منہاج القرآن انٹرنیشنل کی سنٹرل ایگزیکٹو کونسل کا اجلاس
لاہور: ناظمِ اعلیٰ خرم نواز گنڈا پور کی زیر صدارت منہاج القرآن انٹرنیشنل کی سنٹرل ایگزیکٹو کونسل کا اہم اجلاس مرکزی سیکریٹریٹ پر منعقد ہوا، جس میں قائد ڈے، رمضان المبارک اور شہرِ اعتکاف سے متعلق امور ڈسکس کئے گئے۔
اجلاس میں بتایا گیا کہ منہاج القرآن انٹرنیشنل سپریم کونسل کے چئیرمین پروفیسر ڈاکٹر حسن محی الدین قادری نے ہدایت کی کہ پاکستان سمیت مختلف ملکوں سے آنے والے معتکفین کی عبادت و ریاضت، قیام و طعام اور سکیورٹی کے بہترین انتظامات کیے جائیں، منہاج القرآن نظامت دعوت و علماء کونسل کے زیر اہتمام رمضان المبارک میں 80 شہروں میں دروس القرآن ہونگے۔
منہاج القرآن انٹرنیشنل کے زیر اہتمام قائد ڈے تقریبات کے سلسلے میں یکم فروری سے ضلعی سطح پر بک فیئرز کے انعقاد کا بھی فیصلہ کیا گیا، ناظم اعلیٰ خرم نواز گنڈا پور نے کہا کہ منہاج القرآن علم و امن کی تحریک ہے ہمارا ہر ایونٹ علم کے فروغ سے وابستہ ہے، لہذا ضلعی تنظیمات قائد ڈے کی تقریبات کو مطالعہ کتب کے کلچر کے احیا کے ساتھ جوڑیں۔
شہر اعتکاف سے مسلسل دس روز شیخ الاسلام ڈاکٹر محمد طاہرالقادری دامت برکاتہم العالیہ "انسان میں انسانیت کیسے پلٹائی جائے" کے تربیتی موضوع پر خطاب فرمائیں گے۔ اجلاس میں نائب ناظمین اعلیٰ، سربراہان شعبہ جات، فورم ہیڈز اور ممبران سنٹرل ایگزیکٹیو کونسل شریک ہوئے۔
تبصرہ