پروفیسر ڈاکٹر حسین محی الدین قادری سے شعبہ تجوید کے طلبہ کی خصوصی ملاقات
چیئرمین آغوش کمپلیکس، پروفیسر ڈاکٹر حسین محی الدین قادری سے منہاج انسٹیٹیوٹ برائے قرأت و تحفیظ القرآن لاہور کے شعبہ تجوید کے پہلے بیچ کے طلبہ نے دو سالہ تجوید و قرأت کورس کامیابی سے مکمل کرنے اور لاہور بورڈ کے میٹرک امتحانات سے فراغت کے بعد خصوصی ملاقات کی۔
اس موقع پر پروفیسر ڈاکٹر حسین محی الدین قادری نے طلبہ کو مبارکباد پیش کرتے ہوئے ان کے روشن مستقبل، ترویجِ قرآن اور دینِ اسلام کی خدمت کے لیے خصوصی دعا فرمائی۔ انہوں نے طلبہ کو نصیحت کرتے ہوئے کہا کہ قرآنِ مجید کا علم محض پڑھنے تک محدود نہیں بلکہ اس پر عمل، کردار کی تعمیر اور دوسروں تک اس کا پیغام پہنچانا اصل مقصد ہے۔ انہوں نے طلبہ کو نصیحت کی کہ وہ اپنی زندگیوں کو قرآن کے اصولوں کے مطابق ڈھالیں اور معاشرے میں اخلاق، علم اور خدمت کا نمونہ بنیں۔
اس موقع پر ڈائریکٹر آغوش کمپلیکس کرنل (ر) مبشر اقبال، وائس پرنسپل تحفیظ القرآن قاری سید خالد حمید کاظمی الازہری، ڈائریکٹر شعبہ تجوید قاری خضر ذیشان نعیمی اور ڈائریکٹر ایڈمن کیپٹن محمد رمضان بھی موجود تھے۔
تبصرہ