تحریک منہاج القرآن تحصیل ڈسکہ کے زیر اہتمام 20 روزہ افطاری پروگرام

مورخہ: 01 اگست 2011ء

تحریک منہاج القرآن تحصیل ڈسکہ کے زیراہتمام 20 روزہ افطاری کا پروگرام مدنی مارکیٹ سمبڑیال روڈ ڈسکہ میں ہو رہا ہے جس میں سینکڑوں افراد روزانہ فری افطاری کرتے ہیں۔ یہ پروگرام حاجی محمد سلیم سلہری کی زیر نگرانی میں ہورہا ہے۔ انہوں نے بتایا کہ یہ جذبہ ہمیں شیخ الاسلام ڈاکٹر محمد طاہرالقادری نے دیا ہے کہ انسانیت کی خدمت دین کا حصہ ہے اس لیے ہم ہر سال رمضان المبارک میں لوگوں کی افطاری کا انتظام کرتے ہیں۔

افطاری سے پہلے بڑا پرنور منظر ہوتا ہے سب دوست مل کر درود پاک اور اللہ کے نام کا ذکر کرتے ہیں اور شیخ الاسلام ڈاکٹر محمد طاہرالقادری کا خطاب سنایا جاتا ہے اور آخر میں دعا کی جاتی ہے۔ افطاری میں محمد اسلم قادری صدر تحریک منہاج القرآن تحصیل ڈسکہ، اللہ رکھا قادری ناظم تحریک منہاج القرآن تحصیل ڈسکہ، صفدر علی بٹ، راشد رفیق، عبدالستار انجم اور تحریک کے دوسرے عہدیدران بھی موجود ہوتے ہیں۔ لوگوں نے تحریک کے اس کام کو بہت سراہا ہے۔

رپورٹ: راشد رفیق (ناظم نشر و اشا عت تحریک منہاج القرآن تحصیل ڈسکہ)

تبصرہ

تلاش

ویڈیو

Ijazat Chains of Authority
Top