پیر نصیر الدین نصیر چشتی قادری گولڑوی رضی اللہ عنہ کے مزارِ اقدس پر صدر منہاج القرآن انٹرنیشنل پروفیسر ڈاکٹر حسین محی الدین قادری کی حاضری

گولڑہ شریف: صدر منہاج القرآن انٹرنیشنل پروفیسر ڈاکٹر حسین محی الدین قادری نے پیر سید غلام معین الدین گیلانیؒ (بڑے لالہ جی)، پیر سید شاہ عبد الحق گیلانیؒ (چھوٹے لالہ جی) عظیم صوفی بزرگ پیر سید نصیر الدین نصیر گیلانیؒ، انکے بھائی پیر سید غلام جلال الدین جلال گیلانیؒ اور پیر سیّد مہر فرید الحق مہر گیلانیؒ کے مزارات پرانوار پر حاضری دی اور فاتحہ خوانی کی۔

اس موقع پر نائب ناظم اعلیٰ (کوارڈینیشن) ڈاکٹر محمد رفیق نجم، ڈاکٹر فیصل اقبال خان، راجہ زاہد محمود قادری، رجسٹرار منہاج یونیورسٹی لاہور پروفیسر ڈاکٹر خرم شہزاد، عبدالرحمن ملک، احسن ارشاد، راؤ محمد جاوید، ابرار رضا ایڈووکیٹ، انار خان گوندل، اجمل قادری اور دیگر شخصیات بھی موجود تھیں۔