سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج القرآن انٹرنیشنل کے صدر، منہاج یونیورسٹی لاہور کے ڈپٹی چیئرمین ڈاکٹر حسین محی الدین قادری نے حکیم الامت علامہ محمد اقبال رحمۃ اللہ علیہ کے مزار پر حاضری دی، پھولوں کی چادر چڑھائی اور ملک وقوم کی سلامتی کے لیے دعا کی۔ اس موقع پر گفتگو کرتے ہوئے کہا کہ اللہ رب العزت جب کسی قوم پر اپنی نعمتیں نچھاور کرنے کا ارادہ کرتا ہے تو اس مسائل زدہ قوم میں علامہ اقبال رحمۃ اللہ علیہ جیسی شہ دماغ شخصیات پیدا کر دیتا ہے۔
چئیرمین سپریم کونسل تحریک منہاج القرآن ڈاکٹر حسن محی الدین قادری یورپ کے تنظیمی دورہ کے بعد پاکستان پہنچ گئے۔ علامہ اقبال انٹرنیشنل ایئر پورٹ پر تحریک منہاج القرآن کے ناظم اعلیٰ و سیکرٹری جنرل پاکستان عوامی تحریک خرم نواز گنڈاپور، سیکرٹری اطلاعات نوراللہ صدیقی، امیر تحریک لاہور حافظ غلام فرید، ڈائریکٹر منہاج ویلفیئر فاؤنڈیشن سید امجد علی شاہ، ڈائریکٹر پبلک ریلیشنز شہزاد رسول، حاجی محمد اسحاق، حاجی فرخ و دیگر راہنماؤں نے ان کا پرتپاک استقبال کیا۔
تحریک منہاج القرآن کے مرکزی سیکرٹریٹ ماڈل ٹاؤن لاہور میں حضور نبی اکرم ﷺ کے ماہ ولادت ربیع الاول کی آمد کے ساتھ ہی چراغاں کا اہتمام کیا گیا ہے۔ تحریک منہاج القرآن کی روایت ہے کہ ماہ میلاد اور حضور ﷺ کی ولادت باسعادت کے دن کو دنیا بھر میں انتہائی شان و شوکت سے منایا جاتا ہے۔ اس سلسلہ میں تحریک کے مرکزی سیکرٹریٹ، گوشہ درود، جامع مسجد منہاج القرآن، کالج آف شریعہ اینڈ اسلامک سٹڈیز اور ادارہ منہاج القرآن سے متصلہ گلی بازاروں میں بھی خصوصی چراغاں اور لائٹنگ کا اہتمام کیا گیا ہے۔
تحریک منہاج القرآن لاہور کے زیراہتمام استقبال ربیع الاول کنونشن مرکزی سیکرٹریٹ میں منعقد ہوا، جس میں صدر منہاج القرآن ڈاکٹر حسین محٰی الدین قادری نے خصوصی خطاب کیا۔ انہوں نے اپنے خطاب میں کہا کہ حضور نبی اکرم صلی اللہ علیہ وآلہ وسلم کی تعلیمات اور پیغام امن و محبت سے دہائیوں سے دست و گریبان قبائل شیر و شکر ہو گئے، جو ایک دوسرے کے خون کے پیاسے تھے وہ ایک دوسرے کے محافظ بن گئے۔
سجادہ نشین اجمیر شریف (انڈیا) پیر سید بلال چشتی نے قائد تحریک منہاج القرآن شیخ الاسلام ڈاکٹر محمد طاہرالقادری سے ان کی رہائش گاہ پر ملاقات کی۔ اس موقع پر پیر سید شمس الرحمن مشہدی کاظمی اور علامہ میر آصف اکبر موجود تھے۔ ملاقات میں اسلام کے فروغ میں صوفیاء کے کردار پر گفتگو ہوئی۔ شیخ الاسلام ڈاکٹر محمد طاہرالقادری نے کہا کہ صوفیاء نے اسلام کی آفاقی تعلیمات کو عام کرنے میں اہم کردار ادا کیا۔
قائد تحریک منہاج القرآن شیخ الاسلام ڈاکٹر محمد طاہرالقادری سے جامعہ نعیمیہ کے سینئر کلاسز کے طلباء و اساتذہ کی خصوصی ملاقات آپ کی رہائش گاہ پر ہوئی۔ اس موقع پر علامہ فرحت حسین شاہ، علامہ امداد اللہ خان قادری، علامہ میر آصف اکبر، علامہ محمد خلیل حنفی، علامہ عثمان سیالوی اور دیگر اساتذہ بھی موجود تھے۔ اس موقع پر شیخ الاسلام ڈاکٹر محمد طاہرالقادری نے گفتگو کرتے ہوئے کہا کہ علماء انبیا کے وارث اور اسلاف کی علمی اقدار کے محافظ ہیں، عالم دنیاوی حرص میں مبتلا ہو جائے تو دینی، اخلاقی اقدار مسخ ہو جاتی ہیں اور اسکا نقصان ملک، معاشرے اور نسلیں بھگتتی ہیں۔
منہاج القرآن انٹرنیشنل جاپان کے زیرانتظام سالانہ عظیم الشان ضیافت و استقبال میلادالنبی ﷺ کانفرنس مورخہ 3 نومبر بروز ہفتہ بعد نماز عشاء مرکز منہاج القرآن سکائ ماچی ھوئ میں منعقد ہوئی، جس میں پاکستانی کمیونٹی کے علاوہ جاپان کی سیاسی و سماجی شخصیات اور جملہ مکاتب فکر کے افراد شریک ہوئے۔
تحریک منہاج القرآن کے صدر ڈاکٹر حسین محی الدین قادری نے 28 اکتوبر 2018ء کو سیالکوٹ کا دورہ کیا۔ دورے میں انہوں نے ڈسکہ میں منعقدہ مرکزی پروگرام ’’محفل مزمل‘‘ میں شرکت کی اور خطاب کیا۔ اس موقع پر مشائخ، علماء اور تحریک منہاج القرآن کے مقامی قائدین بھی پروگرام میں شریک تھے۔ دورے میں وزیرآباد، گجرات، ڈسکہ، سمبڑیال اور دیگر جگہوں پر کارکنان نے آپ کا پرتپاک استقبال کیا۔
تحریک منہاج القرآن کے شعبہ تحقیق فریدِ ملت ریسرچ انسٹی ٹیوٹ کے ڈائریکٹر محمد فاروق رانا کے والد گرامی رانا تاج الدین منگل کی شب قضائے الہی سے انتقال فرما گئے۔ انا للہ و انا الیہ راجعون۔ مرحوم کی نماز جنازہ آج 31 اکتوبر 2018ء کو لاہور میں ان کی رہائش گاہ شوکت ٹاون میں دوپہر 2 بجے ادا کی جائے گی۔
تحریک منہاج القرآن کے اعلیٰ سطحی اجلاس مرکزی سیکرٹریٹ میں ہوا، جس میں 35 ویں عالمی میلاد کانفرنس مینار پاکستان کے سبزہ زار میں منعقد کرنیکا فیصلہ کیا گیا۔ عالمی میلاد کانفرنس کی صدارت قائد تحریک منہاج القرآن شیخ الاسلام ڈاکٹر محمد طاہرالقادری کرینگے۔ اجلاس میں ناظم اعلیٰ تحریک منہاج القرآن خرم نواز گنڈا پور نے کہا کہ پیغمبر اسلام نے انسانیت کو جمہوریت، مساوات اور اخوت کا درس دیا آپکی زندگی انسانیت کیلئے اعلیٰ ترین نمونہ ہے۔
تحریک منہاج القرآن انٹرنیشنل کے ڈائریکٹر انٹرفیتھ ریلیشنز سہیل احمد رضا نے صوبائی وزیر اقلیتی امور و انسانی حقوق اعجاز آگسٹن سے ان کے دفتر میں ملاقات کی۔ اس موقع پر انہوں نے کہا کہ اسلام اقلیتوں کے حقوق کا محافظ اور بین المذاہب رواداری کی تعلیم دیتا ہے، سہیل رضا نے کہا کہ یورپی یونین کی اعلیٰ ترین عدالت کا توہین رسالت کو آزادی اظہار رائے کے منافی قرار دینا خوش آئند ہے، ہم اس فیصلے کا خیر مقدم کرتے ہیں۔
آغوش کے زیراہتمام خصوصی تقریب 25 اکتوبر 2018ء کو آغوش کمپلیکس ٹاون شپ میں منعقد ہوئی، جس میں تحریک منہاج القرآن کے صدر ڈاکٹر حسین محی الدین قادری نے خصوصی شرکت کی۔ ڈائریکٹر آغوش ڈاکٹر نعیم مشتاق، سردار فتح اللہ خان، میڈم رومانہ مبشر، کرنل (ر) مبشر، عمران ظفر بٹ بھی تقریب میں موجود تھے۔ اس موقع پر خطاب کرتے ہوئے انہوں نے کہا کہ سوسائٹی کو انتہا پسندی سے پاک کرنا اور یکساں نصاب تعلیم دینا معاشی بحران پر قابو پانے سے بڑا چیلنج ہے۔
تحریک منہاج القرآن کے صدر ڈاکٹر حسین محی الدین قادری کی سالگرہ کے موقع پر منہاج ٹی وی کی نئی ویب سائٹ www.minhaj.tv کا افتتاح کر دیا گیا۔ اس موقع پر ڈاکٹر حسین محی الدین قادری نے اپنے ہاتھ سے منہاج ٹی وی کی نئی ویب سائٹ لانچ کی۔ تقریب میں منہاج ٹی وی کے ڈائریکٹر احسن بابا، منہاج انٹرنیٹ بیورو کے ڈائریکٹر عبدالستار منہاجین، ڈائریکٹر آئی ٹی محمد ثناء اللہ کیساتھ منہاج ٹی وی اور MIB کی ٹیم نے بھی شرکت کی۔
منہاج یونیورسٹی لاہور کی دو روزہ عالمی کانفرنس ’’سماجی ذمہ داریوں کے حوالے سے مذاہب عالم کا کردار‘‘ میں شریک غیر ملکی مہمانوں کے وفد نے تحریک منہاج القرآن کے مرکزی سیکرٹریٹ کا دورہ کیا۔ صدر منہاج القرآن ڈاکٹر حسین محی الدین قادری اور ناظم اعلیٰ خرم نواز گنڈاپور نے غیر ملکی مہمانوں کو وزٹ کرایا۔ اس موقع پر انہوں نے تحریک منہاج القرآن کے مختلف شعبہ جات کے دفاتر، گوشہ درود اور فرید ملت ریسرچ انسٹی ٹیوٹ کو دیکھا۔
شیخ الاسلام ڈاکٹر محمد طاہرالقادری نے منہاج ویلفیئر فاؤنڈیشن لاہور کی طرف سے موبائل کلینک اینڈ لیب وین کی افتتاحی تقریب کے موقع پر گفتگو کرتے ہوئے کہا کہ ملک کی نصف سے زیادہ آبادی کو صحت عامہ کی بنیادی سہولتیں میسر نہیں ہیں، غریب مریض کو ہسپتال داخل ہوتے وقت علاج نہیں ادویات کی پرچی ملتی ہے، علاج دور کی بات غریب آدمی علاج کی تشخیص کے اخراجات برداشت کرنے کی سکت بھی نہیں رکھتا۔ منہاج ویلفیئر فاؤنڈیشن لاہور کے عہدیداروں نے جدید موبائل کلینک اینڈ لیب کے ماڈل منصوبے کو اپنی مدد آپ کے تحت مکمل کر کے ایک بڑی انسانی خدمت انجام دی ہے اس پر وہ مبارکباد کے مستحق ہیں۔
3.6M
فیس بک
1.9M
ٹوٹر
© 1994 - 2024 Minhaj-ul-Quran International.
