دعائیہ تقریب برائے ایصالِ ثواب علامہ غلام ربانی تیمور شہید اور عمّار مصطفیٰ قادری
منہاج انسٹیٹیوٹ آف قرأت اینڈ تحفیظ القرآن دارالعلوم فریدیہ قادریہ جھنگ صدر میں عظیم اسلامی سکالر علامہ غلام ربانی تیمور شہید کے بلندئِ درجات کیلئے دعائیہ تقریب کا انعقاد کیا گیا جسمیں قرآن خوانی کے بعد معروف نعت خواں حافظ امان اللہ جماعتی اور محمد آصف چشتی نےبارگاہِ سرورِ کونین صلی اللّٰہ علیہ وآلہ وسلّم میں گُلہائے عقیدت پیش کئے۔
ختم شریف کے بعد عاشقِ رسول صلی اللّٰہ علیہ وآلہ وسلّم و اہلِ بیت اطھار رضی اللّٰہ عنھم، ملنگِ دربار فریدِ ملّت رح، درویشِ تحریک منھاج القرآن اور حضور شیخ الاسلام ڈاکٹر محمد طاہر القادری مدظلہ العالی کے شاگردِ رشید وخادمِ خاص، نہایت عاجزوانکسار، مُشفق وملنسار، عظیم اسلامی سکالر علامہ غلام ربانی تیمور شہید کے بلندئِ درجات کیلئے خصوصی دعا کی گئی اور اسکے ساتھ الحاج محمد صبغت اللہ قادری صاحب کے نواسے معصوم ومرحوم عمّار مصطفیٰ قادری کی وساطت سے بخشش و مغفرت اور شفاعت کی التماس کی گئی۔
اس دعائیہ تقریب میں الحاج محمد صبغت اللہ قادری صاحب نے سرپرستی فرمائی اور حاجی محمد طاہر قادری صاحب، صاحبزادہ محمد رضاء المصطفیٰ قادری صاحب، صاحبزادہ محمد زین العابدین قادری صاحب، رانا محمد ارشد صاحب، قاری مبشر عباس صاحب، اورجملہ طلباءو طالبات اور اساتذہ اور سٹاف نے شرکت فرمائی۔ علامہ عبدالقدیر قادری ڈائریکٹر دارالعلوم فریدیہ قادریہ نے میزبانی کے فرائض سر انجام دیئے۔
تبصرہ