موجودہ نظام نہ بدلا گیا تو نوجوان اعلیٰ تعلیم و باعزت روزگار سے محروم رہیں گے : مظہر علوی

تبدیلی کا وقت آج ہے، نوجوان عوامی تحریک یوتھ ونگ کا ساتھ دے کر دنیا کو تبدیلی کا پیغام دیں
جلد نااہل حکمرانوں اور کرپٹ نظام انتخاب کا سورج ڈوب جائیگا، میاں چنوں اور ساہیوال سے آئے وفود سے ملاقات

لاہور (9 جنوری 2016) پاکستان عوامی تحریک یوتھ ونگ کے مرکزی صدر مظہر علوی نے کہا ہے کہ پاکستانی نوجوانوں نے تبدیلی کیلئے جس جدوجہد کا آغاز کیا ہے اس کی بنیاد قائد عوامی تحریک ڈاکٹر طاہر القادری نے رکھی، جلد نااہل حکمرانوں اور کرپٹ نظام انتخاب کا سورج ڈوب جائے گااور غریب عوام اور نوجوانوں کیلئے استحکام پاکستان و عوامی خوشحالی کا سورج طلوع ہو گا۔ غریب عوام اور نوجوانوں کیلئے استحکام پاکستان اور عوامی خوشحالی کی نئی صبح کا آغاز ہونے والا ہے، نوجوان تحریک پاکستان کے جذبے کے ساتھ ظلم اور استحصالی نظام کے خلاف پرامن جمہوری جدوجہد کے تسلسل کو جاری رکھیں، آج کا نوجوان خوش نصیب ہے کہ اسے ڈاکٹر طاہر القادری جیسی قیادت میسر ہے، وہ مرکزی سیکرٹریٹ میں ملتان، میاں چنوں اور ساہیوال سے آئے نوجوانوں کے مختلف وفود سے ملاقات میں گفتگو کررہے تھے، اس موقع پر حافظ وقار، علی رضا، ملک ناصر علی، حاجی فرخ ودیگر بھی موجود تھے۔ مظہرعلوی نے کہا کہ موجودہ حکمرانوں اور انتخابی نظام کو نہ بدلا گیا تو نوجوان اعلیٰ تعلیم و باعزت روزگار سے محروم رہیں گے اور برین ڈرین کا المیہ اس ملک کا مقدر بنارہے گا، طلبہ اور نوجوان اگر روشن مستقبل چاہتے ہیں تو انہیں انتخابی نظام کے خلاف موثر جدوجہد کو جاری رکھنا ہو گا۔ انہوں نے کہا کہ تبدیلی کا وقت آج ہے اور اس کیلئے نوجوان عوامی تحریک یوتھ ونگ کا ساتھ دے کر دنیا کو تبدیلی کا پیغام دیں۔ ڈاکٹر طاہر القادری کا ویژن پاکستان کو روشن مستقبل دینا ہے، ضرورت اس امر کی ہے کہ تبدیلی کیلئے ان کا دست و بازو بنا جائے۔

تبصرہ

تلاش

ویڈیو

Minhaj TV
Quran Reading Pen
We Want to CHANGE the Worst System of Pakistan
Presentation MQI websites
Advertise Here
Top