سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
تقریب سے خطاب کرتے ہوئے مقررین نے شیخ الاسلام ڈاکٹر محمد طاہرالقادری اور تحریک منہاج القرآن کی فروغِ علم وامن اور دہشت گردی کے خاتمہ کی کوششوں کو سراہا۔ انہوں نے دنیا بھر میں اسلام کا صحیح تشخص کو اجاگر کرنے کی کاوشوں پر شیخ الاسلام کا شکریہ ادا کیا۔ مہمان خصوصی ڈاکٹر غلام مرتضیٰ علوی نے فروغِ علم و امن کے لئے شیخ الاسلام ڈاکٹر محمد طاہرالقادری اور نظامت تربیت تحریک منہاج القرآن کی جاری سرگرمیوں سے حاضرین کو آگاہ کیا
تحریک منہاج القرآن ڈسکہ نے 8.ستمبر2015 کو دھدو بسراء میں یوم دفاع کی گولڈن جوبلی کی مناسبت سے استحکام پاکستان کانفرنس کا انعقاد کیا، جس کی صدارت مرکزی نائب ناظمِ اعلیٰ تنظیمات منہاج القرآن انٹرنیشنل محمد رفیق نجم نے کی۔ کانفرنس میں سابقہ وفاقی وزیر و راہنماء پاکستان تحریک انصاف چوہدری علی اسجد ملہی، منہاج القرآن کویت کے سرپرست مختار احمد ساہی، تحریک منہاج القرآن سینٹرل پنجاب کے سیکریٹری کوآرڈینیٹر قاری ریاست علی چدھڑ، تحریک منھاج القرآن تحصیل ڈسکہ کے صدر محمد اسلم بسراء، ناظم ناصر محمود اور تحریک منہاج القرآن کے کارکنان، وابستگان سمیت علاقہ کی مذہبی، سماجی، سیاسی اور مسیحی برادری کی معروف شخصیات شریک تھیں۔
تحریک منہاج القرآن تحصیل ڈسکہ نے سربلند سکول ڈسکہ میں ’انسداد دہشت گردی اور پیغام امن‘ کے عنوان سے ایک کانفرنس کا انعقاد کیا، جس میں تحریک منہاج القرآن کے کارکنان کی بڑی تعداد سمیت علاقہ کی مذہبی و سماجی، سیاسی اور مسیحی برادری کی شخصیات نے شرکت کی۔ کانفرنس کی صدارت منہاج القرآن اسلامک سنٹر اوسلو کے ڈائریکٹر علامہ نور احمد نور نے کی۔
تحریک منہاج القرآن کی فیڈرل کونسل کے صدر ڈاکٹر حسین محی الدین القادری نے کہا ہے کہ دین اور دنیا کی تعلیم کو الگ کرنا دشمنوں کی کامیاب سازش ہے، جب سے طبقاتی نظام تعلیم کا غلبہ ہوا امام ابو حنیفہ رحمۃ اللہ علیہ اور جابر بن حیان جیسی ہستیاں پیدا ہونا بند ہو گئیں۔ دہشتگردی کے سیاسی استعمال نے اس کی جڑوں کوگہرا کیا
تحریک منہاج القرآن تحصیل ڈسکہ کے زیراہتمام ڈاکٹر طاہرالقادری کے 64 ویں یوم پیدائش کے سلسلے میں پروقار تقریب کا انعقاد کیا گیا، جس میں کارکنان کی کثیر تعداد نے شرکت کی۔ تقریب کا آغاز تلاوت کلام پاک اور نعت رسول مقبول صلی اللہ علیہ وآلہ وسلم سے ہوا، بعد ازاں محفل سماع کا انقعاد کیا گیا۔ اس موقع پر تحریک منہاج القرآن اور پاکستان عوامی تحریک کے جملہ فورمز کے عہدیداران و کارکنان بھی شریک تھے۔ تقریب کے اختتام پر سالگرہ کا کیک کاٹا گیا اور ڈاکٹر طاہرالقادری کی صحتیابی اور درازئ عمر کے لیے خصوصی دعا کی گئی۔
تحریک منہاج القرآن تحصیل ڈسکہ کے زیراہتمام انجینئر محمد رفیق نجم کی زیر قیادت گستاخانہ خاکوں کی اشاعت کے خلاف احتجاجی ریلی نکالی گئی، جس میں تحصیل بھر سے کارکنان کی کثیر تعداد نے شرکت کی۔ ریلی کا آغاز امپیریل میرج ہال ڈسکہ سے ہوا۔ ریلی میں شریک ہزاروں عاشقان مصطفی صلی اللہ علیہ وآلہ وسلم نے نعروں سے اپنے جذبات کا خوب اظہار کیا۔ اس موقع پر محمد اسلم قادری نے خطاب کرتے ہوئے کہا کہ بدبخت لوگوں نے اس نبی کی شان میں گستاخی کی ہے جسے اللہ تعالیٰ نے تمام جہانوں کے لیے رحمت بنا کر بھیجا ہے۔
منہاج القرآن ویمن لیگ تحصیل ڈسکہ کے زیراہتمام گاؤں جودالہ میں محفل میلادالنبی صلی اللہ علیہ وآلہ وسلم کا انعقاد کیا گیا، جس میں خواتین کی کثیر تعداد نے شرکت کی۔ محفل کی صدارت محترمہ پروین اور محترمہ آمنہ بٹ نے کی۔ محفل کا باقاعدہ آغاز تلاوت کلام پاک سے ہوا بعد ازاں محترمہ عائشہ قادری نے تاجدار کائنات صلی اللہ علیہ وآلہ وسلم کی بارگاہ میں گلہائے عقیدت نچھاور کیے۔
مورخہ 28 دسمبر 2014 کو تحریک منہاج القرآن تحصیل ڈسکہ کے زیراہتمام جلوس استقبال میلادالنبی صلی اللہ علیہ وآلہ وسلم کا انعقاد کیا گیا جس میں کارکنان اور اہل علاقہ نے کثیر تعداد میں شرکت کی جبکہ مسیحی برادری نے خصوصی شرکت کی۔ جلوس کی صدارت محمد اسلم بسراء صدر منہاج القرآن ڈسکہ نے کی۔ جلوس کا باقاعدہ آغاز تلاوت کلام پاک اور نعت رسول مقبول صلی اللہ علیہ وآلہ وسلم سے ہوا۔
تحریک منہاج القرآن تحصیل ڈسکہ کے زیراہتمام سلام یا حسین (علیہ السلام) کانفرنس کا انعقاد کیا گیا، جس میں مرد و خواتین کی کثیر تعداد نے شرکت کی۔ کانفرنس کی صدارت تحصیل ڈسکہ کے صدر محمد اسلم بسرا نے کی۔ اس موقع پر علامہ ظہیر احمد نقشبندی نے شہادت امام حسین علیہ السلام کے موضوع پر پرمغز اور مدلل خطاب کرتے ہوئے کہا کہ شہادت امام حسین سے ہمیں باطل کے خلاف ڈٹ جانے کا پیغام ملتا ہے۔
مورخہ 27 جولائی 2014ء انقلاب کی آخر کال کی تیاری کے لیے تحصیل ڈسکہ میں مصطفوی ورکرز کنونشن کا انعقاد چاند میرج ھال ڈسکہ میں کیا گیا۔ ورکرز کنونشن محمد اسلم بسراء صدر منہاج القرآن ڈسکہ کی زیر صدارت ہوا جبکہ خصوصی شرکت انجینئر رفیق نجم نے کی۔ اس موقع پر پاکستان عوامی تحریک کے عہدیداران کے علاوہ علاقہ سےبھی مردوخواتین کی کثیر تعداد نے شرکت کی۔
سانحہ ماڈل کو رونما ہوئے ایک مہینہ ہوگیا، 14 معصوم انسانوں کو شہید اور 100 افراد کو گولیوں سے چھلنی کر دیاگیا، اس ریاستی دہشت گردی کے خلاف FIR درج نہ ہونے پر پاکستان عوامی تحریک کے زیراہتمام ملک گیر پرامن احتجاجی مظاہرہ کیے جا رہے ہیں۔ مظاہرے میں کارکنان کے علاوہ سول سوسائٹی کے لاکھوں افراد شرکت کر کے بے گناہ افراد کو قتل اور بدترین ریاستی دہشت گردی کے خلاف پرامن احتجاج ریکارڈ کروا رہے ہیں۔
پاکستان عوامی تحریک تحصیل ڈسکہ کے زیراہتمام پاکستان آرمی اور آپریشن ضرب عضب (ضرب حق ) کی حمایت میں ریلی کا انعقاد کیا گیا جس میں مرد و خواتین کی کثیر تعداد نے شرکت کی۔ ریلی کے شرکاء نے ہاتھوں میں بینرز اٹھا رکھے تھے جن پر پاک فوج اور آپریشن ضرب عضب کی حمایت میں نعرے درج تھے۔ ریلی کی قیادت پاکستان عوامی تحریک ڈسکہ کے صدر اللہ رکھا قادری، تحریک منہاج القرآن ڈسکہ کے صدر محمد اسلم قادری اور تحریک منہاج القرآن کے ناظم ناصرمحمود مان نے کی۔
پاکستان عوامی تحریک تحصیل ڈسکہ کے زیراہتمام شہدائے انقلاب کے لیے تین روزہ سوگ کیمپ لگایا گیا۔ کیمپ میں سول سوسائٹی کے افراد کے ساتھ ساتھ مختلف سیاسی اور مذہبی جماعتوں کے قائدین نے اظہار تعزیت کیا اور حکومت پنجاب کی ریاستی دہشتگردی و غنڈا گردی کی سخت الفاظ میں مذمت کی۔ پاکستان عوامی تحریک ڈسکہ کے کارکنان یہ عہد کیا کہ ہم اپنے خون کا ایک ایک قطرہ بہا دیں گے مگر اپنے مقصد سے پیچھے نہیں ہٹیں گے۔
تحریک منہاج القر آن فضل کالونی تحصیل ڈسکہ کے زیر اہتمام عظیم الشان پیغام مصطفی صلی اللہ علیہ وآلہ وسلم کانفرنس ہوئی جس میں پوری یونین سے سینکڑوں کارکنوں نے شرکت کی جس کی صدارت علامہ محمد شریف منڈ صاحب نے فرمائی اور مہمان خصوصی چوہدری عباس علی گھمن سرپرست TMQڈسکہ ،اللہ رکھا قادری (صدرPATڈسکہ)،ڈاکٹر محمد وارث (نائب صدرTMQڈسکہ)اور زیر نگرانی حافظ غلام مصطفی طاہر سیکٹر انچارج TMQ،محمد کلام (ناظم TMQیونین کونسل کانوالٹ) جس میں نقابت حافظ محمد علی (ناظم تربیت TMQڈسکہ) نے فرمائی تلاوت اور نعت محمد عرفان منڈ نے سعادت حاصل کی
تحریک منہاج القرآن تحصیل ڈسکہ کے زیراہتمام امپیریل پیرج ہال سمبڑیال روڈ ڈسکہ میں مصطفوی ورکرز کنونشن منعقد ہوا جس میں تمام یوسی اور یونٹ کے عہدیدران نے شرکت کی۔ کنونشن کا باقاعدہ آغاز تلاوت کلام پاک اور نعت رسول مقبول صلی اللہ علیہ وآلہ وسلم سے ہوا، جس کی سعادت محترم محمد عرفان منڈ نے حاصل کی، جبکہ محمد اسلم بسراء صدر تحریک منہاج القرآن تحصیل ڈسکہ نے کنونشن میں شریک معزز مہمانوں کا شکریہ ادا کیا۔
4M
فیس بک
2M
ٹوٹر
© 1994 - 2026 Minhaj-ul-Quran International.
