منہاج القرآن علماء کونسل محرم الحرام میں ملک بھر میں 100 سے زائد مساجد میں پیغام امام حسین (رض) کانفرنسز کا انعقاد کرے گئی : سید فرحت حسین

معاشرے سے برائی، بے حیائی اور فسق و فجورکے خاتمے کے لیے حسینی کردار اپنانے کی ترغیت دی جائے گی
سید فرحت حسین شاہ کی منہاج القرآن علماء کونسل کے ماہانہ اجلاس سے گفتگو

منہاج القرآن علماء کونسل کے زیر اہتمام محرم الحرام میں ملک بھر میں 100 سے زائد مساجد میں پیغام امام حسین رضی اللہ عنہ کانفرنسز کا انعقاد کیا جائے گا۔ ان کانفرنسز میں سید شہداء امام عالی مقام امام حسین علیہ السلام کی اس عظیم قربانی کو سلام عقیدت پیش کرنے کے ساتھ ساتھ فلسفہ شہادت امام حسین رضی اللہ عنہ کو اجاگر کیا جائے گا۔ ان اجتماعات میں معاشرے سے برائی، بے حیائی اور فسق و فجورکے خاتمے کے لیے حسینی کردار اپنانے کی ترغیت دی جائے گی۔ ان خیالات کا اظہار مرکزی ناظم منہاج القرآن علماء کونسل سید فرحت حسین شاہ نے منہاج القرآن علماء کونسل کے ماہانہ اجلاس سے گفتگو کرتے ہوئے کیا۔ انہوں نے کہا کہ محرم الحرام میں منعقد ہ کانفرنسز میں امام عالی مقام امام حسین رضی اللہ عنہ اور شہدا کربلا کے صبر و استقامت اور دہشت گردی کی مذمت اور احترام انسانیت کے بنیادی خدوخال کو بیان کیا جائے گا۔ فرحت حسین نے کہا کہ شہداء کربلا نے اپنی زندگی اللہ کی بندگی، عشق مصطفی صلی اللہ علیہ وآلہ وسلم اور دینی اقدار کے احیاء میں بسر کی۔ امت مسلمہ کو جینے کا سلیقہ عطا کیا۔ آج بھی ہم اپنی باہمی نفرتوں اور تفرقہ بازی کو امام کربلا کی قربانی کے سبق سے ختم کر سکتے ہیں۔ انہوں نے کہا کہ شہداء کربلا مقام رضا پر فائز تھے اوراس لیے ہر آزمائش اور امتحان کا ڈٹ کر مقابلہ کیا اور اسلام کی مٹتی ہوئی اقدار کو زندہ کیا۔ اس موقع پر علامہ محمد حسین آزاد، مولانا محمد عثمان سیالو ی اورامیرآصف اکبر قادری بھی موجود تھے۔

تبصرہ

تلاش

ویڈیو

Ijazat Chains of Authority
We Want to CHANGE the Worst System of Pakistan
Top