سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
تحریک منہاج القرآن رئیاں گورسیاں یونین کونسل راماں کے زیر اہتمام بیداریء شعور کنونشن مورخہ 10 اکتوبر 2013ء بروز جمعرات 4 بجے شام رہائش گاہ ماسٹر محمد آصف ناظم تحریک منہاج القرآن یونین کونسل راماں منعقد ہوا۔ کنونشن کی صدارت چوہدری محمد اسحاق صدر تحریک منہاج القرآن پی پی 4 نے کی جبکہ مہمان خصوصی محمود الحق قریشی سرپرست تحریک منہاج القرآن تھے۔
پاکستان عوامی تحریک کے سیکرٹری جنرل خرم نواز گنڈا پور نے قومی ادارے نادرا کی رپورٹ کو الیکشن کمیشن کے منہ پر طمانچہ قرار دیتے ہوئے مطالبہ کیا ہے کہ دیگر حلقوں میں ڈالے جانے والے ووٹوں کی تصدیق بھی نادرا سے کرائی جائے اس طرح الیکشن 2013 کا پول کھل جائے گا۔ ڈاکٹر طاہر القادری نے الیکشن سے قبل جو کہا انکی ہر بات وقت کے ساتھ ساتھ درست ثابت ہو رہی ہے۔ دھن، دھونس اور دھاندلی پر مبنی نظام انتخاب تباہی کا ذمہ دار ہے۔
مصطفوی سٹوڈنٹس موومنٹ کے 19سال مکمل ہونے پر ملک بھر میں تقاریب کا سلسلہ جاری ہے۔ اسی سلسلے میں اسلامک انٹرنیشنل یونیورسٹی اسلام آباد میں امید پاکستان طلبہ کنونشن کا انعقاد کیا گیا، جس کی صدارت مرکزی صدر ایم ایس ایم چوہدری عرفان یوسف نے کی۔ جبکہ جنرل سیکرٹری ایم ایس ایم کشمیر عثمان ڈار، رہنما پاکستان عوامی تحریک عمر ریاض عباسی، صدر ایم ایس ایم اسلامک یونیورسٹی مرزا عدنان بیگ اور دیگر طلبہ راہنما شریک تھے۔
مصطفوی سٹوڈنٹس موومنٹ کوٹلی کے زیراہتمام کوٹلی شہر میں کاروان انقلاب ریلی اور امید نو طلباء کنونشن کا انعقاد کیا گیا۔ کنونشن کے مہمان خصو صی صدر پاکستان عوامی تحریک شیخ زاہد فیا ض اور مرکزی صدر مصطفوی سٹوڈنٹس موومنٹ پاکستان عرفان یوسف تھے، جبکہ صدارت امیر کشمیر سید ابرار سرور شاہ نے کی۔ مرکزی قائدین کا کوٹلی پہنچنے پر تحصیل کوٹلی، کھوئیرٹہ، نکیال، چڑھوئی، کوٹلی یونیورسٹی، ڈگری کالج کوٹلی گلپور، بڑالی اور نڑالی سے آئے ہوئے مصطفوی کارکنان نے ریلی کی صورت میں استقبال کیا۔
ڈاکٹر حسن محی الدین قادری نے اجلاس سے گفتگو کرتے ہوئے کہا کہ اگرآپ خواتین اسی استقامت کے ساتھ کام کرتی رہیں تو وہ دن دور نہیں جس دن پاکستان میں عوامی جمہوری انقلاب کا سورج طلوع ہوگا۔ انہوں نے تنظیمات کو ورکنگ سمجھاتے ہوئے شہد کی مکھی کی مثال دی کہ جس طرح وہ اللہ کے مقرر کدرہ، پاکیزہ راستوں سے سفر کر کے شہد تیار کرتی ہے اور اللہ تعالیٰ اُس کی بے مثال محنت ومشقت اور دیانت اور وفاداری کے باعث اس کے شہد کو باعثِ شفا بنا دیتا ہے۔
طلبہ کی نمائندہ تنظیم بزم منہاج کی زیرنگرانی کالج آف شریعہ اینڈ اسلامک سائنسز کے طلبہ نے قائد اعظم لائبریری میں منعقدہ بک فیئر میں شرکت کی۔ اس موقع پر صدر بزم منہاج میاں غلام ربانی، نائب صدر عدنان بٹ اور جنرل سیکرٹری محمد وقاص باروی بھی موجود تھے۔ کتاب میلہ میں طلبہ نے مختلف کتب میں دلچسپی کا اظہار ذوق مطالعہ کے پیش نظر مختلف کتب کو خریدا۔
تحریک منہاج القرآن گجرات کے زیراہتمام مصطفوی انقلاب ورکرز کنونشن کا انعقاد کیا گیا جس میں لوگوں کی کثیر تعداد نے شرکت کی۔ تقریب کا باقاعدہ آغاز تلاوت کلام پاک اور نعت رسول مقبول صلی اللہ علیہ وآلہ وسلم ہوا۔ اس موقع پر ناظم مرکزی علماء کونسل سید فرحت حسین شاہ نے خصوصی خطاب کیا۔
تحریک منہاج القرآن تحصیل پاکپتن شریف، نور پور اور عارفوالہ کا مشترکہ اجلاس تحصیلی دفتر میں منعقد ہوا جس میں تمام ضلعی عہدیداران بشمول الحاج رانا منظور علی امیر تحریک ضلع پاکپتن اور تمام تحصیلی عہدیداران نے خصوصی شرکت کی۔ اجلاس کی صدارت زونل ناظم ساہیوال ڈوویژن عبدالطیف مدنی، نائب صدر (PAT) پنجاب و کوآرڈنیٹر ساہیوال ڈوویژن ملک مشتاق نوناری نے کی۔
تحریک منہاج القرآن کمالیہ کے زیراہتمام حلقہ فہم دین کا انعقاد کیا گیا جس میں مرکزی ناظم دعوت علامہ رانا محمد ادریس قادری نے خصوصی شرکت کی۔ تقریب کا باقاعدہ آغاز تلاوت کلام پاک اور نعت رسول مقبول صلی اللہ علیہ وآلہ وسلم سے ہوا۔ اس موقع پر معروف سماجی و سیاسی شخصیات کے علاوہ علاقے کے لوگوں نے کثیر تعداد میں شرکت کی۔
تحریک منہاج القرآن، پاکستان عوامی تحریک اور منہاج القرآن یوتھ لیگ تحصیل چیچہ وطنی کے زیراہتمام 6 اکتوبر 2013 کو تنظیم نو کے سلسلے میں اجلاس کا انعقاد کیا گیا جس کی صدارت علامہ محمد لطیف مدنی کوآرڈینیٹر تحریک منہاج القرآن ساہیوال ڈویژن نے کی۔ اجلاس کا باقاعدہ آغاز تلاوت قرآن پاک سے اور نعت رسول کریم صلی اللہ علیہ وآلہ وسلم سے ہوا جس کی سعادت قاری علم الدین قادری نے حاصل کی، جبکہ عامر وقاص طاہر نے نقابت اورسابقہ تنظیمات کی کارکردگی رپورٹ پیش کی۔
تحریک منہاج القرآن ضلع پاکپتن کی ضلعی کوآرڈنیشن کونسل کا مشترکہ اجلاس 6 اکتوبر بروز اتوار تحصیل آفس تحریک منہاج القرآن پاکپتن منہاج زچہ بچہ ہسپتال میں ہوا جس میں تحصیل پاکپتن، تحصیل عارفوالہ اور تحصیل نور پور کے ضلعی کوآرڈنیشن کونسل کے ممبرز نے شرکت کی۔ اجلاس میں ضلعی و تحصیلی ٹارگٹس کے حصول کے حوالہ سے تمام فورمز کے تحصیلی صدور و ناظمین نے اپنی اپنی رپورٹس پیش کیں۔ اجلاس کے اختتام پر امیر تحریک ڈسٹرکٹ پاکپتن سید ابو داؤد شاہ بخاری نے اگلے لائحہ عمل کے بارے میں آگاہ کیا اور فیصلہ کیا گیا کہ ضلعی کوآرڈنیشن کونسل کا اجلاس ہر پندرہ دن بعد تمام تحصیلات میں باری باری ہوا کر ے گا تا کہ ایک کروڑ نمازی اکٹھا کرنے کے ٹارگٹ کو جلد از جلد حاصل کیا جا سکے۔
تحریک منہاج القرآن پاکپتن شریف کے زیراہتمام 29 ستمبر بروز اتوار تحصیل کوآرڈنیشن کونسل کا ابتدائی اجلاس ناظم تحریک منہاج القرآن پاکپتن محمد عقیل شہباز (ایڈووکیٹ) کی رہائش گاہ پر ہوا جس میں تحصیلی کوآرڈنیشن کونسل کے تمام عہدیداران نے شرکت کی۔ اجلاس کی سربراہی زونل کوآرڈنیٹر ساہیوال ڈوویژن جناب عبدالطیف مدنی نے کی۔
تحریک منہاج القرآن ضلع پاکپتن کا مشترکہ اجلاس منہاج زچہ بچہ ہسپتال میں ہوا جس میں تحصیل پاکپتن، تحصیل عارفوالہ اور تحصیل نور پور کے احباب نے بھرپور شرکت کی۔ اجلاس میں ضلعی و تحصیلی عہدیداران کا انتخاب عمل میں لایا گیا۔ الحاج رانا منظور علی کو سرپرست منتخب کیا گیا۔
تحریک منہاج القرآن لودھراں کے زیراہتمام درس عرفان القرآن کا انعقاد کیا گیا جس میں لوگوں کی کثیر تعداد نے شرکت کی۔ تقریب کا باقاعدہ آغاز تلاوت کلام پاک سے ہوا جس کی سعادت قاری کاشف بشیر نے حاصل کی، جبکہ قاری عبدالقیوم غوری، پروفیسر نعمان مصطفوی، الحاج ملک سلیم قادری اور ملک اسلم حماد نے تاجدار کائنات صلی اللہ علیہ وآلہ وسلم کی بارگاہ میں درود و سلام کے گجرے پیش کیے۔ اس موقع پر ملک غلام نازک آرائیں، راؤ محمد اسحق، چودھری عبدالغفار، علامہ نصیر بابر، اظہر لنگاہ ایڈووکیٹ، ملک سلطان آرائیں کے علاوہ کثیر تعداد میں عمائدین شہر اور کارکنان تحریک نے شرکت کی۔
یوم تاسیس کے موقع پر اپنے خصوصی پیغام میں ڈاکٹر حسن محی الدین قادری نے ایم ایس ایم کے جملہ قائدین، سابقین، کارکنان اور وابستگان کو مبارک باد دیتے ہوئے کہا کہ ایم ایس ایم تحریک کا ہر اول دستہ اور قائد انقلاب کی فکر کی وارث ہے۔ انہوں نے کہا کہ ایم ایس ایم نے اپنے 19 سالہ سفر میں طلبہ کے اندر عشق مصطفی صلی اللہ علیہ وآلہ وسلم کے فروغ کیلئے جس لگن کے ساتھ کام کیا وہ قابل تحسین ہے۔
3.6M
فیس بک
1.9M
ٹوٹر
© 1994 - 2024 Minhaj-ul-Quran International.
