سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
شیخ زاہد فیاض نے کہا کہ کارکنان اپنے قائد کی آواز پر لبیک کہتے ہوئے اپنے کردار کی طاقت سے آگے بڑھیں۔ تحریک منہاج القرآن اور پاکستان عوامی تحریک کی جدوجہد پرامن انقلاب کی جدوجہد ہے جس کا راستہ روکنا ممکن نہیں۔ ان خیالات کا اظہار انہوں نے تحریک منہاج القرآن اور پاکستان عوامی تحریک وہاڑی کے زیراہتمام منعقدہ ضلعی کنونشن سے خطاب کرتے ہوئے کیا۔
معاشرے میں بین المذاہب رواداری کے فروغ میں سب سے بڑی رکاوٹ جہالت، لاعلمی اور نصاب تعلیم میں رواداری، اخوت، بھائی چارہ، برداشت اور عظمتِ انسانیت جیسے موضوعات کی عدم موجودگی ہے۔ معاشرے میں رواداری اور برداشت کے علاوہ دوسرے مذاہب کے متعلق مثبت معلومات اور انسانی اقدار کے کلچر کو فروغ دینے کی اشد ضرورت ہے۔
تحریک منہاج القرآن تحصیل شکرگڑھ کے زیراہتمام صدیق میرج ہال میں چوہدری آفتاب احمد سیالوی صدر تحریک منہاج القرآن تحصیل شکرگڑھ کی زیر صدارت ایک پروقار تقریب ِحسنِ کارگردگی ایوارڈ کا انعقاد کیا گیا، جس میں شیخ زاہد فیاض مرکزی صدر پاکستان عوامی تحریک، سیکرٹری کوآرڈینیشن ساجد محمود بھٹی، سردار بشیر خان لودھی اور مرکزی سیکرٹری جنرل منہاج یوتھ لیگ حافظ شعیب طاہر نے خصوصی شرکت کی۔ علاوہ ازیں تحصیل بھر سے کثیر تعداد میں کارکنان نے بھی شر کت کی۔
تحریک منہا ج القرآن گوجرہ ضلع ٹوبہ ٹیک سنگھ کے زیرِانتظام ضلعی ورکرز کنونشن کا انعقاد کیا گیا جس میں مرکزی ناظم دعوت تحریک منہاج القرآن علامہ رانا محمد ادریس قادری نے خصوصی شرکت کی۔ ورکرز کنونشن کا آغاز تلاوتِ قرآن ِکریم اور نبی اکرم صلی اللہ علیہ وآلہ وسلم پر درود و سلام سے ہوا۔ بعد ازاں تحریک منہاج القرآن ضلع ٹوبہ ٹیک سنگھ کے قائدین نے خطابات کیا۔ کنونشن سے خصوصی خطاب کرتے ہوئے مرکزی ناظم دعوت تحریک منہاج القرآن علامہ رانا محمد ادریس قادری نے کہا کہ دنیا کی کو طاقت انقلاب نہیں روک سکتی۔
شیخ زاہد فیاض نے ملتان میں عظیم الشان ورکرز کنونشن سے خطاب کرتے ہوئے کہا کہ پاکستان بلا شبہ ایک ایٹمی طاقت ہے لیکن ملک میں تعلیمی پسماندگی عروج پر ہے۔ پرائمری کی سطح سے لے کر یونیورسٹی تک تعلیمی نظام ابتر صورتحال سے دوچار ہے۔ تعلیمی ادارے کمائی کا ذریعہ بن چکے ہیں اور سرکاری تعلیمی ادارے صرف ڈگریاں بانٹ رہے ہیں۔ حکومتوں کی غلط پالیسیوں کی وجہ سے صنعتی شہروں میں بجلی اور گیس کی عدم دستیابی کے باعث ملک میں معاشی و اقتصادی بحران بڑھ رہا ہے۔
ڈاکٹر طاہر القادری نے کہا ہے کہ آج ساری قوم کو ایک بار پھر حصول پاکستان والے عزم کے ساتھ کام کرنا ہو گا اور پاکستان میں حقیقی جمہوریت کے قیام کیلئے اس موجودہ فرسودہ کرپٹ نظام انتخاب کو دریا برد کرنا ہو گا۔ انہوں نے کہا کہ کامیاب ریاست چلانے کیلئے جو اصول قائد اعظم رحمۃ اللہ علیہ نے دیے تھے۔ انہیں طالع آزما سیاستدانوں نے اقتدار کی ہوس اور ذاتی مفادات کی خاطر فراموش کر دیا۔ قائد اعظم رحمۃ اللہ علیہ نے عزم و ہمت اور ولولے کے ساتھ ناممکن کو ممکن بنایا۔
رانا محمد ادریس قادری نے کنونشن کے شرکاء سے خطاب کرتے ہوئے کہا کہ ملک میں 18 کروڑ غریب عوام کے لیے نہ معیشت ہے، نہ مال کا تحفظ۔ نہ حقوق ہیں اور نہ جینے کا حق ہے اور نہ ہی کسی کی آبرو کا تحفظ ہے۔ صرف چند لوگوں کے لیے بنیادی حقوق رہ گئے ہیں۔ انہوں نے کہا کہ ہمارے ملک میں جمہوریت نہیں مجبوریت ہے، جہاں عوام کو بنیادی حقوق سے محروم رکھا جا رہا ہو وہاں کونسی جمہوریت ہے۔
تحریک منہاج القرآن لیہ کے زیراہتمام ورکرز کنونشن کا انعقاد کیا گیا جس میں کارکنان کی کثیر تعداد نے شرکت کی۔ کنونشن کا باقاعدہ آغاز تلاوت کلام اور نعت رسول مقبول صلی اللہ علیہ وآلہ وسلم سے ہوا۔ اس موقع پر زونل انچارج ڈی جی خان ڈویژن سردار مزاری اور غضنفر حسنین قادری نے خصوصی شرکت کی۔
تحریک منہاج القرآن گوجر خان کے زیراہتمام ورکرز کنونشن اور تربیتی نشست کا انعقاد کیا گیا جس میں کارکنان کی کثیر تعداد نے شرکت کی۔ کنونشن کا باقاعدہ آغاز تلاوت کلام پاک اور نعت رسول مقبول صلی اللہ علیہ وآلہ وسلم سے ہوا۔ اس موقع پر خطاب کرتے ہوئے تحریک منہاج القر آن راولپنڈی ڈویژن کے کوآرڈینیٹر علامہ محمد افضال قادری اور میڈیا ایڈوائزر تحریک منہاج القرآن گوجرخان عبدالستار نیازی نے کہا کہ ہم نے تبدیلی کا بیڑہ اٹھا لیا ہے۔
تحریک منہاج القرآن شکرگڑھ کے زیراہتمام ورکرز کنونشن کا انعقاد کیا گیا جس میں کارکنان کی کثیر تعداد نے شرکت کی۔ کنونشن کا باقاعدہ آغاز تلاوت کلام پاک اور نعت رسول مقبول صلی اللہ علیہ وآلہ وسلم سے ہوا۔اس موقع پر پاکستان عوامی تحریک کے صدر شیخ زاہد فیاض، مرکزی سیکرٹری کوآرڈینیشن پاکستان عوامی تحریک ساجد محمود بھٹی اور مرکزی کوآرڈینیٹر منہاج ویلفیئر فنڈ سردار بشیر احمد لودھی نے خصوصی شرکت کی۔تقریب میں کارکنان میں اسناد بھی تقسیم کی گئیں۔
پاکستان عوامی تحریک کے زیراہتمام ورکرز کنونشن منعقد ہوا جس سے سردار شاکر مزاری نے خصوصی خطاب کیا۔ انہوں نے اپنے خطاب میں کہا کہ ڈاکٹر طاہرالقادری نے 23 دسمبر، لانگ مارچ اور 11 مئی کے دھرنوں کی صورت میں اذان دی تھی اب جماعت کا وقت قریب ہے۔ کارکنان اپنے قائد کا پیغام ہر گھر تک پہنچانے کے لیے تمام وسائل کو بروئے کار لاتے ہوئے شب و روز ایک کر دیں تاکہ باطل و طاغوتی نظام جس نے غریب کے حقوق غصب کر رکھے ہیں، کو جڑ سے اکھاڑ پھینکا جائے۔
منہاج القرآن ویمن لیگ جہلم کے زیراہتمام تربیتی کنونشن کا انعقاد کیا گیا جس میں مرکزی ناظمہ ویمن لیگ عائشہ شبیر نے خصوصی شرکت کی۔ کنونشن کا باقاعدہ آغاز تلاوت کلام پاک سے ہوا جس کی سعادت حافظہ سلمی صابر نے حاصل کی، جبکہ حافظہ سمیعہ ظفر نے بارگاہ رسالت مآب صلی اللہ علیہ وآلہ وسلم میں عقیدت کے پھول نچھاور کیے اور صفیہ رفعت نے نقابت کے فرائض سرانجام دیے۔
کنونشن سے خطاب کرتے ہوئے احمد نواز انجم نے ایک کروڑ مصطفوی جانثار کارکن تیار کرنے کی مہم اور منہاج ڈویلپمنٹ فنڈ کے حوالے سے خصو صی بریفنگ دی۔ انہوں نے کہا کہ قوم اگر حقیقی تبدیلی چاہتی ہے تو اس فرسودہ نظام انتخاب کے خلاف بغاوت کے لئے کروڑوں کی تعداد میں باہر نکلے۔
تحریک منہاج القرآن اقبال ٹاؤن لاہور کے زیراہتمام تقریب تقسیم اسناد منعقد ہوئی جس کی صدارت افضل گجر نے کی جبکہ مہمان خصوصی راجہ زاہد محمود تھے۔ تقریب کا آغاز تلاوت قرآن مجید اور نعت رسول مقبول صلی اللہ علیہ وآلہ وسلم سے ہوا۔
سردار شاکر مزاری نے ورکرز کنونشن سے خطاب کرتے ہوئے کہا کہ پاکستان کا موجودہ استحصالی نظام ایک مخصوص طبقہ کو ہی اقتدار میں لاتا ہے، جس کا ایجنڈا صرف اقتدار، کاروبار اور لوٹ مار ہوتا ہے۔ قوم ذہن نشین کر لے کہ پاکستان کے موجودہ نظام کے تحت 18 کروڑ عوام کو کچھ نہیں ملے گا، کیونکہ ہمارے حکمرانوں کا اقتدار میں آنے کا ایک ہی مقصد ہوتا ہے کہ وہ حکومت میں آئیں اور ان کے لیے پوری دنیا میں کاروباری مواقع کھل جائیں اور ان کی لوٹ مار میں کوئی رکاوٹ نہ بن سکے۔
3.6M
فیس بک
1.9M
ٹوٹر
© 1994 - 2024 Minhaj-ul-Quran International.