سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
حضرت صاحبزادہ حکیم عبدالحی جو گزشتہ روز علالت کے بعد رضائے الہی سے انتقال فرما گئے تھے ان کا نماز جنازہ مورخہ 27 نومبر بروز منگل بمطابق 12 محرم الحرام صبح 10 بجے گراؤنڈ علامہ اقبال کالج، خادم علی روڈ میں ادا کیا گیا۔
تحریک منہاج القرآن سیالکوٹ کے زیراہتمام عظیم الشان ’پیغام امام حسین رضی اللہ عنہ کانفرنس‘ منعقد کی گئی، جس میں خصوصی خطاب شاگرد رشید شیخ الاسلام ڈاکٹر محمد طاہرالقادری علامہ غلام ربانی تیمور نے کیا۔ پروگرام کا باقاعدہ آغاز تلاوت کلام مجید سے ہوا جس کی سعادت حافظ قاری ابرار احمد مدنی اور قاری حافظ محمد آصف دبئی نے حاصل کی، جبکہ بارگاہ رسالت مآب صلی اللہ علیہ وآلہ وسلم میں نذرانہ عقیدت عرفان الحق نے پیش کیا۔ پروگرام میں لوگوں کی بڑی تعداد نے شرکت کی۔
شیخ الاسلام ڈاکٹر محمد طاہرالقادری کی پاکستان آمد اور ملک میں رائج ظالمانہ اور کرپٹ نظام انتخاب کو جڑ سے اکھاڑنے کے لیے 23 دسمبر 2012ء کو مینار پاکستان لاہور پر ہونے والے عظیم الشان جلسے کی تیاریوں کے سلسلے میں تحریک منہاج القرآن ڈسکہ نے علاقے بھر میں دیواروں پر وال چاکنگ کروائی۔ جس پر ’’سیاست نہیں، ریاست بچاؤ‘‘ کے نعرے درج ہیں، اس مہم میں کرپٹ نظام کو سمندر برد کرنے کے لیے اور شیخ الاسلام ڈاکٹر محمد طاہرالقادری کا ساتھ دینے کے لیے 23 دسمبر کو مینار پاکستان پر لوگوں کو جمع کرنےکا کام بھی جاری و ساری ہے۔
تحریک منہاج القرآن سٹی ڈسکہ کا اجلاس مورخہ 17 نومبر کو ہوا جس کی صدارت عبد الرحمن بھٹی اور حاجی سلیم سلہری نے کی۔ اجلاس کا آغاز تلاوت کلام مجید سے ہوا جس کی سعادت حافظ غلام مصطفیٰ طاہر نے کی اور نعت رسول مقبول صلی اللہ علیہ وآلہ وسلم محمد ندیم سلہری (ناظم تحریک منہاج القرآن تحصیل ڈسکہ) نے کی۔
مصطفوی سٹوڈنٹس موومنٹ پاکستان کے صدر تجمل حسین انقلابی نے ضلع سیالکوٹ میں عزم انقلاب مہم کے سلسلے میں دو روزہ دورہ کیا، انہوں نے سیالکوٹ کی تمام تحصیلات کا وزٹ کیا۔ اس موقع پر علامہ محمد اقبال اور آج کا پاکستان کے عنوان پر منعقدہ مختلف تقریبات سے بھی خطاب کیا، اس وزٹ میں ان کے ہمراہ صدر ایم ایس ایم سیالکوٹ تنویر حسین بھی تھے۔
تحریک منہاج القرآن تحصیل ڈسکہ کے زیراہتمام 02 نومبر 2012ء کو عظیم الشان سیاست نہیں ریاست بچائیں ورکر کنونشن منعقد ہوا، جس کے مہمان خصوصی سینئر نائب ناظم اعلی تحریک منہاج القرآن شیخ زاہد فیاض تھے۔ ورکرز کنونشن میں شیخ الاسلام ڈاکٹر محمد طاہرالقادری کی پاکستان آمد اور پاکستان میں رائج ظالمانہ نظام سے نجات کے حوالے سے تیاری کا جائزہ بھی پیش کیا گیا۔
تحریک منہاج القرآن سیالکوٹ کے زیر اہتمام 02 نومبر 2012ء کوعظیم الشان عزم انقلاب ورکرز کنونشن منعقد ہوا جس کے مہمان خصوصی سینئر نائب ناظم اعلیٰ تحریک منہاج القرآن شیخ زاہد فیاض تھے۔ اس عظیم الشان عزم انقلاب ورکرز کنونشن میں تحریک منہاج القرآن ، مصطفوی سٹوڈنٹس موومنٹ، پاکستان عوامی تحریک، منہاج القرآن یوتھ لیگ کے عہدیداران و کارکنان کے علاوہ منہاج القرآن ویمن لیگ کی عہدیداران و کارکنان نے بھی کشیر تعداد میں شرکت کی۔
مصطفوی سٹوڈنٹس موومنٹ سیالکوٹ کے زیراہتمام مورخہ 21 اکتوبر 2012ء کو الممتاز پلازہ کے سامنے امید نو طلبہ کنونشن کا انعقاد کیا گیا، جس میں شہر بھر سے طلبہ نے کثیر تعداد میں شرکت کی۔ کنونشن کے مہمان خصوصی نائب امیر تحریک منہاج القرآن علامہ محمد صادق قریشی الازہری، دیگر مہمانوں میں سیکرٹری جنرل مصطفوی سٹوڈنٹس موومنٹ رانا راحیل جاوید اور سابق صدر ایم ایس ایم تنویر احمد خان شامل تھے۔
شہر اقبال سیالکوٹ میں صاحب میرج ہال میں منہاج القرآن ویمن لیگ کے زیراہتمام عظمت مصطفی صلی اللہ علیہ وآلہ وسلم کانفرنس منعقد ہوئی جس میں ہزاروں کی تعداد میں خواتین نے شرکت کی۔ تقریب کا آغاز تلاوت کلام پاک سے ہوا اس کے بعد منہاج القرآن ویمن لیگ سیالکوٹ کی معروف نعت خواں صائمہ محمد شریف نے حضرت واصف علی واصف کا خوبصورت لکھا ہوا کلام پیش کیا تو سامعین پر ایک رقت آمیز کیفیت چھا گئی اور ہال نعرہ رسالت سے گونج اٹھا۔
علامہ سعید الحسن طاہر نے توہین آمیز فلم کے خلاف پُرزور مذمت کرتے ہوئے کہا ہے کہ ایسا فعل کرنے والے انسانیت کے دشمن ہیں۔ آزادی رائے کی چھتری تلے ایسے گھناؤنے جرائم کی اجازت کسی کو نہیں دی جا سکتی۔ انبیاء کرام، مقدس ہستیوں او ر مذاہب کا احترام عالمی ضابطہ ہے، اس کو یقینی بنانا ہر ملک کی ذمہ داری ہے۔ کسی فرد، ادارے یا ملک کو اس بات کی اجازت نہیں دی جا سکتی کہ وہ اربوں انسانوں کی دل آزاری کا باعث بنے۔
توہین آمیز فلم اور گستاخانہ خاکوں کی اشاعت کے خلاف بھرپور اور پرامن احتجاج کرنے کے لیے مورخہ 05 اکتوبر 2012ء بروز جمعۃ المبارک تحریک منہاج القرآن سیالکوٹ کے زیراہتمام عظیم الشان عظمت مصطفیٰ صلی اللہ علیہ وآلہ وسلم موٹر سائیکل ریلی کا انعقاد کیا گیا، جس میں تحریک منہاج القرآن سیالکوٹ، منہاج القرآن یوتھ لیگ، مصطفوی سٹوڈنٹس موومنٹ کے تمام عہدیداران اور کارکنان سمیت شہر بھر سے لوگوں کی بڑی تعداد نے شرکت کی۔
محمد اسلم قادری نے خطاب کرتے ہوئے کہا کہ حضور نبی اکرم صلی اللہ علیہ وآلہ وسلم کو اللہ تعالیٰ نے تمام جہانوں کے لیے رحمت بنا کر بھیجا ہے، اور بدبخت لوگوں نے اس نبی رحمت صلی اللہ علیہ وآلہ وسلم کی شان میں گستاخی کی ہے۔ حضور نبی رحمت صلی اللہ علیہ وآلہ وسلم کی شان کے خلاف توہین آمیز فلم سامراج کی ایک گھناؤنی سازش ہے۔
منہاج القرآن یوتھ لیگ دھدو بسراء کے زیراہتمام گستاخانہ فلم کے خلاف عظمت مصطفی صلی اللہ علیہ وآلہ وسلم ریلی نکالی گئی، جس کی قیادت محمد اسلم قادری (صدر تحریک منہاج القرآن تحصیل ڈسکہ)، حافظ غلام عباس بسراء (جنرل سیکرٹری منہاج القرآن یوتھ لیگ تحصیل ڈسکہ)، محمد اصغر قادری (ناظم تحریک منہاج القرآن u/c بھڑتھانوالہ)، محمد عنصر بسراء (نائب صدر msm تحصیل ڈسکہ) نے کی، جس میں سینکڑوں عاشقانِ رسول صلی اللہ علیہ وآلہ وسلم نے شرکت کی۔
تحریک منہاج القرآن سیالکوٹ کے زیراہتمام توہین آمیز فلم کے خلاف عظیم الشان پرامن عظمت مصطفیٰ صلی اللہ علیہ وآلہ وسلم ریلی نکالی گئی، جس میں تحریک منہاج القرآن سیالکوٹ، منہاج القرآن یوتھ لیگ، مصطفوی سٹوڈنٹس موومنٹ کے عہدیداران سمیت شہر اقبال کے غیور عوام کی بڑی تعداد نے شرکت کی، اور اپنے آقا و مولا حضرت محمد صلی اللہ علیہ وآلہ وسلم سے اظہار وفاداری کا ثبوت دیا۔
اس موقع پر محمد اسلم قادری (صدر تحریک منہاج القرآن تحصیل ڈسکہ) نے کہا کہ منہاج ویلفیئر فاؤنڈیشن شیخ الاسلام کی سرپرستی میں پوری دنیا میں دکھی انسانیت کی خدمت کر رہی ہے۔ انہوں نے کہا کہ اس سے پہلے بھی منہاج ویلفیئر فاؤنڈیشن ڈسکہ کے زیراہتمام 5 فری ڈسپنسری، منہاج ایمبولینس، منہاج فری ٹینٹ سروس بھی چل رہا ہے۔
3.6M
فیس بک
1.9M
ٹوٹر
© 1994 - 2024 Minhaj-ul-Quran International.
