ڈاکٹر طاہرالقادری انقلاب کو ضرور پایہ تکمیل تک پہنچائیں گے۔ غلام مصطفی کھر

اے پی سی کے نتائج چند روز میں سامنے آجائیں گے

بزرگ سیاستدان اور سابق وزیر اعلیٰ پنجاب غلام مصطفی کھر نے کہا کہ اے پی سی میں میاں صاحب اور ان کے اتحادیوں کے علاوہ تمام جماعتیں شریک ہوئیں۔ اے پی سی کے نتائج چند روز میں سامنے آجائیں گے۔ ڈاکٹر طاہرالقادری ایک انقلابی لیڈر ہیں، ذوالفقار علی بھٹو بھی انقلاب لانا چاہتے تھے۔ مجھے یقین ہے کہ ڈاکٹر طاہرالقادری انقلاب کو پایہ تکمیل تک پہنچائیں گے۔ میری سیاست ذوالفقار بھٹو کی طرح ہے۔ ڈاکٹرطاہرالقادری سے ملاقات کے دوران پر امن انقلاب کے حوالے سے لائحہ عمل ڈسکس ہوا ہے۔ وہ گذشتہ روز ماڈل ٹاؤن میں ڈاکٹر طاہرالقادری سے ان کی رہائش گاہ پر ملاقات کے بعد صحافیوں سے گفتگو کررہے تھے۔ انہوں نے کہا کہ میں جلد دوبارہ ڈاکٹر طاہرالقادری سے ملاقات کے لیے آؤں گا۔