سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
کویت کے سابق وزیر مذہبی امور الشیخ یوسف ہاشم الرفاعی اور الازہر یونیورسٹی کے شعبہ انگریزی کے ڈائریکٹر الشیخ ابولیلیٰ نے لندن میں شیخ الاسلام ڈاکٹر محمد طاہر القادری سے خصوصی ملاقات کی۔ ملاقات میں عیدگاہ شریف راولپنڈی کے گدی نشین پیر نقیب الرحمن، بھگار شریف کے گدی نشین اور دعوہ اکیڈمی اسلام آباد کے ڈائریکٹر جنرل ڈاکٹر ساجد الرحمن اور پاکستان عوامی تحریک کے وائس چیئرمین آغا مرتضیٰ پویا بھی شامل تھے۔
منہاج القرآن انٹرنیشنل ویلبی ڈنمارک کے زیراہتمام عید میلاد النبی صلی اللہ علیہ وآلہ وسلم کے سلسلہ میں ایک عظیم الشان محفل میلاد کا انعقاد مورخہ 21 فروری 2010ء کو کیا گیا، جس میں خواتین و بچوں کی کثیر تعداد نے شرکت کی۔ نظامت کے فرائض یوتھ لیگ کی صدر محترمہ شہلا بتول نے سرانجام دیئے۔
شیخ الاسلام ڈاکٹر محمد طاہر القادری نے دلوں کو اپنے ترانہ ہائے عشق سے کچھ اس طرح گرمایا ہے کہ تحریک منہاج القرآن کی تحصیلی تنظیموں کے تحت گلی گلی گوشہ ہائے درود قائم ہو رہے ہیں جہاں صبح شام بارگاہ رسالت صلی اللہ علیہ و اٰلہ و سلم میں درود و سلام کے نذرانے پیش کئے جاتے ہیں اور عشق مصطفےٰ صلی اللہ علیہ و اٰلہ و سلم سے درو بام مہک رہے ہیں۔
پیمرا کی جانب کی سے اے آر وائی نیٹ ورک کے معروف مذہبی چینل کیو ٹی وی کی نشریات کی بندش کے خلاف 7 اپریل 2010ء کو منہاج القرآن یوتھ لیگ نے لاہور، اسلام آباد اور ملک کے دیگر شہروں میں احتجاجی مظاہرے کیے۔ اسلام آباد کے مظاہرے میں منہاج القرآن یوتھ لیگ اور مصطفوی سٹوڈنٹس موومنٹ کے مرکزی قائدین نے بھی شرکت کی۔
منہاج القرآن انٹرنیشنل ڈنمارک کے زیراہتمام 14 فروری 2010ء کو عظیم الشان میلاد مارچ کا اہتمام کیا گیا۔ جس میں ہزاروں عشاقان مصطفیٰ صلی اللہ علیہ وآلہ وسلم نے شرکت کی۔ میلاد مارچ منہاج القرآن ویلبی کے نزدیک Søndermarken پارک سے شروع ہو کر کوپن ھیگن کے مرکزی ٹاؤن ہال تک گیا۔
منہاج القرآن یوتھ لیگ میلان، اٹلی کے زیراہتمام میلاد مارچ 19 مارچ 2010ء کو منعقد ہوا۔ میلاد مارچ سنٹرل اسٹیشن سے شروع ہو کر پیاساریپیلیگا پر ختم ہوا۔ میلان کے سنٹرل اسٹیشن تک جشن میلاد النبی صلی اللہ علیہ وآلہ وسلم کے سلسلہ میں فقید المثال جلوس نکالا گیا۔
تحریک منہاج القرآن کے گوشہ درود کی ماہانہ مجلس ختم الصلوٰۃ علی النبی صلی اللہ علیہ وآلہ وسلم کا 51 واں پروگرام 11 مارچ 2010ء کو منعقد ہوا۔ یہ پروگرام گوشہ درود کے ہال کی چھت پر ہوا، جس میں خواتین کی بڑی تعداد نے بھی شرکت کی۔ پروگرام کی صدارت امیر تحریک مسکین فیض الرحمن درانی نے کی۔
منہاج القرآن انٹرنیشنل میلان کے زیراہتمام جشن ولادت مصطفوی صلی اللہ علیہ وآلہ وسلم کی خوشی میں 7 مارچ بروز اتوار میلان کی سر زمین پر ایک عظیم الشان میلاد مارچ کا اہتمام کیا گیا۔ یہ مارچ میلان کی سرزمین پر یہ اپنی نوعیت کا پہلاپروگرام تھا، جس میں قرب و جوار سے کثیر تعداد میں عاشقان مصطفےٰ صلی اللہ علیہ وآلہ وسلم نے شرکت کی۔
ماہ ربیع الاول میں 12 مارچ بروز جمعہ کا سورج اہل ناروے اور بالخصوص اہل درامن کے لیے ایک عظیم خوشخبری لے کر طلوع ہوا، بلڈنگ کمیٹی کے سربراہ ساجد مختار نے بتایا کہ اہل درامن اور تحریک منہاج القرآن انٹرنیشنل کے کارکنوں کے لیے آج ایک عظیم دن ہے کیونکہ 22 سال کی طویل جہد و جہد کے بعد بارہ مارچ کو لوکل گورنمنٹ کی طرف سے تحریک منہاج القرآن انٹرنیشنل درامن کو مسجد تعمیر کرنے کی اجازت مل گئی ہے۔
منہاج ویلفیئر فاؤنڈیشن کے زیراہتمام 32 جوڑوں کی شادیوں کی اجتماعی تقریب 14 مارچ 2010ء کو ٹاؤن شپ بغداد ٹاون میں ہوئی۔ اس تقریب کو منہاج یونیورسٹی کے وسیع و عریض گراؤنڈ میں منعقد کیا گیا تھا۔ تقریب کے لیے خوبصورت پنڈال بنایا گیا تھا، جہاں تمام مہانوں، براتوں اور شرکاء کے لیے وی آئی پی اور سیکیورٹی کے سخت انتظامات بھی کیے گئے تھے۔
مورخہ 28 فروری 2010 بروز اتوار صفہ ہال مرکزی سیکرٹریٹ تحریک منہاج القرآن میں ایک اہم اجلاس زیر صدارت الشیخ ڈاکٹر اسماعیل عبدالنبی جواد (پرو وائس چانسلر جامعۃ الازہر) منعقد ہوا۔ جس میں انہوں نے منہاج یونیورسٹی کو باہمی مشاورت کے بعد رابطہ آفس کے لئے منتخب فرمایا۔
دعوہ اکیڈمی، اسلام آباد کی 25 سالہ تقریبات کے حوالے سے انٹرنیشنل اسلامک یونیورسٹی میں سہ روزہ تقریبات کا انعقاد کیا گیا۔ جس میں 21 فروری 2010ء کو "رحمۃ للعالمین کانفرنس" منعقد کی گئی، جس میں منہاج القرآن انٹرنیشنل کی سپریم کونسل کے صدر صاحبزادہ حسن محی الدین قادری نے خصوصی خطاب کیا۔
دہشت گردی اور فتنہء خوارج کے نام سے شیخ الاسلام ڈاکٹر محمد طاہرالقادری کے 600 سے زائد صفحات پر مشتمل مبسوط تاریخی فتویٰ کی تقریب رونمائی 18 مارچ 2010ء کو ہالیڈے ان ہوٹل اسلام آباد میں منعقد ہوئی۔ لندن میں فتویٰ کی عظیم الشان تقریب رونمائی کے بعد اسے پاکستان میں بھی پیش کیا گیا۔ اس حوالے سے تحریک منہاج القرآن اور منہاج القرآن علماء کونسل کے زیراہتمام تعارفی تقریب منعقد کی گئی۔
پاکستانی تاریخ میں پہلی بار چرچ میں میلاد مصطفیٰ (صلی اللہ علیہ وآلہ وسلم) کی خصوصی تقریب منعقد ہوئی۔ مدرٹریسا ویلفیئر سوسائٹی پاکستان کے چیئرمین ریورنڈ چمن سردار اور مسیحی برادری کی جانب سے اس تقریب کو میلاد مصطفی (صلی اللہ علیہ وآلہ وسلم) کانفرنس کا نام دیا گیا، جو بین المذاہب رواداری کی تاریخی مثال بن گئی ہے۔
شیخ الاسلام ڈاکٹر محمد طاہرالقادری نے خود کش بمباری اور دہشت گردی کے خلاف 600 سے زائد صفحات پر مبنی تفصیلی فتویٰ جاری کر دیا ہے۔ اس فتوی کی تقریب رونمائی 2 مارچ 2010ء کو لندن میں ہوئی۔ اس سلسلہ میں منہاج القرآن انٹرنیشنل لندن کے زیراہتمام ایک پریس کانفرنس کا اہتمام کیا گیا، جس میں برطانوی میڈیا کے علاوہ دنیا بھر سے انٹرنیشنل میڈیا کے درجنوں نمائندے بھی موجود تھے۔
3.6M
فیس بک
1.9M
ٹوٹر
© 1994 - 2024 Minhaj-ul-Quran International.