سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
تحریک منہاج القرآن کی سپریم کونسل کے چیئرمیں ڈاکٹر حسن محی الدین نے منہاج القرآن کے 38 ویں یوم تاسیس پر دنیا بھر کے کارکنان، ذمہ داران و اسلامیان پاکستان کو مبارکباد دیتے ہوئے کہا کہ تحریک منہاج القرآن نے دہشتگردی کو اسلام سے جوڑنے کے جھوٹے اور تعصب پر مبنی پراپیگنڈے کو قرآن و سنت کی تعلیمات کی روشنی میں رد کیا اور مسلم و غیر مسلم معاشروں کو بتایا کہ اسلام دہشتگردی نہیں انسانیت کے احترام اور بقاء کی ضمانت دیتا ہے اور ایک بے گناہ انسان کے قتل کو پوری انسانیت کا قتل قرار دیتا ہے۔ 38 ویں یوم تاسیس کے موقع پر قائمہ کمیٹی کے اجلاس میں کیک کاٹا گیا اور ملکی سلامتی اور دین اسلام کی سربلندی کیلئے خصوصی دعائیں کی گئیں۔
منہاج القرآن انٹرنیشنل کے صدر ڈاکٹر حسین محی الدین قادری 07 اکتوبر 2017 کو منہاج القرآن انٹرنیشنل یونان کی دعوت پر یونان کے 3 روزہ دعوتی و تنظیمی دورے پر پہنچے۔ ایتھنز ایئرپورٹ پر منہاج القرآن انٹرنیشنل یونان کے عہدیداران و کارکنان نے سرکاری پروٹوکول کے ہمراہ ان کا پرتپاک استقبال کیا۔
شیخ الاسلام ڈاکٹر محمد طاہرالقادری نے میڈیا کانفرنس سے خطاب کرتے ہوئے کہا ہے کہ ختم نبوت کے حلف نامے کو ختم کرنے کے سنگین جرم کی تحقیقات سپریم کورٹ کی سطح پر غیر جانبدار جے آئی ٹی کی طرف سے ہونی چاہیے اور ذمہ داروں کو کڑی سزائیں ملنی چاہیے، چور اپنی چوری کی تحقیقات کیسے کر سکتے ہیں؟ انہوں نے نااہل نواز شریف کی بنائی ہوئی کمیٹی کو مسترد کرتے ہوئے کہا کہ کمیٹی نواز شریف بنائیں یا وزیراعظم ایک ہی بات ہے۔ یہ تحقیقات سپریم کورٹ کرے، ایک مسلّمہ جھوٹا شخص پوچھتا ہے کہ مجھے کیوں نکالا؟
منہاج القرآن انٹرنیشنل اٹلی بریشیا کے زیراہتمام ’’ذکر حسین علیہ السلام اور پیغام کربلا‘‘ کانفرنس منعقد ہوئی، جس میں صدر منہاج القرآن انٹرنیشنل ڈاکٹر حسین محی الدین قادری نے خصوصی خطاب کیا۔ کانفرنس میں تمام مکاتب فکر افراد سمیت اٹلی بھر سے لوگوں کی ایک بہت بڑی تعداد شریک ہوئی۔ ڈاکٹر حسین محی الدین قادری نے خطاب کرتے ہوئے کہا کہ ذکر حسین اور پیغام کربلا سے ہمیں دو پیغام ملتے ہیں۔ ایک صبرورضا اور دوسرا پیغام اتحاد امت کا ہے۔
3 ہزار سے زائد علماء، مشائخ، اسلامک سکالرز پر مشتمل جامع المنہاج لاہور میں منعقدہ علوم الحدیث کانفرنس میں ایک قرارداد کے ذریعے مطالبہ کیا گیا کہ ختم نبوت کے حلف میں تبدیلی مسلمہ عقیدہ ختم نبوت پر منظم حملہ تھا، اس حملہ کے پس پردہ تمام کرداروں اور ذمہ داروں کے خلاف سخت کارروائی کی جائے اور انہیں کڑی سزا دی جائے۔ محض ترمیم واپس لینا کافی نہیں ہے۔ ذمہ داروں کے خلاف کارروائی کرنا ریاستی اداروں کی آئینی، ملی اور دینی ذمہ داری ہے۔ اگر ریاستی اداروں نے یہ ذمہ داری پوری نہ کی تو پھر اس ملک کا اللہ ہی حافظ ہے۔ یہ قرارداد پاکستان عوامی تحریک کے سربراہ ڈاکٹر طاہرالقادری نے کانفرنس میں خود پیش کی جس کی چاروں صوبوں بشمول آزاد کشمیر، گلگت بلتستان سے آئے ہوئے علماء، مشائخ اور اسلامک سکالرز نے منظوری دی۔
شیخ الاسلام ڈاکٹر محمد طاہرالقادری نے مرکزی سیکرٹریٹ میں منعقدہ ’’شہادت امام حسین علیہ السلام کانفرنس‘‘ سے خطاب کرتے ہوئے کہا کہ معرکہ کربلا دو فلسفوں کا ٹکراؤ ہے۔ ایک طبقہ کہتا ہے طاقت ہی حق ہے اس کا ساتھ دو جبکہ دوسرا طبقہ کہتا ہے حق ہی طاقت ہے اس کا ساتھ دو۔ طاقت کو حق ماننا یزیدیت اور حق کو طاقت ماننا حسینیت ہے۔ معرکہ کربلا انسانیت اور بربریت، امانت اور خیانت، عدل اور ظلم، صبر اور جبر، وفاء اور جفا، مساوات ایمانی اور مطلق العنانی کے درمیان جنگ تھی۔
چیئرمین سپریم کونسل ڈاکٹر حسن محی الدین قادری نے 4 اکتوبر 2017ء کو خانیوال اور بورے والا کا دورہ کیا۔ خانیوال میں انہوں نے ورکرز کنونشن سے خطاب کیا۔ اس موقع پر مقامی قائدین کے ساتھ کارکنان اور عام لوگوں کی بڑی تعداد بھی موجود تھی۔ بورے پہنچنے پر آپ کا پرتپاک استقبال کیا گیا۔
تحریک منہاج القرآن ضلع خوشاب کے سرپرست، عظیم روحانی اور دینی شخصیت، آستانہ عالیہ گنجیال شریف کے سجادہ نشین پیر اصغر علی شاہ گیلانی کے انتقال پر شیخ الاسلام ڈاکٹر محمد طاہرالقادری نے تعزیت کا اظہار کیا ہے۔ 10 محرم الحرام کے دن آپ کا خوشاب میں انتقال ہو گیا تھا۔ شیخ الاسلام ڈاکٹر محمد طاہرالقادری نے قل خوانی میں ٹیلی فونک خطاب کرتے ہوئے کہا کہ پیر طریقت سید اصغر علی شاہ سے گہری الفت و محبت والا تعلق تھا۔ انہوں نے ساری زندگی دین کی خدمت کی اور ایک رفیق کی حیثیت سے کام کیا۔
منہاج القرآن کے امیر تحریک مسکین فیض الرحمن درانی کے چہلم پر تعزیتی ریفرنس 28 ستمبر 2017 کو مرکزی سیکرٹریٹ میں منعقد ہوا۔ شیخ الاسلام ڈاکٹر محمد طاہرالقادری اور چیئرمین سپریم کونسل ڈاکٹر حسن محی الدین قادری نے چہلم میں شرکت کی۔ مسکین فیض الرحمن درانی کے بیٹوں، رشتہ داروں اور خاص طور پر پشاور سے ان کے بھائیوں اور قریبی اعزاء و اقارب بھی چہلم کے پروگرام میں شریک ہوئے۔
بلوچستان اور خیبر پختونخواہ سے آئے ہوئے عوامی تحریک اور منہاج القرآن کے سینئر رہنماؤں کا اجلاس اور ڈاکٹر طاہرالقادری سے ملاقات 27 ستمبر 2017ء کو مرکزی سیکرٹریٹ میں ہوئی۔ اجلاس میں سید حبیب اللہ شاہ، شیخ عبد اللہ گنڈا پور، ضیاء الرحمن خان، تنویر احمد، اویس احمد ایڈووکیٹ، پرویز حسین، حاجی شوکت حیات، عزیز اللہ محسود، ولی اکبر خان، بادشاہ حسین، سید محمد اسماعیل شامل تھے۔ اس موقع پر خطاب کرتے ہوئے ڈاکٹر طاہرالقادری نے کہا کہ بلوچستان ترقی اور خیبر پختونخواہ امن کا گیٹ وے ہے۔ ہمیں وہ ترقی نہیں چاہیے جس کے ثمرات سے غریب عوام محروم ہوں۔
چیئرمین سپریم کونسل ڈاکٹر حسن محی الدین قادری کی ہدایت پر مرکزی ناظم منہاج القرآن علماء کونسل میر آصف اکبر قادری نے 10 سے 22 ستمبر 2017ء تک متحدہ عرب امارات کا دورہ کیا۔ اس دوران انہوں نے ملکی، علاقائی تنظیمات کی طرف سے فکری اور تربیتی نشستوں اور پروگراموں میں شرکت کی۔ میر آصف اکبر قادری نے پروگراموں، کانفرنسز اور تقاریب میں منہاج القرآن انٹرنیشنل کا پیغام، شیخ الاسلام ڈاکٹر طاہرالقادری کی عالمی قیام امن کے لیے خدمات اور افکار کو لوگوں تک پہنچایا۔
لاہور ہائی کورٹ کے جسٹس باقر نجفی کمیشن رپورٹ کو شائع کرنے کے حکم کے بعد قائد عوامی تحریک ڈاکٹر طاہرالقادری نے 21 ستمبر 2017ء کو مرکزی سیکرٹریٹ ماڈل ٹاون میں ہنگامی پریس کانفرنس کی۔ اس موقع پر انہوں نے مطالبہ کیا کہ جسٹس باقر نجفی کمیشن کی رپورٹ فوری طور پر پبلک کرتے ہوئے شہداء کے ورثاء کے حوالے کی جائے۔ اگر وہ رپورٹ شائع نہیں کرتے تو یہ توہین عدالت ہوگی۔ شہباز شریف سمیت سانحہ ماڈل ٹاون کے تمام ملزموں کو بیرون ملک جانے سے روکنے کے لیے فوری طور پر ان کے نام ای سی ایل میں ڈالے جائیں۔
لاہور ہائی کورٹ نے سانحہ ماڈل ٹاون میں جسٹس باقر نجفی کمیشن کی انکوائری رپورٹ شائع کرنے کا حکم دے دیا ہے۔ جمعرات کو فیصلہ سناتے ہوئے لاہور ہائی کورٹ نے حکم دیا کہ پنجاب حکومت سانحہ ماڈل ٹاون کی انکوائری رپورٹ شائع کرے۔ سانحہ کی انکوائری رپورٹ پبلک کرانے کے لیے سانحہ ماڈل ٹاون کے شہداء کے لواحقین نے لاہور ہائی کورٹ میں جسٹس مظاہر نقوی کی عدالت میں درخواست دائر کی تھی۔ دو روز قبل عدالت نے اس کیس کا فیصلہ محفوظ کر لیا تھا، جسے جمعرات کو سنا دیا گیا۔
شیخ الاسلام ڈاکٹر محمد طاہرالقادری نے منہاج کالج برائے خواتین میں منعقدہ فکری و تربیتی نشست میں شریک سینئر کلاسز کی طالبات سے خطاب کرتے ہوئے کہا کہ پڑھی لکھی بچیاں، بیٹیاں پاکستان کا مستقبل ہیں۔ انہوں نے کہا کہ دنیا بھر میں یہ ایک تسلیم شدہ حقیقت ہے کہ جس معاشرے کی خواتین تعلیم یافتہ ہونگی اس معاشرے اور ملک کو ترقی کی منازل طے کرنے سے کوئی نہیں روک سکتا۔
کالج آف شریعہ اینڈ اسلامک سائنسز، منہاج یونیورسٹی لاہور کے طالب علم محمد نقیب اعظم نے انٹرمیڈیٹ کے سالانہ امتحانات 2017ء لاہور بورڈ میں 992 نمبر لے کر پہلی پوزیشن حاصل کی۔ نقیب اعظم نے آرٹس گروپ میں 11 سو میں سے 992 نمبر حاصل کر کے لاہور بورڈ میں اول پوزیشن حاصل کی۔ پاکستان عوامی تحریک کے سربراہ ڈاکٹر محمد طاہرالقادری نے لاہور بورڈ ٹاپ کرنے پر طالب علم نقیب اعظم کو خصوصی مبارکباد دی ہے۔
3.6M
فیس بک
1.9M
ٹوٹر
© 1994 - 2024 Minhaj-ul-Quran International.
