سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج القرآن سکھر اور منہاج ویلفیئر فاونڈیشن کے زیراہتمام سکھر میں اجتماعی قربانی کا اہتمام کیا گیا۔ عید کے تیسرے روز 4 ستمبر 2017ء کو قربانی کے جانوروں کو ذبح کر کے گوشت بنایا گیا۔ بعدازاں تحریک منہاج القرآن سکھر کے قائدین و کارکنان نے گھر گھر جا کر گوشت کو مستحقین میں تقسیم کیا۔ سکھر کے علاوہ لاڑکانہ اور سندھ کے دوسرے شہروں میں بھی منہاج ویلفئیر فاونڈیشن نے قربانی کے گوشت کو تقیسم کیا۔
تحریک منہاج القرآن اور منہاج ویلفئیر فاونڈیشن لارکانہ سندھ کے زیراہتمام عیدالاحضیٰ 2017ء کے موقع پر 2 ستمبر کو اجتماعی قربانی کا اہتمام کیا گیا۔ اجتماعی قربانی کے لیے جانوروں کو ذبح کرکے گوشت بنایا گیا۔ اس موقع پر امیر احمد قادری، سید پیر شاہ، سید مبین شاہ اور غلام محمد کی نگرانی میں قربانی کا گوشت تیار ہوا۔ بعدازاں قربانی کا یہ گوشت علاقہ کے مستحقین میں تقسیم بھی کیا گیا۔
منہاج ویلفیئر فاونڈیشن کھپرو سندھ کے زیراہتمام عیدالاحضیٰ 2017ء کے موقع پر 2 ستمبر کو اجتماعی قربانی کا اہتمام کیا گیا۔ اجتماعی قربانی کے بعد منہاج ویلفئیر فاونڈیشن کھپرو کی طرف سے قربانی کا گوشت غرباء اور مستحقین میں تقسیم کیا گیا۔ تحریک منہاج القرآن نواب شاہ کے ڈویژنل کوارڈینیٹر عبدالستار چوہان، عوامی تحریک کھپرو کے صدر شوکت علی قائمخانی، جنرل سیکرٹری عوامی تحریک کھپرو صوبیدار ریٹائرڈ عبداللہ خان، منہاج القرآن کھپرو کے رہنماء ممتاز علی پر مشتمل ٹیم نے کھپرو میں قربانی کاگوشت لوگوں تک پہنچایا۔
منہاج ویمن لیگ کے ویلفیئر پراجیکٹ ’’وائس‘‘ اور ’’ایگر‘‘ کے زیراہتمام آغوش گرائمر سکول سیالکوٹ (فار آرفن) میں عید گفٹ تقسیم کیے گئے۔ 2 ستمبر کو عیدالاحضی 2017ء کے موقع پر منہاج ویمن لیگ سیالکوٹ کی ضلعی صدر فاطمہ منور قادری کی قیادت میں ناظمہ پروفیسر حافظہ نازیہ حسین، ناظمہ ویلفیئر ارشاد قادری، سابقہ ناظمہ مالیات راحیلہ قادری اور فاطمہ فاؤنڈیشن سکول کی پرنسپل ثمینہ زاہد اور بچوں پر مشتمل وفد نے سکول کے طلباء میں عید گفٹ تقسیم کیے۔
صدر منہاج ویلفیئر فاؤنڈیشن سنٹرل پنجاب (فیصل آباد) حاجی محمد امین القادری کے بڑے بھائی محمد حنیف حرکت قلب بند ہونے سے انتقال کر گئے (انا للہ وانا الیہ راجعون)۔ مرحوم کی نماز جنازہ آج رات 10 بجے راولپنڈی میں ادا کی جائے گی۔
منہاج ویلفیئر فاؤنڈیشن کے زیراہتمام عید الاضحی پر ہزاروں چھوٹے بڑے جانوروں کی قربانی کی تیاریاں و انتظامات تکمیل کے آخری مراحل میں داخل ہو چکے ہیں۔ لاہور میں مرکزی قربان گاہ جدید سلاٹر ہاؤس میں قائم کر دی گئی ہے۔ مرکزی قربان گاہ میں جانور پہنچ چکے ہیں۔ سینکڑوں گائیں، بکرے، دنبے اور چھترے ذبح کر کے عید الاضحی پر سنت ابراہیمی کو ادا کیا جائیگا۔ منہاج ویلفیئر فاؤنڈیشن کے ڈائریکٹر سید امجد علی شاہ نے انتظامی کمیٹیوں کے سربراہان کے ساتھ مرکزی قربان گاہ کا دورہ کیا، انتظامات کا جائزہ لیا اور جانوروں کی دیکھ بھال، سیکیورٹی اور خوراک کے حوالے سے خصوصی ہدایات جاری کیں۔
منہاج ویلفیئر فاؤنڈیشن کے ڈائریکٹر سید امجد علی شاہ کا کہنا ہے کہ عید الاضحی 2017ء کے موقع پر ہزاروں چھوٹے بڑے جانور قربان کیے جائیں گے، اجتماعی قربانی کی تیاریاں و انتظامات تکمیل کے آخری مراحل میں داخل ہو چکے ہیں۔ قربانی مہم کے سلسلے میں25 انتظامی کمیٹیاں تشکیل دے دی گئی ہیں۔ بڑے جانوروں میں 10 ہزار سے زائد حصے ڈالے جائینگے۔ 70 فی صد حصوں کی رجسٹریشن مکمل ہو چکی ہے۔ حفظان صحت اور شرعی اصولوں کے مطابق قربانی کیلئے جدید سلاٹر ہاؤس کا انتخاب کیا گیا ہے۔ لاہور میں مرکزی قربان گاہ کے علاوہ ملک بھر میں 2 سو سے زائد مقامات پر اجتماعی قربانی کے مراکز قائم کئے جائینگے۔
منہاج ویلفیئر فاؤنڈیشن کراچی کے زیراہتمام سرجانی ٹاؤن میں فری میڈیکل کیمپ لگایا گیا جس میں مریضوں کا فری چیک اپ کیا گیا۔ فری میڈیکل کیمپ میں ڈاکٹر ایوب اور ان کی ٹیم نے خدمات سرانجام دیں۔ اس موقع پر ڈپٹی ڈائریکٹر مسعود عثمانی، انوار صدیقی نے کیمپ کا دورہ کیا اور منہاج ویلفیئر فاؤنڈیشن کی پوری ٹیم کو میڈیکل کیمپ کے انعقاد پر خصوصی مبارکباد بھی دی۔
منہاج ویلفیئر فاؤنڈیشن کے زیراہتمام 23 شادیوں کی پُروقار اجتماعی تقریب 19 مارچ 2017ء کو منہاج القرآن کے مرکزی سیکرٹریٹ ماڈل ٹاؤن کے بالمقابل وسیع گراؤنڈ میں منعقد ہوئی۔ شادیوں کی اس اجتماعی تقریب میں 21 مسلم اور 2 مسیحی جوڑے رشتہ ازدواج میں منسلک ہوئے۔ مسلم جوڑوں کا نکاح منہاج القرآن علماء کونسل کے سکالرز نے پڑھایا جبکہ مسیحی جوڑوں کا نکاح انکے مذہبی رہنماء نے پڑھایا۔ ہر دولہن کو پونے دو لاکھ روپے کا گھریلو سامان کا تحفہ دیا گیا۔ 700 باراتیوں کیلئے کھانے کا اہتمام، دولہوں اور دولہنوں کا روایتی بینڈ باجے سے استقبال کیا گیا۔
منہاج ویلفیئر کے زیراہتمام 23 شادیوں کی پر وقار اجتماعی تقریب کل منہاج القرآن کے مرکزی سیکرٹریٹ ماڈل ٹاؤن کے بالمقابل وسیع گراؤنڈ میں 11 بجے دن منعقد ہو گی۔ شادیوں کی اس اجتماعی تقریب میں 21 مسلم اور 2 مسیحی جوڑے نئی زندگی کا آغاز کریں گے۔
منہاج ویلفیئر فاونڈیشن کھڑی شریف نے شیخ الاسلام ڈاکٹر محمد طاہرالقادری کی درجنوں کتب جامعہ اسلامیہ کھڑی شریف کو عطیہ دی ہیں۔ ان کتب کی مالیت چالیس ہزار روپے ہے، جو جامعہ میں طلباء لائبریری کی زینت بنیں گئی۔ اس حوالے سے جامعہ میں کتب حوالگی تقریب منعقد ہوئی، جس میں جامعہ کے طلبا،اساتذہ کرام اور مہمانان گرامی نے شرکت کی۔
کولکتہ: منہاج انٹرفیتھ اینڈ ویلفیئر فاؤنڈیشن انڈیا، منہاج القرآن ویمن لیگ کولکتہ اور منہاج القرآن انٹرنیشنل انڈیا کے اشتراک سے 26 جنوری 2017 کو یومِ جمہوریہ کے موقع پر منہاج ونٹر کارنیول (Minhaj Winter Carnival) کا اہتمام کیا جس میں خواتین اور بچوں نے بڑی تعداد میں شرکت کی۔ کارنیول کا آغاز پرچم کشائی کی تقریب سے ہوا جس کے بعد قومی ترانہ پڑھا گیا۔ کارنیول میں خواتین نے کپڑوں، جیولری اور دیگر گھریلو اشیاء کے سٹال سجا رکھے تھے، جبکہ بچوں نے ڈرائنگ، فینسی لباس اور معلوماتِ عامہ کے مقابلہ جات میں حصہ لیا۔ مقابلہ جات میں شاندار کاکردگی کا مظاہرہ کرنے والے بچوں میں انعامات تقسیم کیے گئے۔
منہاج انٹرفیتھ اینڈ ویلفیئر فاونڈیشن مغربی بنگال کولکتہ نے 26 جنوری 2017ء کو خواتین اور بچوں کے لیے ثقافتی نمائش میلے کا اہتمام کیا۔ یہ ایونٹ دی مسلم انسٹی ٹیوٹ شادی ہال حاجی محسن سکوائر پر منعقد کیا گیا، جہاں مقامی ثقافت کو اجاگر کرنے اور موسم بہار کی آمد پر خواتین اور بچوں کی دل چسپی کے اسٹالز لگائے گئے تھے۔
منہاج ویلفیئر فاﺅنڈیشن گجرات کے زیراہتمام 13 شادیوں کی اجتماعی تقریب 21 دسمبر 2016ء کو قندفشاں میرج ہال گجرات میں ہوئیں۔ منہاج ویلفیئر فاؤنڈیشن کے مرکزی ڈائریکٹر سید امجد علی شاہ مہمان خصوصی تھے۔ مرکزی نائب ناظم اعلیٰ علامہ سید فرحت حسین شاہ، پاکستان عوامی تحریک کے مرکزی رہنما ساجد بھٹی، عمر ریاض عباسی، اسلامی نظریاتی کونسل آف پاکستان کے ممبر صاحبزادہ پیر سید سعید احمد شاہ گجراتی نے بھی خصوصی شرکت فرمائی۔
منہاج انٹرفیتھ اینڈ ویلفیئر فاؤنڈیشن جموں کشمیر نے 6 جنوری 2017ء کو ریاست میں سخت ترین موسم سرما کی شدت سے بچاؤ کے لیے لوگوں کو ضروری حفاظتی سامان فراہمی کا ’’ونٹرکیمپ‘‘ سری نگر میں لگایا۔ کیمپ میں خاندانوں کے 400 سے زائد افراد کو گرم کپڑے، چادریں، برتنوں کے سیٹ اور روزمرہ استمعال کی چیزیں دی گئیں۔ اس حوالے سے منہاج ویلفیئر فاؤنڈیشن کی ٹیم نے سری نگر میں موسم سرما کی برفباری سے متاثرہ گھروں اور خاندانوں کا انتخاب کیا، جنہیں ریلیف کیمپ میں امدادی سامان دیا گیا۔
4M
فیس بک
2M
ٹوٹر
© 1994 - 2025 Minhaj-ul-Quran International.
