا، اقربا پروری اور بادشاہت والے قاتل حکمران نہیں چاہیے۔ افضل گجر

مورخہ: 01 اگست 2014ء

جمہوریت کے نام پر چلنے والے عوام دشمن ڈرامے کو مزید نہیں چلنے دیں گے
پاکستان عوامی تحریک لاہور کے کارکنوں سے خطاب

پاکستان عوامی تحریک لاہور کے صدر چوہدری افضل گجر نے کہا ہے کہ عوام کو جعلی الیکشن، کمیشن مافیا، اقربا پروری اور بادشاہت والے قاتل حکمران نہیں چاہیے۔ عوام جمہوریت کے نام پر چلنے والے عوام دشمن ڈرامے کو مزید نہیں چلنے دیں گے۔ قاتل وزیر اعلیٰ اور اسکے حواری بتائیں بے گناہوں کے قتل، لوڈ شیڈنگ اور جعلی پولیس مقابلوں، کمیشن جنگلہ بس کے علاوہ انہوں نے قوم کی کیا خدمت کی ہے۔ وہ گذشتہ روز پاکستان تحریک لاہور کے کارکنوں سے خطاب کر رہے تھے۔ افضل گجر نے وزیر قانون کے بیان پر ردعمل ظاہر کرتے ہوئے کہاکہ ن لیگ کے وزراء شریف برادران کی کاسہ گیری کرنے کی بجائے عوام کے حال پر رحم کھائیں اورمسند اقتدار سے الگ ہو جائیں۔ انہوں نے کہا کہ پاکستان میں ہر وہ کام فوراً شروع کر دیا جاتا ہے جس میں حکمرانوں کی کمیشن اور کک بیک شامل ہوتا ہے۔ ن لیگ کے حواری وزراء بتائیں کہ انہوں نے قوم کی ترقی کیلئے کیا کردار ادا کیا ہے ؟جمہوریت کے نام پر پاکستان میں بھائیوں، بیٹوں، بیٹیوں، بھتیجوں اور سمدھیوں کو مضبوط کر کے بادشاہت کی بنیا د رکھی جا رہی ہے۔ انہوں نے کہاکہ ڈاکٹر طاہرالقادری اس خاندانی بادشاہت کو ختم کر کے دم لیں گے اور چور، لٹیروں اور قاتلوں کو کیفرکردار تک پہنچائیں گے۔ عوام اب بیدار ہو چکے ہیں، انہیں اب پتہ چل گیا ہے کہ انکے حقوق ظالم حکمران سلب کر رہے ہیں اور اپنی اولادوں کے علاوہ عوام کیلئے انکے پاس کوئی ایجنڈہ نہیں ہے۔ عوام عنقریب ان قاتل حکمرانوں کو دریا برد کرنے والی ہے اور پاکستان میں عوامی حکومت کا آغاز ہونے والا ہے جس میں ہر شخص کو مساوی طور پر ترقی کے مواقع حاصل ہونگے اور کوئی چور لٹیرا کسی غریب آدمی کے حق پر ڈاکہ زنی نہیں کر سکے گا۔

تبصرہ

تلاش

ویڈیو

Minhaj TV
Quran Reading Pen
We Want to CHANGE the Worst System of Pakistan
Presentation MQI websites
Advertise Here
Top