طاہرالقادری
ریزہ ریزہ ہے اُمت کا امن و سکوں
حالِ دِل دوستو کس زباں سے کہوں
ٹھوکریں کھاتی پھرتی ہے یہ در بدر
کھا گیا ہے اسے بھی فریبِ نظر
منزلوں کا نشاں طاہرالقادری
عہدِ نو کی زباں طاہرالقادری
فکرِمغرب نے کتنے بجھائے دیے
مردِ حق نے ہیں کتنے جلائے دیے
شہرِ جاں میں چراغِ وفا بھی نہیں
شب کے ہونٹوں پہ حرفِ دُعا بھی نہیں
منزلوں کا نشاں طاہرالقادری
عہدِ نو کی زباں طاہرالقادری
گلستاں میں ہیں تہذیبِ مغرب کے رنگ
ہے دِلوں میں کوئی ولولہ نہ اُمنگ
جسم و جاں ہیں مقید مرے آج بھی
اب برہنہ سروں پہ سجے تاج بھی
منزلوں کا نشاں طاہرالقادری
عہدِ نو کی زباں طاہرالقادری
اپنا کردار نیلام ہے کردیا
دامنِ دِل جنازوں ہی سے بھر دیا
اب بدن میں حرارت نہ حسنِ عمل
تیری خوشبو چمن میں نہ کوئی کنول
منزلوں کا نشاں طاہرالقادری
عہدِ نو کی زباں طاہرالقادری
مقتلِ جاں میں مجرم ہیں سب اے خدا
بندگی کی سحر سے ہیں کب آشنا
موسمِ گل گلستاں میں کب آئے گا
پھول، جگنو، دھنک خواب کب لائے گا
منزلوں کا نشاں طاہرالقادری
عہدِ نو کی زباں طاہرالقادری
اُمت بے نوا کو نظر کھا گئی
اب مقدر پہ کالی گھٹا چھا گئی
زندگی، مقتل اُمت بے خبر
ہر لٹیرا اپنا آج ہے معتبر
منزلوں کا نشاں طاہرالقادری
عہدِ نو کی زباں طاہرالقادری
ہر جگہ ظالموں نے ستایا بھی ہے
ماں کی ممتا کو شب بھر رُلایا بھی ہے
آج ہر سو گھٹا ظلم کی چھائی ہے
آنسوؤں کے سمندر بہت لائی ہے
منزلوں کا نشاں طاہرالقادری
عہدِ نو کی زباں طاہرالقادری
(صاحبزادہ حسین محی الدین قادری)
تبصرہ