سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج القرآن انٹرنیشنل یونان کے زیراہتمام ذیلی مرکز الف سینا کی تنظیم نو کی تقریب 29 جولائی 2017ء کو ہوئی، جس میں گردونواح سے کثیر تعداد میں تحریکی ساتھیوں نے بھرپور شرکت کی۔ تقریب کا باقاعدہ آغاز تلاوت مجید سے ہوا جس کی سعادت محمد ندیم نے حاصل کی۔ اس کے بعد تمام ساتھیوں نے مشترکہ طور پر بارگاہِ رسالت مآب ﷺ میں ہدیہ عقیدت پیش کیا۔ صدر منہاج القرآن انٹرنیشنل یونان محمد اسلم چوہدری نے دوسال مدت پوری کرنے پر الف سینا تنظیم کو تحلیل کرکے از سر نو نئی تنظیم بنانے کا اعلان کیا۔
منہاج القرآن انٹرنیشنل یونان کے صدر محمد اسلم چوہدری نے 25 جو لائی 2017ء کو یونان کی وزارت مذہبی امور کے جنرل سیکرٹری یورگوس کالانجیس سے ملاقات کی۔ سینئر نائب ناظم مرزا بشیر احمد بیگ اور امیر تحریک منہاج القرآن غلام مرتضی قادری بھی اس ملاقات میں شامل تھے۔ انہوں نے یوروگوس کالانجیس کو شیخ الاسلام ڈاکٹر محمد طاہرالقادری کا یونانی زبان میں ترجمہ قرآن ’’عرفان القرآن‘‘ اور دہشت گردی کے خلاف یونانی زبان میں مترجم فتویٰ بھی پیش کیا۔
منہاج القرآن انٹرنیشنل یونان کے ذیلی مرکز تھیوا کی تنظیم نو کی تقریب 22 جولائی 2017ء کو منعقد ہوئی۔ تنظیم نو کیلئے منہاج القرآن انٹرنیشنل یونان کی نیشنل ایگزیکٹو کونسل کے اہم عہدیدران نے تقریب میں شریک ہوئے جبکہ منہاج القرآن یونان تھیوا کے ساتھیوں نے بھرپور شرکت کی۔ صدر منہاج القرآن انٹرنیشنل یونان محمد اسلم چوہدری، ناظم منہاج القرآن انٹرنیشنل یونان محمد شاہد بٹ، نائب ناظم طارق شریف اعوان، سجاد حسین قادری صدر منہاج نعت کونسل یونان، علامہ محمد نواز ہزاروی ڈائریکٹر مرکز منہاج القرآن ریندی ایتھنز تقریب کے معزز مہمانوں میں شامل تھے۔
منہاج القرآن انٹرنیشنل یونان کے ذیلی مرکز منہاج القرآن کروپی کی تنظیم نو کے حوالے سے اجلاس ہوا۔ اجلاس میں اتفاق رائے سے محمد منیر کو کروپی مرکز کا نیا صدر منتخب کیا گیا۔ اس موقع پر یونان کے مرکزی صدر محمد اسلم چوہدری، سینئر نائب صدر مرزا امجد جان، سینئر نائب ناظم محمد بشیر احمد عاصی، نائب ناظم طارق شریف اعوان، سجاد حسین قادری صدر منہاج نعت کونسل اور ناظم ممبر شپ سعید ظفر نے بھی اجلاس میں شرکت کی۔
منہاج القرآن سلامک سینٹر انوفیتا میں 5 جولائی 2017 کو منہاج القرآن انٹرنیشنل کے کارکنان کا اجلاس ہوا۔ شرکاء نے اتفاقِ رائے سے شاہد اکرم کو صدر منتخب کیا۔
مؤرخہ 27 جون 2017 کو منہاج القرآن انٹرنیشنل یونان کی طرف سے منہاج القرآن اسلامک سنٹر ریندی ایتھنز میں تربیتی نشست کا اہتمام کیا گیا۔ جس میں شیخ الاسلام ڈاکٹر محمد طاہرالقادری کے شاگرد رشید علامہ حافظ محمد پروفیسر ادریس الازہری نے خصوصی گفتگو کی۔ انہوں نے کارکنان کو تحریک منہاج القرآن کی جدوجہد اور شیخ الاسلام ڈاکٹر محمد طاہرالقادری کی زندگی بھر کی محنت کو مدنظر رکھتے ہوئے آگے بڑھنے اور ہر خاص و عام تک تحریک کے پیغام کو پھیلانے کے لئے اپنی محنت کو بلا امتیاز عام کرنے کی تلقین بھی کی۔
مؤرخہ 13 مئی 2017 کو منہاج القرآن انٹرنیشنل کے زیراہتمام گیارہویں شریف کی عظیم الشان روحانی محفل منعقد ہوئی، جس سے ڈائریکٹر منہاج القرآن ریندی علامہ محمد نواز ہزاروی نے خصوصی خطاب کیا، انہوں نے اپنے خطاب میں حضور غوث الوریٰ سیدنا غوث اعظم رضی اللہ عنہ کی عظمت و شان بیان کی۔
منہاج القرآن انٹرنیشنل یونان کے زیراہتمام شیخ الاسلام ڈاکٹر محمد طاہرالقادری کے ترجمہ قرآن ’’عرفان القرآن‘‘ اور دہشت گردی کے خلاف مبسوط تاریخی فتویٰ ’’دہشت گردی اور فتنہ خوارج‘‘ کے یونانی زبان میں ترجمہ کی تقریبِ رُونمائی مؤرخہ 2 مئی 2017 کو ایتھنز، یونان کے علاقہ نیکیا کے معروف دیموس ہال میں منعقد ہوئی، جس میں چیئرمین سپریم کونسل تحریک منہاج القرآن ڈاکٹر حسن محی الدین قادری نے خصوصی شرکت کی اور خطاب کیا۔
منہاج القرآن انٹر نیشنل یونان کے ذیلی مراکز پر ہر سال کی طرح اس سال بھی ربیع الاول میں عظیم الشان محافل میلاد النبی صلی اللہ علیہ وآلہ وسلم کا انعقاد کیا گیا۔ یونان کے ذیلی مراکز تھیوا، اینوفیتا، سیماتاری، ماراتھونا، کاتوسولی، برہامی، کروپی اور الف سینا میں منعقدہ محافل میلاد میں لوگوں نے بڑی تعداد میں شرکت کی۔ محافل میں ڈائریکٹر منہاج القرآن انٹرنیشنل بریشیا اٹلی علامہ سید غلام مصطفیٰ مشہدی نے خصوصی خطابات کیے۔
منہاج القرآن انٹرنیشنل یونان کے فورم منہاج پیس اینڈ انٹی گریشن کونسل یونان کے زیراہتمام 18 دسمبر 2016 کو منہاج القرآن اسلامک سنٹر ریندی، ایتھنز میں کرسمس سیمینار کا اہتمام کیا گیا۔ سیمینار میں وزارت مذہبی امور کی نمائندہ Kiramida Vasiliki، وزارت پبلک آرڈر کی ممبر Kostadina Kosta ،Giota Geroyani اور Mr Takis، یونان کے معروف فٹ بال پلیئر Ikonomopoulos، منہاج القرآن انٹرنیشنل یونان کے ناظم غلام مرتضیٰ قادری، پاک ہیلنک کلچرل اینڈ ویلفیئر سوسائٹی یونان کے صدر سید محمد جمیل اور تیمور طارق سمیت مختلف مذہبی، سیاسی اور سماجی شخصیات نے شرکت کی۔
منہاج القرآن انٹرنیشنل یونان کے زیراہتمام 12 نومبر 2016 کو منہاج القرآن اسلامک سنٹر ریندی، ایتھنز میں سیدنا داتا گنج بخش رحمۃ اللہ علیہ کے عرس کے موقع پر ’داتا علی ہجویری رحمۃ اللہ علیہ سمینار‘ کا انعقاد کیا گیا۔ سمینار میں ایتھنز اور اس کے مضافاتی شہروں سے منہاج القرآن انٹرنیشنل کے کارکنان اور مسلم کمیونٹی نے بڑی تعداد مین شرکت کی۔ علامہ حافظ محمد نواز ہزاروی نے سمینار سے خطاب کیا۔
منہاج القرآن انٹرنیشنل یونان اسلامک سنٹر ریندی ایتھنز میں 12 نومبر 2016ء کو حضرت داتا علی ہجویری رحمۃ اللہ علیہ کے سالانہ عرس مبارک کی مناسبت سے نشست کا اہتمام کیا گیا۔ اس پروگرام میں منہاج القرآن انٹر نیشنل یونان کی مرکزی تنظیم اور جملہ فورمز کے کارکنان، وابستگان اور ایتھنز بھر سے مسلم کمیونٹی نے بھی شرکت کی۔
پاکستان عوامی تحریک یونان کے زیراہتمام سانحہ ماڈل ٹاؤن لاہور کے دو سال مکمل ہونے پر مورخہ 17 جون 2016 پاکستانی سفارت خانہ کے سامنے پر امن احتجاجی مظاہرہ کیا گیا، جس میں منہاج القرآن یونان و پاکستان عوامی تحریک کے کارکنان کے ساتھ ساتھ پاکستان تحریک انصاف یونان کی قیادت نے بھی شرکت کی۔
منہاج القرآن انٹرنیشنل یونان کے زیراہتمام یونان کے مختلف شہروں میں قائم منہاج القرآن اسلامک سینٹرز میں سفیر امن شیخ الاسلام ڈاکٹر محمد طاہرالقادری کی 65 ویں سالگرہ کی تقریبات منعقد کی گئیں جن میں شیخ الاسلام کی فروغِ امن اور تجدیدِ دین کی خدمات پر انہیں خراجِ تحسین پیش کیا گیا۔ یہ تقریبات کروپی، اینوفیتا، برہامی اور الف سینا کے مراکز پر انعقاد پذیز تھیں، جبکہ مرکزی تقریب 19فروری 2016 کو منہاج القرآن اسلامک سنٹر ریندی، ایتھنز میں منعقد کی گئی۔
منہاج ویلفیئر فاؤنڈیشن یونان ایتھنز نے 06 فروری 2016 کو شام، افغانستان اور لیبیا سمیت مختلف ممالک کے تارکینِ وطن پر مشتمل پناہ گزین کیمپ میں اشیائے خوردونوش، ادویات، کمبل، جوتے اور بچوں کے کھلونے تقسیم کیے۔ اس موقعہ پر منہاج القرآن انٹرنیشنل یونان کے صدر رانا محمد وقار خاں، نائب صدر حاجی محمد الیاس، نائب ناظم مالیات عابد علی جٹ، پاکستان عوامی تحریک یونان کے صدر ماسٹر سرفراز احمد، منہاج القرآن اسلامک سنٹر یونان کے ڈائریکٹر قاری مدثر مصطفیٰ موجود تھے۔
4M
فیس بک
2M
ٹوٹر
© 1994 - 2025 Minhaj-ul-Quran International.
