سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
پاکستان عوامی تحریک اسلام آباد کے صدر شاہد شنواری، جنرل سیکرٹری غضنفر کھوکھر، آرگنائزر انصارملک اور سیکرٹری اطلاعات شمریزاعوان نے کہا ہے کہ 17مارچ کے جلسے میں پوری قوم اہم علان سنے گی، اس موقع پر عوامی تحریک کے قائد ڈاکٹر طاہرالقادری آئندہ کے لائحہ عمل کا اعلان کریں گے، انتخابات پرانے نظام کے تحت ہوئے تو پاکستان کے حالات اس سے بھی بدتر ہو جائیں گے۔
گزشتہ روز گوجرخان میں سانحہ بادامی باغ کیخلاف ہونے والی مسیحی برادری کی احتجاجی ریلی میں پاکستان عوامی تحریک، تحریک منہاج القرآن، مصطفوی سٹوڈنٹس موومنٹ، منہاج القرآن یوتھ لیگ کے عہدیداران نے خصوصی شرکت کی۔ احتجاجی ریلی مقامی چرچ سے شروع ہوکر پریس کلب کے سامنے اختتام پذیر ہوئی۔
پاکستام عوامی تحریک راولپنڈی کے زیراہتمام 17 مارچ کے لئے تیاریاں زور و شور سے جاری ہیں۔ ان تیاریوں اور پنڈال کے انتظامات کا جائزہ لینے کے لئے ایک اعلی سطحی اجلاس ناظم اعلی تحریک منہاج القرآن انٹرنیشنل شیخ زاہد فیاض کی زیر صدارت ہوا۔ اجلاس میں پنڈال کی طرف آنے والے راستوں، سیکورٹی اور سٹیج کے حوالے سے پولیس اور عوامی تحریک کی انتظامیہ کی جانب سے طے شدہ روٹ پر گفتگو کی گئی۔
پاکستان عوامی تحریک کے زیراہتمام لیاقت باغ راولپنڈی میں جلسہ عام کے لئے شہر بھر کے مختلف چوکوں میں عوامی جلسہ عام کے کیمپز کا انعقاد کیا گیا ہے جس میں 17 مارچ کے لئے ڈاکٹر محمد طاہر القادری کا خصوصی پیغام چلایا جا رہا ہے۔ علاوہ ازیں ہینڈ بلز کی تقسیم اور عوام کی ممبر شپ کا سلسلہ بھی جاری ہے، نیز تمام افراد میں خصوصی کتابچے اور ہینڈ بلز بھی تقسیم کیے جا رہے ہیں۔
شیخ الاسلام ڈاکٹر محمد طاہرالقادری نے کہا ہے کہ نئے کاغذات نامزدگی میں قرضہ معاف کرانے والوں اور ٹیکس چوروں کو محفوظ راستہ دے کر الیکشن کمیشن عوام کی آنکھوں میں دھول جھونک رہا ہے۔ نئے نامزدگی فارم اصل میں نیا چور دروازہ کھولنے کے مترادف ہے۔ حقیقت میں الیکشن کمیشن سپریم کورٹ کی 8 جون 2012ء کو آنے والی Judgement کی دھجیاں بکھیر رہا ہے، مگر تاثر یہ دیا جا رہا ہے کہ شفاف الیکشن کرانے کے تمام انتظامات کو حتمی شکل دے دی گئی ہے۔ پری پول رگنگ عروج پر ہے اور اس حوالے سے الیکشن کمیشن کے احکامات کو ہوا میں اڑایا جا رہا ہے۔ وہ گذشتہ روز پاکستان عوامی تحریک کی ایگزیکٹو کونسل کے اجلاس میں گفتگو کر رہے تھے۔
ہزارہ: ناظم اعلی تحریک منہاج القرآن شیخ زاہد فیاض نے 17 مارچ کے لیاقت باغ ریاست بچاؤ جلسے سے متعلقہ امور کے سلسلہ میں ہزرہ ڈویژن کا دورہ کیا۔ اس دورہ میں ان کے ساتھ رفیق صدیقی بھی تھے۔ ہزارہ ڈویژن کے مرکزی قائدینِ تحریک منہاج القرآن اور پاکستان عوامی تحریک نے ناظم اعلی تحریک منہاج القرآن کا استقبال کیا اور لیاقت باغ جلسے کے حوالے سے اشتہاری مہم اور شراکت کے لیے کی جانے والی کوششوں کے متعلق رپورٹ پیش کی۔
لاہور… شیخ الاسلام ڈاکٹر محمد طاہر القادری کینیڈا سے وطن واپس پہنچ گئے ہیں۔ لاہور ایئر پورٹ پر میڈیا سے گفتگو کرتے ہوئے ڈاکٹر طاہر القادری کا کہنا تھا کہ جب تک بدعنوان حکمران موجود ہیں دہشت گردی جاری رہیگی، اگر الیکشن پرانے نظام کے تحت ہوئے تو پاکستان ٹوٹ جائیگا، نظام کی تبدیلی کیلئے بہت بڑی سرجری کی ضرورت ہے۔ انہوں نے کہا کہ 17 مارچ کو لیاقت باغ کے جلسے میں آئندہ کے لائحہ عمل کا اعلان کرونگا، جب تک اصلاحات نہیں کی جاتیں، انتخابات کا کوئی فائدہ نہیں۔ انہوں نے مزید کہا کہ مسیحی برادری کے گھروں کو جلانا درندگی ہے۔
ملک میں رائج ظالمانہ اور کرپٹ نظام انتخاب کو جڑ سے اکھاڑنے کے لیے 17 مارچ 2013ء کو لیاقت باغ راولپنڈی میں ہونے والے عظیم الشان جلسے کی تیاریوں کے سلسلے میں ملک بھر میں وال چاکنگ، بینرز، پوسٹرز اور دیگر تشہیری مہم کا کام جاری ہے۔ اسی سلسلے میں پاکستان عوامی تحریک حلقہ پی پی 5 نے علاقے بھر میں دیواروں پر وال چاکنگ کروائی جس میں کرپٹ اور فرسودہ نظام کو سمندر برد کرنے کے لیے عوام پاکستان کو 17 مارچ کو عوامی جلسہ میں شیخ الاسلام ڈاکٹر محمد طاہرالقادری کا ساتھ دینے کے لیے کہا گیا۔
پاکستان عوامی تحریک کے مرکزی صدر ڈاکٹر رحیق احمد عباسی نے کہا ہے کہ 14 دن کی سکروٹنی کو یقینی بنانے کیلئے الیکشن 15 مئی کو کرائے جائیں۔ اسمبلی کا اجلاس بلا کر حکومت ROPA ترمیمی بل فوراً پاس کرے اور صدر پاکستان اس پر دستخط کر دیں۔ حکومتی وفد اور وفاقی وزیر قانون فاروق ایچ نائیک پاکستان عوامی تحریک کے مرکزی سیکرٹریٹ میں میڈیا کے سامنے 14دن کی سکروٹنی کا وعدہ کر کے گئے تھے۔ الیکشن کمیشن روزانہ کئی بار موقف تبدیل کرتا رہا جس نے شکوک و شبہات کو جنم دی۔ الیکشن کمیشن آف پاکستان 14دن سے کم سکروٹنی پر ہرگز سمجھوتہ نہ کرے، ورنہ یہ لٹیروں کو کھلی چھٹی دینے کے مترادف ہوگا۔ لانگ مارچ ڈیکلریشن میں طے پانے والی 30 دن کی سکروٹنی اور اس حوالے سے دیگر تمام ضروری کارروائی کیلئے رولز بنانے کا الیکشن کمیشن کو اختیار حاصل ہے۔ ROPA کے آرٹیکل 14 کی کلاز 3 الیکشن کمیشن کو ریٹرنگ آفیسر کو امیدواروں کو ناہل قرار دینے کا مکمل اختیار بھی دیتا ہے۔
سیالکوٹ، تحریک منہاج القرآن اور پاکستان عوامی تحریک کے زیراہتمام عزم انقلاب ورکرز کنونشن کا اہتمام کیا گیا، جس میں صدر پاکستان عوامی تحریک ڈاکٹر رحیق احمد عباسی نے خصوصی شرکت کی، اور 17 مارچ کو راولپنڈی میں ہونے والے جلسہ عام کے بارے میں خصوصی ہدایات دیں۔
منہاج القرآن ویمن لیگ لنگڑیال کے زیراہتمام محفل میلاد النبی صلی اللہ علیہ وآلہ وسلم کا انعقاد کیا گیا۔ جس میں خواتین کی کثیر تعداد نے شرکت کی۔ محفل کا باقاعدہ آغاز تلاوت کلام پاک سے ہوا جبکہ منہاج نعت کونسل سسٹرز نے بارگاہ رسالت مآب صلی اللہ علیہ وآلہ وسلم میں عقیدت کے پھول نچھاور کیے۔
ڈاکٹر رحیق عباسی نے کہا کہ سانحہ بادامی باغ میں ملوث شرپسند عناصر کا دین کی اصل روح اور پاکستانیت سے کوئی تعلق نہیں۔ ایسے شرپسندوں اور دہشت گردوں کے خلاف دہشت گردی کا مقدمہ درج ہونا چاہیے۔ وفاقی اور پنجاب حکومت کی طرف سے متاثرین کیلئے اعلان شدہ امدادی چیک 16مارچ سے پہلے کیش ہونے چاہیے۔ جلے ہوئے گھروں پر سیاست چمکانا غیر انسانی فعل ہے ہر کسی کو مشکل کی اس گھڑی میں مسیحی بھائیوں کی مدد کرنا چاہیے۔
مصر: کالج آف شریعہ اینڈ اسلامک سائنسز منہاج یونیورسٹی کے طالب علم صاحبزادہ ضیاء المصطفی مکی شاہ جمالی نے وزارت عدل مصراور جامعتہ الازہر کے تحت دارالافتاء، قاہرہ سے مفتی کورس کی ڈگری حاصل کر لی ہے۔ یہ کورس مصرکے مفتی علامہ ڈاکٹر علی جمعہ محمد کی زیر نگرانی ہوا۔ یہ کورس تین سال پر محیط تھا۔ صاحبزادہ ضیاء المصطفی مکی الازہری ان اوائل منہاجین میں سے ہیں، جنھوں نے مفتی کورس میں اعلی اعزاز کے ساتھ ڈگری حاصل کی۔
تحریک منہاج القرآن اور پاکستان عوامی تحریک لاہور کے زیراہتمام لاہور پریس کلب کے باہر سینکڑوں افراد نے بادامی باغ سانحہ کے خلاف پرزور احتجاج کرتے ہوئے ملک کی مسیحی برادری کے ساتھ اظہار یکجہتی کیا اور غیر انسانی واقعہ کو ملک و قوم کے ماتھے کا بدنما داغ قرار دیتے ہوئے پاکستان کے خلاف گھنائونی سازش قرار دیا۔
منہاج القرآن انٹرفیتھ ریلیشنز اور منہاج ویلفیئر فاؤنڈیشن کے وفد نے ڈائریکٹر انٹرفیتھ سہیل احمد رضا کی قیادت میں جوزف کالونی کا دورہ کیا اور وہاں پر موجود مسیحی قائدین بشپ اکرم گل، پرویز سرویا، جے سالک سے ملاقات کی اور اس افسوس ناک اور شرمناک واقعہ کی شدید مذمت کی، انہوں نے جلی ہوئی بستی کے گھروں کا دورہ بھی کیا۔
3.6M
فیس بک
1.9M
ٹوٹر
© 1994 - 2024 Minhaj-ul-Quran International.
