دین اسلام کی تمام عبادات اجتماعیت، محبت اور امن کا درس دیتی ہیں: فیض الرحمن درانی

مورخہ: 25 مارچ 2016ء

اسلام کا فلسفہ انسانی حقوق دیگر مذاہب سے ممتاز ہے، دین اسلام انسانی حقوق کا بہترین علمبردار ہے
MWF اجتماعی شادیوں کا انعقاد کر کے حضور ؐ کے درس سخاوت پر عمل پیرا ہے، جمعتہ المبارک کے اجتماع سے خطاب
3 اپریل کو بھی 23 غریب اور بے سہارا بچیوں کی اجتماعی شادیوں کی پروقار تقریب منعقد ہو گی، امجد شاہ
منہاج ویلفیئر فاؤنڈیشن نے ملکی تاریخ میں غربت کے خاتمے کیلئے ہمیشہ عملی اقدامات اٹھائے ہیں: اجلاس سے خطاب

لاہور (25 مارچ 2016) تحریک منہاج القرآن کے مرکزی امیر صاحبزادہ فیض الرحمن درانی نے کہا ہے کہ اسلام کا فلسفہ انسانی حقوق دیگر مذاہب سے ممتاز ہے، ہادی برحق حضرت محمد صلی اللہ علیہ وآلہ وسلم نے انسانی زندگی کے ہر ہر پہلو کے حوالے سے ایسی سنہری تعلیمات عطاء کیں جو زندگی میں حسن اور توازن پیدا کرنے کی ضمانت دیتی ہیں، اسلام دین فطرت ہے اور بنیادی انسانی حقوق کا بہترین علمبردار ہے، دین اسلام کی تمام عبادات ہمیں اجتماعیت، محبت، امن اور اتفاق کا درس دیتی ہیں، اہل ایمان میں جتنا اتحاد ہو گا اللہ کی رحمت اتنی ہی برسے گی، نماز، روزہ، حج زکوۃ سب میں اجتماعیت ہے، منہاج القرآن شادیوں کی اجتماعی تقاریب کا اہتمام کر کے دین اسلام کا اجتماعیت کا عکس دنیا کے سامنے پیش کررہی ہے، منہاج ویلفیئر فاؤنڈیشن غریب اور بے سہارا بچیوں کی اجتماعی شادیوں کا اہتمام کر کے دکھی انسانیت کی خدمت کررہی ہے، تحریک منہاج القرآن انسانیت کی بھلائی کے ایسے منصوبوں پر عملی کام کر کے حضور اکرم صلی اللہ علیہ وآلہ وسلم کے درس سخاوت پر عمل پیرا ہے۔ معاشرے سے غربت اور ناامیدی کا خاتمہ تحریک منہاج القرآن کا مشن ہے۔ وہ جامع المنہاج ماڈل ٹاؤن میں جمعتہ المبار ک کے بڑے اجتماع سے خطاب کررہے تھے۔

دریں اثناء ڈائریکٹر منہاج ویلفیئر فاؤنڈیشن سید امجد علی شاہ نے مرکزی سیکرٹریٹ میں 3 اپریل کو ہونے والی شادیوں کی اجتماعی تقریب کی تیاریوں کے حوالے سے منعقدہ اجلاس سے خطاب کرتے ہوئے کہا کہ منہاج ویلفیئر فاؤنڈیشن ڈاکٹر طاہرالقادری کی سرپرستی میں حقوق اللہ کی ادائیگی کے ساتھ ساتھ حقوق العباد کی ادائیگی کو بھی دین کا اہم فریضہ سمجھتے ہوئے انسانیت کی خدمت کیلئے کوشاں ہے۔ منہاج ویلفیئر فاؤنڈیشن نے ملکی تاریخ میں غربت کے خاتمے کیلئے ہمیشہ عملی اقدامات اٹھائے ہیں، 3 اپریل کو بھی 23 غریب اور بے سہارا بچیوں کی اجتماعی شادیوں کی پروقار تقریب منعقد ہو گی۔ اجتماعی شادیوں کی اس تقریب کی تیاریاں تیزی سے مکمل کی جارہی ہیں۔ 20 مسلم اور 3 غیر مسلم جوڑے نئی زندگی کاآغاز کرینگے۔ امجد شاہ نے بتایا کہ ہر جوڑے کو منہاج ویلفیئر فاؤنڈیشن کی جانب سے گھر کے استعمال کا مکمل سامان اور دیگر بہت سے تحائف بھی دئیے جائینگے۔

تبصرہ

تلاش

ویڈیو

Minhaj TV
Quran Reading Pen
We Want to CHANGE the Worst System of Pakistan
Presentation MQI websites
Advertise Here
Top