سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
ڈاکؔٹر حسن محی الدین قادری نے چکوال میں بیداری شعور عوامی اجتماع سے خطاب کرتے ہوئے کہا کہ انقلاب کیلئے تیاری کرنا آپ کا جبکہ آواز دینا قائد کا کام ہے۔ شاہ رخ اور شاہ زیب جب تک برابر کے شہری نہیں بن جاتے تبدیلی تب تک نہیں آئے گی، اس فرسودہ نظام سے تبدیلی کی امید نہیں رکھی جا سکتی۔ پاکستان میں حقیقی تبدیلی کیلئے نظام کو بدلنا ہو گا، ڈاکٹر محمد طاہر القادری نے انتخابات سے قبل کے جو حقائق بیان کیے تھے آج وہ من و عن صحیح ثابت ہو رہے ہیں۔
ڈاکٹر حسن محی الدین قادری نے خطاب میں کہا کہ جہلم جانبازوں کا شہر ہے، میں جب لانگ مارچ کے دن یہاں سے گزرا تھا تب بھی لوگوں کے ہجوم واستقبال کو دیکھ کر بہت خوش ہوا تھا اور آج کھچا کھچ بھرا ہوا پنڈال دیکھ کر میرا دل باغ باغ ہو گیا ہے۔ آپ نے کہا کہ قائد نے دو کروڑ نمازی مانگے ہیں ووٹرز نہیں، کیونکہ ووٹر بک سکتے ہیں نمازی بک نہیں سکتے۔
پاکستان میں بڑھتی ہوئی مہنگائی جس نے غریبوں کا جینا دو بھر کر دیا ہے، ایسے حالات میں منہاج ویلفیئر فاؤنڈیشن پشاور کے تحت غریبوں، بیواؤں اور یتیموں میں مفت راشن کی تقسیم کی گئی۔ راشن کی تقسیم کے سلسلہ میں منہاج ویلفیئر فاونڈیشن نے تقریب کا انعقاد کیا، جس میں امیر تحریک پشاور ڈویژن غلام شبیر گیلانی نے خصوصی شرکت کی۔
پاکستان عوامی تحریک گوجرہ میں فیصل آباد ڈویژن کے کوآرڈینیٹر رانا نثار شہزاد سے تحریک کے مقامی دفتر میں گوجر ہوٹل اینڈ ریسٹورنٹ ایسوسی ایشن کے وفد نے ملاقات کی جس میں سٹی ٹاپ ہوٹل کے مالک میاں نذیر احمد، زمیندار ہوٹل کے مالک ماجد رضا، زیگو ہوٹل اینڈ ریسٹورنٹ کے مالک عقیل عباس، عوامی ہوٹل کے مالک محمد جمیل، انصاری ہوٹل کے مالک شمس الحق و دیگر ہوٹل مالکان شامل تھے۔
ڈاکٹر حسن محی الدین قادری نے کہا ہے کہ ملکی اداروں کو لوٹ سیل پر لگانے والوں کی لوٹ سیل لگنے والی ہے۔ عوام جرآت کی طاقت سے لٹیروں کو کوڑیوں کے مول فروخت کرنے کیلئے اٹھنے والے ہیں۔ ڈاکٹر طاہر القادری نے انقلاب کی جماعت قائم کرنے کیلئے دو کروڑ ووٹرز کو نہیں نمازیوں کو کال دی ہے جو استقامت کے ساتھ اُس وقت تک ڈٹے رہیں گے جب تک سیاست کے شیطان بھاگ نہیں جاتے۔ پاکستان عوامی تحریک کے کارکن دوکروڑ نمازیوں کیلئے صفیں بچھاتے جائیں جلد ہی اقامت کہی جائے گی اور ڈاکٹر طاہر القادری کی امامت میں نماز انقلاب قائم ہو جائے گی جس کے نتیجے میں انقلاب کا سویرا طلوع ہو گا۔
راولپنڈی: ڈاکٹر حسن محی الدین قادری نے ورکرز کنونشن سے خطاب کرتے ہوئے کہا ہے کہ عوام کش اقدامات کے ذریعے پاکستان میں جمہوریت کو سر عام مصلوب کیا جا رہا ہے مگر عدالتوں اور الیکشن کمیشن کے ہونٹ سلے ہوئے ہیں۔ تبدیلی کی خواہش رکھنے والے کروڑوں عوام جان چکے ہیں کہ ملک میں رائج استحصالی نظام حکومت کے ہوتے غریب کا مقدر نہیں بدل سکتا اس لئے وہ کشاں کشاں ڈاکٹر طاہر القادری کی امامت میں ہونے والی نماز انقلاب کے دو کروڑ نمازیوں میں شامل ہو رہے ہیں۔
شیخ الاسلام ڈاکٹر محمد طاہر القادری نے سیرت رسول صلی اللہ علیہ وآلہ وسلم کانفرنس سے خطاب کرتے ہوئے کہا کہ ایمان مومن پر اللہ کا احسان ہے اور ایمان کا مرکز و محور آقا صلی اللہ علیہ وآلہ وسلم کی ذات ہے۔ انہوں نے کہا کہ صحابۂ کرام رضی اللہ عنہم ذات مصطفیٰ صلی اللہ علیہ وآلہ وسلم کو اپنی محبت کا مرکز و محور سمجھتے تھے۔ وہ جانتے تھے کہ مصطفیٰ صلی اللہ علیہ وآلہ وسلم کی ذات اقدس کے ساتھ تعلق جس قدر مضبوط و مستحکم ہو گا اسی قدر ایمان بھی مضبوط و مستحکم ہوتا جائے گا۔
منہاج القرآن انٹرنیشنل کویت کے نو منتخب عہدیداران صدر حاجی عبدالرشید اور ناظم احمد حسین چودھری نے 5 اکتوبر 2103 کو مرکزی سیکرٹریٹ کا دورہ کیا۔ کویت کی NEC کے نو منتخب عہدیداران نے مرکزی سیکرٹریٹ کے وزٹ کے دوران مختلف شعبہ جات کا وزٹ کیا اور ناظم امور خارجہ جی ایم ملک سے خصوصی ملاقات کی۔ ملاقات کے دوران اسسٹنٹ ڈائریکٹر فنانس DFA ندیم احمد اعوان، سیکرٹری ممبرشپ میاں اشتیاق احمد اور سیکرٹری نظامت محمد وسیم افضل بھی موجود تھے۔
ڈاکٹر حسن محی الدین قادری نے ایبٹ آباد میں بیداری شعور کنونشن سے خطاب کرتے ہوئے کہا کہ کرپٹ نظام انتخاب میں شاہ رُخ جتوئی اور شاہ زیب کبھی برابر نہیں ہو سکتے۔ اس لئے عوام گھر میں بیٹھ کر مرنے کی بجائے بڑھ کر ظالموں سے اپنی زندگی چھین لیں۔ کرپٹ اور موروثی سیاست کے تابوت میں آخری کیل ٹھونکنے کیلئے انقلابیوں کی صف بندی شروع ہو چکی۔ جلد اقامت کہی جائے گی اور انقلاب کی جماعت ڈاکٹر طاہر القادری کی امامت میں قائم ہو گی۔ جماعت کے قیام کے ساتھ ہی ملک سے شیطانی سیاست رخت سفر باندھے گی۔
منہاج القرآن یوتھ لیگ اورنگی (کراچی) کے زیراہتمام کراچی شہر کے مختلف ٹاؤنز اور یونین کونسلز میں پروجیکٹر پروگرامز کا آغاز کر دیا گیا ہے، جس میں شیخ الاسلام ڈاکٹر محمد طاہر القادری کے بیدارئ شعور اور موجودہ سیاسی، سماجی اور کرپٹ نظام انتخاب سے متعلق خطابات، انٹرویوز اور شارٹ کلپس سنائے جائیں گے۔ واضح رہے کہ پروگرام کا انعقاد روزانہ کی بنیاد پر کیا جائے گا۔
مرکزی نظامت تربیت تحریک منہاج القرآن کے زیراہتمام 29 ستمبر 2013 کو جامعہ نوریہ رضویہ گلبرگ A فیصل آباد میں آئیں حدیث سیکھیں کور س کا امتحان منعقد ہوا، جس میں مرکزی ناظم کورسز علامہ محمد شریف کمالوی اور سینیئر معلم کورسز علامہ سعید رضا بغدادی نے خصوصی شرکت کی۔ تقریب کا باقاعدہ آغاز تلاوت کلام پاک سے ہوا جس کی سعادت جامعہ کی طالبہ مریم نے حاصل کی، بعد ازاں تاجدار کائنات صلی اللہ علیہ وآلہ وسلم کی بارگاہ میں گلہائے عقیدت نچھاور کیے گئے۔
تحریک منہاج القرآن آزادکشمیر کی مشاورتی کونسل کا اہم اجلاس راولپنڈی میں منعقد ہوا۔جس کی صدارت امیر تحریک منہاج القرآن آزاد کشمیر سید ابرار سرور شاہ نے کی۔ اجلاس کا باقاعدہ آغاز تلاوت کلام سے ہوا جس کی سعادت علامہ حافظ عرفان صدیقی ناظم دعوت تحریک منہاج القرآن میرپور نے حاصل کی، جبکہ بارگاہ رسالت مآب صلی اللہ علیہ وآلہ وسلم میں حافظ آفتاب احمد ناظم تحریک منہاج القرآن عباس پور نےگلہائے عقیدت نچھاور کیے۔ اجلاس میں نائب ناظم اعلیٰ تنظیمات منہاج القرآن انٹرنیشنل احمد نواز انجم اور سردار منصور احمد خان مرکزی رہنما پاکستان عوامی تحریک نے خصوصی شرکت کی۔
ڈاکٹر محمد طاہر القادری نے بھارتی سپریم کورٹ کی طرف سے الیکشن کمیشن کو دئیے گئے اس حکم کہ وہ ووٹنگ مشین میں "ووٹ کسی کیلئے نہیں" کے بٹن کا اضافہ کرے کو پاکستانی الیکشن کمیشن کے منہ پر طمانچہ قرار دیا ہے۔ انہوں نے کہا کہ انڈین چیف جسٹس کے مطابق ووٹر کو طاقتور کرنا جمہوریت کا اہم ترین جزو ہے اور یہ اقدام آزادی اظہار رائے اور ووٹر کی حقیقی آزادی کو یقینی بنانے کیلئے ہے۔ اس اقدام سے سیاسی جماعتیں اچھے امیدوار سامنے لانے پر مجبور ہونگی۔ بھارتی سپریم کورٹ کے مطابق جمہوریت میں اس بات کو بہت زیادہ اہمیت حاصل ہے کہ ووٹر کو تمام امیدواروں کو رد کرنے کا بھی اختیار دیا جائے۔ یہ اقدام سیاسی نظام کی صفائی اور جمہوریت کے استحکام کیلئے اہم ترین قرار دیا گیا ہے۔
دی ہیگ: دیار غیر میں پاکستانی ثقافتی ماحول کو اُجاگر کرنے کیلئے منہاج لیڈیز ایونٹ کا اہتمام تحریک منہاج القرآن دی ہیگ کی نئی عمارت میں منہاج القرآن ویمن لیگ کے زیر اہتمام کیا گیا۔ پروگرام کا باقاعدہ آغاز تلاوت کلام پاک سے مدیحہ احمد نے اپنی خوش لحن آواز میں کیا اور بارگاہ رسالت ماب صلی اللہ علیہ وآلہ وسلم میں گلہائے عقیدت پیش کرنے کی سعادت منہاج سسٹرز نے حاصل کی جبکہ پروگرام کی نظامت کے فرائض سسٹر سارہ اقبال نے بخوبی انجام دیئے۔
منہاج انٹرنیٹ بیورو نے پاکستان عوامی تحریک خیبر پختونخواہ کے تعاون سے 29 ستمبر 2013ء بروز اتوار گل بہار کالونی، پشاور میں رضاکاران کے لئے سوشل میڈیا ٹریننگ کیمپ کا انعقاد کیا، جس میں منہاج انٹرنیٹ بیورو سے دو رکنی ٹیم کے علاوہ پشاور اور گرد و نواح کے علاقوں سے 30 سے زائد افراد شریک ہوئے۔ ٹریننگ سیشن کے دوران نوجوانوں کی دلچسپی قابل ستائش تھی، انہوں نے اپنی دلچپسی کا اظہار متعدد و مفید سوالات کی صورت میں کیا، جن کے جوابات پر مرکزی ٹیم کی جانب سے سیر حاصل گفتگو کی گئی۔
3.6M
فیس بک
1.9M
ٹوٹر
© 1994 - 2024 Minhaj-ul-Quran International.