سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
اس موقع پر صدر مجلس احمد نواز انجم مرکزی نائب ناظم اعلیٰ نے جہلم کے عظیم کارکنان کی17 جون 2014ء سے لے کر دھرنے کے اختتام تک کی عظیم خدمات اور قربانیوں کو سراہا اور خراج عقیدت پیش کیا۔ اس کے ساتھ آئندہ کے لائحہ سے بھی کارکنان کو آگاہ کیا گیا۔ اس موقع پر تمام کارکنان کو صدر مجلس اور دیگر عہدیداران کے ہاتھوں سے اسناد تقسیم کی گئی۔ علاوہ ازیں منہاج القرآن ویمن لیگ تحصیل جہلم کی صدر صفیہ رفعت نے ویمن لیگ کی کارکردگی رپورٹ صدر مجلس کو پیش کی۔
منہاج القرآن ویمن لیگ تحصیل جہلم کی صدر صفیہ رفعت نے ویمن لیگ کی کارکردگی رپورٹ مرکزی نائب ناظمِ اعلیٰ احمد نواز انجم کو پیش کی جسے انہوں نے سراہا۔ اس موقع پر جدوجہدِ انقلاب اور انقلاب مارچ میں بہترین کاکردگی پر خواتین کارکنان میں اسناد اور شیلڈز تقسیم کی گئیں، اور آئندہ لائحہ عمل سے کارکنان کو آگاہ کیا گیا۔ صفیہ رفعت نے منہاج القرآن ویمن لیگ کی معاونت کرنے پر تمام فورمز کا شکریہ ادا کیا۔
پاکستان عوامی تحریک جہلم (خواتین ونگ) کی مجلس وحدت المسلمین کے رہنماؤں کے ساتھ میٹنگ کا انعقاد کیا گیا جس میں مردوخواتین نے بھرپور شرکت کی۔ اس موقع پر انہوں نے پاکستان عوامی تحریک کے انقلاب کی فائنل کال میں شرکت کی بھرپور یقین دہانی کروائی۔ انقلاب کی فائنل کال کے موقع پر مجلس وحدت المسلمین خواتین ونگ پاکستان عوامی تحریک خواتین ونگ کے شانہ بشانہ کام کرے گی۔
منہاج القرآن ویمن لیگ جہلم کے زیراہتمام اہم تنظیمی اجلاس کا انعقاد کیا گیا جس میں خواتین کی کثیر تعداد نے شرکت کی۔ اجلاس کا باقاعدہ آغاز تلاوت کلام پاک اور نعت رسول مقبول صلی اللہ علیہ وآلہ وسلم سے کیا گیا۔ اس موقع پر مرکزی ناظمہ تنظیمات عائشہ شبیر اور ناظمہ دعوت سیدہ نازیہ مظہر نے خصوصی شرکت کی اور انقلاب کی تیاریوں کے حوالے سے جائزہ لیا۔
منہاج القرآن ویمن لیگ ضلع جہلم کے زیراہتمام سانحہ ماڈل ٹاؤن لاہور کے شہداء کے لیے یونین کونسل جادہ، کوٹلہ فقیر، محمدی چوک اور بوکن میں قرآن خوانی اور فاتحہ خوانی کی محافل کا انعقاد کیا گیا، جن میں خواتین کی کثیر تعداد نے شرکت کی۔ ان محافل میں پر شہداء کی بلندئ درجات اور زخمیوں کی جلد صحت یابی کے لیے خصوصی دعا کی گئی۔
منہاج القرآن ویمن لیگ جہلم کے زیراہتمام ضلع جہلم کی یونین کونسل جادہ، مونن اور جہلم سٹی میں محفل میلاد اور یونین کونسل کوٹلہ فقیر، محمدی چوک میں شب بیداری کا انعقاد کیا گیا، جس میں خواتین کی کثیر تعداد نے شرکت کی۔ محافل کا باقاعدہ آغاز تلاوت کلام سے کیا گیا، جبکہ مختلف ثناء خوان مصطفی صلی اللہ علیہ وآلہ وسلم نے تاجدار کائنات صلی اللہ علیہ وآلہ وسلم کی بارگاہ میں گلہائے عقیدت نچھاور کیے۔ علاوہ ازیں شرکاء محفل نے اجتماعی طور پر آقائے نامدار صلی اللہ علیہ وآلہ وسلم کی بارگاہ میں درود و سلام کے گجرے پیش کیے۔
منہاج القرآن ویمن لیگ کی مرکزی نائب ناظمہ تنظیمات ہما وحید اور ناظمہ ایم ایس ایم حنا امین نے صدر ویمن لیگ جہلم صفیہ رفعت کے ساتھ جہلم کا ایک روزہ دورہ کیا جس میں انہوں نے فاطمہ جناح گرلز کالج کے سٹاف کے ساتھ میٹنگ کا انعقاد کیا اور 11 مئی کے مظاہرہ میں شرکت کی دعوت دی۔ مرکزی ناظمہ ایم ایس ایم نے کالج کی طالبات کو بریفیگ دیتے ہوئے کہا کہ طالبات نئی نسل کی تعلیم و تربیت کے لیے علم کے دامن کو تھامے رکھیں اور تعلیم کے زیور سے اپنے آپ کو آراستہ کریں۔ اس موقع پر طالبات نے ایم ایس ایم میں شمولیت کا اعلان بھی کیا۔
ریاست پاکستان کے تحفظ اور افواج پاکستان کے ساتھ اظہار یکجہتی کیلئے پاکستان عوامی تحریک نے ملک بھر میں ضلعی سطح پر تمام شہروں میں مظاہرے کئے۔ ملک بھر کے دیگر شہروں کی طرح جہلم میں بھی بھرپور مظاہرہ کیا گیا، جس میں پاکستان عوامی تحریک، تحریک منہاج القرآن، منہاج القرآن یوتھ لیگ، مصطفوی سٹوڈنٹس موومنٹ اور منہاج القرآن ویمن لیگ کے عہدیداران و کارکنان سمیت مرد و خواتین کی بڑی تعداد نے شرکت کی۔
منہاج القرآن ویمن لیگ تحصیل جہلم کے زیراہتمام 19 مارچ سے 31 مارچ 2014 تک منہاج القرآن ویمن لیگ تحصیل جہلم کی صدر صفیہ رفعت نے مرکز ی ناظمہ محترمہ راضیہ نوید کی طرف سے مقرر کردہ ناظمات کے ہمراہ مختلف یونین کونسلز کا دورہ کیا اور یونین کونسلز کی نئی باڈی بنانے کے ساتھ ساتھ علاقہ جات کی تقسیم، حلقہ درود وفکر، حلقہ فہم دین، ویڈیو پروگرامز کا تعارف اور سی ڈیز و لٹریچر کی تقسیم کا کام سر انجام دیا۔
مورخہ 29 مارچ 2014ء کو منہاج القرآن ویمن لیگ تحصیل جہلم نے یومِ پاکستان کے حوالے سے ایک تقریری مقابلہ بعنوان "جو خواب تھا لاکھوں آنکھوں کا یہ وہ تو پاکستان نہیں" فاطمہ جناح گرلز کالج جہلم کینٹ میں منعقد کروایا۔ منہاج القرآن ویمن لیگ تحصیل جہلم کی صدر محترمہ صفیہ رفعت نے فاطمہ گرلز کالج کے پرنسپل اور سٹاف کا شکریہ ادا کیا اور تمام سٹاف اور طالبات کو عملی طور پر تحریک منہاج القرآن میں شمولیت کی دعوت دی اور آنے والے دنوں میں شیخ الاسلام ڈاکٹر محمد طاہرالقادری کی طرف سے ملنے والی انقلابی کال پر منہاج القرآن کے شانہ بہ شانہ چلنے کی دعوت دی۔
منہاج القرآن ویمن لیگ تحصیل جہلم کے زیراہتمام اہم تنظیمی اجلاس کا انعقاد کیا گیا جس میں کارکنان کی کثیر تعداد نے شرکت کی۔ اجلاس کا باقاعدہ آغاز صحیفہ انقلاب کی آیات بینات سے کیا گیا جس کی سعادت سمیعہ ظفر نے حاصل کی۔ بعد ازاں تمام خواتین نے مل کر تاجدار کائنات صلی اللہ علیہ وآلہ وسلم کی بارگاہ میں بلند آواز میں درود و سلام کے گجرے پیش کیے۔ اس موقع پر مرکزی ناظمہ اور ناظمہ دعوت منہاج القرآن ویمن لیگ محترمہ راضیہ نوید اور محترمہ سیدہ نازیہ مظہر نے خصوصی شرکت کی۔
منہاج القرآن ویمن لیگ جہلم کے زیراہتمام مصطفوی کارکنان کے لیے ٹریننگ ورکشاپ کا انعقاد کیا گیا جس میں خواتین کی کثیر تعداد نے شرکت کی۔ پروگرام کا باقاعدہ آغاز سلمی صابر نے صحیفہ انقلاب کی آیات بینات سے کیا، جبکہ بارگاہ رسالت مآب صلی اللہ علیہ وآلہ وسلم میں نوشابہ بی بی نے گلہائے عقیدت نچھاور کیے۔ اس موقع پر سیدہ نازیہ مظہر مرکزی ناظمہ دعوت نے خصوصی شرکت کی۔ ورکشاپ میں سیدہ نازیہ مظہر نے خواتین کو خصوصی بریفنگ دی اور مختلف پراجیکٹس متعارف کروائے جن میں حلقہ درود وفکر، فہم دین اور بیدارئ شعور مہم شامل ہیں۔
19 فروری قائد ڈے کے موقع پر منہاج القرآن ویمن لیگ تحصیل جہلم نے فاطمہ جناح گرلز کالج میں قائد محترم کے حوالہ سے کوئز پروگرام کا اہتمام کیا جس میں کالج کی طالبات نے چار گروپس (خدیجہ گروپ، عائشہ گروپ، فاطمہ گروپ اور مریم گروپ) کی صورت میں کوئز پروگرام میں حصہ لیا۔ طالبات کو تین چار دن پہلے اسلام، معلومات پاکستان، معلومات عامہ، تحریک منہاج القرآن اور شیخ الاسلام ڈاکٹر محمد طاہر القادری سے متعلق 300 سے اوپر سوالات تیاری کے لئے دئیے گئے۔ طالبات نے بھرپور تیاری کے ساتھ پروگرام میں حصہ لیا۔
مؤرخہ 06 فروری 2014ء (جہلم) منہاج القرآن یوتھ لیگ ضلع جہلم کے زیر اہتمام یوتھ اسمبلی کا اجلاس منعقد ہوا۔ جس کی صدارت شعیب طاہر مرکزی صدر منہاج القرآن یوتھ لیگ پاکستان نے کی۔ میزبان زین العابدین ضلعی کوآرڈینیٹر منہاج یوتھ لیگ ضلع جہلم کے علاوہ ضلع بھر کی تحصیلات سے تحصیلی اور یونین کونسل عہدیداران نے بھی شرکت کی۔
پاکستان عوامی تحریک، منہاج القرآن یوتھ لیگ اور منہاج القرآن ویمن لیگ جہلم کے زیراہتمام منہاج القرآن اسلامک سنٹر جادہ میں 26 جنوری 2014ء کو سوشل میڈیا رضاکاران کے لئے ایک ٹریننگ کیمپ کا انعقاد کیا گیا، جس میں ڈسٹرکٹ جہلم سے 30 سے زائد افراد نے شرکت کی۔ کیمپ کے مقاصد میں سوشل میڈیا کا مثبت اور بہترین استعمال، سوشل میڈیا پر عملی کام کے دوران احتیاطی تدابیر سے آگاہی اور سوشل میڈیا کو مصطفوی انقلاب کی جدوجہد میں بہتر طریقے سے استعمال کرنا شامل تھا۔
3.6M
فیس بک
1.9M
ٹوٹر
© 1994 - 2024 Minhaj-ul-Quran International.
