سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج ویلفیئر فاونڈیشن کے زیراہتمام تحصیل ڈسکہ میں مستحق افراد کو فری رمضان پیکج تقسیم کیا گیا، رمضان پيکج میں 200 گھروں میں راشن دیا گیا۔ جس ميں ہر گھر کو 20 کلو آٹا کا تھیلہ، 5 کلو چینی، 5 کلو گھی، 5 کلو چاول اور ضروريات زندگي کي ديگر اشياء بھي شامل تھيں۔
منہاج ویلفیئر فاؤنڈیشن یورپ کے ڈائریکٹر علامہ حافط محمد اقبال اعظم نے مورخہ 6 اگست2010ء کو پاکستان میں آنے والے تباہ کن سیلاب سے متاثر ہونے والے لاکھوں افرادکی بحالی کے لئے امداد کی کولیکشن کے لئے یونان کادورہ کیا۔
منہاج ویلفیئر فاؤنڈیشن نے متاثرين کے ليے امدادي سامان اور ضروريات زندگي کي اشياء پر مشتمل 10 مزيد ٹرکوں کا "امدادی کاررواں" نوشہرہ بھيج ديا ہے۔ امدادي سامان ميں بستر، ٹينٹس، منرل واٹر کي بوتليں، آٹا، چاول، کھانے پينے کي ديگر خشک اشياء شامل تھيں۔ منہاج ویلفیئر فاؤنڈیشن کا يہ "امدادی کاررواں" 13 اگست 2010ء کو مرکزي سيکرٹريٹ لاہور سے روانہ ہوا۔
تحریک منہاج القرآن کے مرکزی قائدین نے 14 اگست 2010ء کو "یوم آزادی" نوشہرہ میں سیلاب زدگان کے ساتھ منایا۔ قائمقام ناظم اعلیٰ شیخ زاہد فیاض، ناظم منہاج ویلفئیر فاؤنڈیشن سید افتخار شاہ بخاری، بلال مصطفوی اور تحریک منہاج القرآن نوشہرہ کے دیگر مقامی قائدین نے سیلاب زدگان کے ساتھ جشن آزادی کی خوبصورت تقریب میں شرکت کی۔
تحریک منہاج القرآن کے امیر پنجاب احمد نواز انجم نے لودہراں میں منہاج ویلفیئر فاؤنڈیشن کے ریلیف کیمپ کا دورہ کیا۔ صدر تحریک منہاج القرآن لودہراں ملک اسلم حماد، رانا محمد ظاہر ناظم تحریک منہاج القرآن لودہراں، چوہدری عبدالغفار سنبل، ملک سلطان، راؤ اسحاق، اظہر لنگاہ ایڈووکیٹ، عابد جوئیہ، ظفر بھٹی، نعمان، سلمان، مدثر بخاری، عمر فاروق، ملک کامران تاج کے علاوہ بہت بڑی تعداد میں تحریک منہاج القرآن لودہراں کے عہدیداران اور کارکنان نے امیر پنجاب کا استقبال کیا۔
منہاج ويليفئر فاونڈيشن ملکي تاريخ کے بدترين سيلاب ميں اپنا کام جاري رکھے ہوئے ہے۔ MWF کے ہزاروں کارکنان سيلاب متاثرين کے ليے دن رات ايک کر کے متاثرہ علاقوں ميں فلاحي سرگرميوں ميں مصروف ہے۔ سيلاب متاثرين کي بحالي کے ليے شيخ الاسلام ڈاکٹر محمد طاہرالقادري نے 2 کروڑ روپے مختص کرنے کا اعلان کيا تھا۔
تحریک منہاج القرآن لودہراں کے زیراہتمام سیلاب زدہ پاکستانی بہن بھائیوں کی امداد کے لیے ریلیف کیمپ لگا دیا گیا جس میں تحریک منہاج القرآن لودہراں کے کارکنان و عہدیداران کے علاوہ زندگی کے ہر شعبہ سے تعلق رکھنے والے افراد نے دل کھول کر عطیات جمع کروائے۔ کیمپ کے انعقاد کے موقع پر صدر تحریک منہاج القرآن لودہراں ملک اسلم حماد نے کہا کہ شیخ الاسلام ڈاکٹر محمد طاہرالقادری کی خصوصی ہدایت پر تحریک منہاج القرآن لودہراں کے کارکنان مصیبت کی اس گھڑی میں سیلاب زدہ پاکستانی بہن بھائیوں کو ریلیف مہیا کرنے کے لیے میدان عمل میں اترے ہوئے ہیں۔
منہاج ویلفیئر فاؤنڈیشن کے سینئر ڈپٹی ڈائریکٹر افتخار شاہ بخاری نے کہا ہے کہ منہاج ویلفیئر فاؤنڈیشن نے نوشہرہ میں 500 متاثرین سیلاب کے لیے منہاج خیمہ بستی قائم کر دی ہے۔ آج سے متاثرین سیلاب کی مدد کے لیے جھولی پھیلاؤ مہم کا آغاز کیا جارہا ہے۔
سیلاب سے متاثرہ علاقوں میں منہاج ویلفیئر فاؤنڈیشن کی امدادی سرگرمیاں تیزی سے جاری ہیں۔ راجن پور، تونسہ شریف، کروڑ لعل عیسن، لیہ، ترگ شریف، عیسیٰ خیل اور نوشہرہ میں اشیائے خورد و نوش اور ضروریات زندگی کا سامان روانہ کر دیا گیا ہے اور متاثرین کیلئے خیمہ بستیاں لگائی جا رہی ہیں۔
منہاج ویلفیئر فاؤنڈیشن کے تحت سیلاب زدگان کی مدد کیلئے 5 منہاج ایمبولینسز بھجوائی جا رہی ہیں۔ یہ سروس نوشہرہ اورگرد نواح کے متاثرین سیلاب کی مدد کیلئے بھجوائی جا رہی ہیں جس میں فرسٹ ایڈ بھی مہیا کی گئی ہے۔ ان خیالات کا اظہار منہاج ویلفیئر فاؤنڈیشن کے مرکزی قائمقام ڈائریکٹر افتخار شاہ بخاری نے لاہور سے ایمبولینسز بھجوانے کے موقع پر میڈیا کے نمائندوں سے گفتگو کرتے ہوئے کیا۔
منہاج ویلفیئر فاؤنڈیشن نے پورے ملک میں شدید بارشوں اور سیلاب سے متاثرین کی بحالی کیلئے اپنی امدادی سرگرمیوں کا آغاز کردیا ہے۔ 50 لاکھ روپے سے متاثرین کی بحالی کیلئے قائم کیے گئے فنڈ کا فیصلہ سنٹرل ورکنگ کونسل کے اجلاس میں کیا گیا۔
وطن عزیز میں شدید بارشوں کا سلسلہ جاری ہے جس کی وجہ سے بعض زیریں علاقے شدید سیلاب کی زد میں ہیں اور ہزار ہا لوگ اپنی املاک سے محروم ہو چکے ہیں اور کھلے آسمان کے نیچے بے یار و مددگار زندگی گزارنے پر مجبور ہیں۔ آئیے! ان بھائیوں کی مل کر مدد کریں اور منہاج ویلفیئر فاؤنڈیشن کے پلیٹ فارم سے ان کی بھرپور اعانت میں فراخدلی سے اپنا ہاتھ بٹائیں۔
منہاج ویلفیئر فاؤنڈیشن تعلیم، صحت اور فلاح عام کے منصوبہ جات پر کام کررہی ہے اور دنیا بھر کے مفلوک الحال اور افلاس زدہ لوگوں کی مددکرنے میں پیش پیش ہے۔ یہ اللہ تعالیٰ کا خاص فضل وکرم ہے کہ MWF پاکستان میں 573 اسکولوں میں تقریباً غریب و متوسط طبقے کے ایک لاکھ 18 ہزار طلبہ و طالبات کو زیور تعلیم سے آراستہ کر رہی ہے اور ہزاروں طلبہ و طالبات ان تعلیمی اداروں میں مفت تعلیم حاصل کر رہے ہیں۔
منہاج ویلفیئر فاونڈیشن کے یتیم اور بے سہارا بچوں کے کفالتی ادارہ ’’آغوش‘‘ کے7 بچوں نے تحفیظ القرآن انسٹی ٹیوٹ سے قرآن پاک حفظ کر لیا ہے۔ چار سال پہلے یتیم بچوں کی کفالت کے لیے قائم ہونے والے ادارہ کا یہ بھی اعزاز ہے کہ اس میں بچوں کی تعلیم و تربیت کا بہترین انتظام کیا گیا۔
ملک میں بڑھتے ہوئے دہشت گردی کے واقعات کے پیش نظر تحریک منہاج القرآن نے منہاج ویلفیئر فاونڈیشن کے پلیٹ فارم سے ’’منہاج ریسکیو ٹیم‘‘ بنانے کا فیصلہ کیا ہے۔ اس سلسلے میں تحریک کے مرکزی سیکرٹریٹ میں 9 اور 10 اپریل کو 2 روزہ ٹریننگ کیمپ کا اہتمام کیا گیا۔ اس کیمپ میں پنجاب سروسز اکیڈمی ریسکیو 1122 کے انسٹرکٹرز نے خصوصی شرکت کی۔
4M
فیس بک
2M
ٹوٹر
© 1994 - 2026 Minhaj-ul-Quran International.
