سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
تحریک منہاج القرآن کے زیراہتمام شیخ الاسلام ڈاکٹر محمد طاہرالقادری کے عظیم الشان عوامی استقبال جلسے میں 22 دسمبر کو بھی لاکھوں شرکاء کی آمد کا سلسلہ جاری رہا۔ دوسرے روز صوبہ سندھ سمیت، خیبر پختون خواہ اور بلوچستان سے لوگ عوامی استقبال جلسے کے لیے مینار پاکستان پہنچے۔
بانی و سرپرست اعلیٰ منہاج القرآن انٹرنیشنل شیخ الاسلام ڈاکٹر محمد طاہر القادری 20 دسمبر 2012ء کی شب لاہور (پاکستان) پہنچ گئے ہیں، لاہور ایئر پورٹ پہنچنے پر تحریک منہاج القرآن کے مرکزی قائدین نے ان کا استقبال کیا۔ وہ 23 دسمبر 2012ء کو مینار پاکستان پر ہونے والے تاریخی عوامی اجتماع سے خطاب کریں گے جس میں پاکستان بھر سے لاکھوں افراد شرکت کریں گے۔ سیاست نہیں ریاست بچاؤ کے عنوان سے ہونے والے تاریخی عوامی اجتماع منہاج ٹی وی اور ملک کے تمام بڑے ٹی وی چینلوں پر دیکھا جاسکے گا۔
تحریک منہاج القرآن، منہاج القرآن یوتھ لیگ اور مصطفوی سٹوڈنٹس موومنٹ چیچہ وطنی کا اہم اجلاس بسلسلہ حتمی انتظامات استقبال قائد مہم منعقد ہوا، جس میں شیخ الاسلام ڈاکٹر محمد طاہرالقادری کی پاکستان آمد پر استقبال قائد اور سیاست نہیں ریاست بچاؤ مہم کے انتظامات کو حتمی شکل دی گئی۔ اجلاس میں بتایا گیا کہ پاکستان بھر کی طرح چیچہ وطنی سے ہزاروں کی تعداد میں مرد و خواتین سینکٹروں بسوں اور کاروں کے قافلوں کے ذریعے مینار پاکستان لاہور کیلئے روانہ ہوں گے۔
شیخ الاسلام ڈاکٹر محمد طاہرالقادری نے کہا ہے کہ افواج پاکستان، عدلیہ، میڈیا، پارلیمنٹ اور ملک کی سیاسی جماعتوں کو 23 دسمبر کو پیغام دوں گا، جو اس دھرتی پر تبدیلی چاہتے ہیں، وہ 23 دسمبر کو گھر نہ بیٹھیں، باہر نکل کر ظلم کی دیواروں کو گرانے کا عزم کریں۔ 23 دسمبر کو عوام پاکستان کا بدعنوانی، ظلم، بیروزگاری اور کرپشن کے خلاف پرامن احتجاج ہوگا۔
چکوال - 23 دسمبر کے پروگرام کی آگاہی کے سلسلے میں چوآ سیدن شاہ سے ایک موٹر سائیکل ریلی بشارت تک نکالی گئی، جس میں نوجوانوں کی ایک بڑی تعداد نے شرکت کی، اس ریلی کی قیادت تحریک منہاج القرآن تحصیل چوآ سیدن شاہ کے رہنما میاں لیاقت علی، سہیل رضا، محمد صابر، محمد سعید، حاجی عبدالغفور شیخ، ملک احسان محفوظ، ڈاکٹر سہیل جنجوعہ، طاہر اعوان ایڈوکیٹ، محمد توفیق، ملک ارسلان، محمد آصف، حاجی محمد صابر اور میڈیا کوارڈینیٹر نے کی۔
گزشتہ روز تحریک منہاج القرآن ہارون آباد کے زیراہتمام شیخ الاسلام ڈاکٹر محمد طاہرالقادری کے حوالےسے لکھی جانے والی نوجوان شاعر خواجہ اللہ رکھا سیاف ایڈووکیٹ کی شاعری کی کتاب قبلہ نامہ کی تقریب رونمائی اسلامک سنٹر میں منعقد ہوئی، جس کی صدارت پیر مقصود احمد چشتی نے کی جبکہ ڈاکٹر قاضی حسین احمد اس تقریب کے مہمان خصوصی تھے۔ قاری غلام رسول نے تلاوت کلام مجید سے تقریب کا آغاز کیا
20 دسمبر 2012ء کو سیالکوٹ میں سینئر نائب ناظم اعلی تحریک منہاج القرآن شیخ زاہد فیاض نے سیالکوٹ تحریک منہاج القرآن کے کارکنان کے ساتھ خصوصی میٹنگ کی جس میں 23 دسمبر کے حوالے سے تیاریوں اور انتظامات کے متعلق گفتگو کی گئی
گزشتہ روز تحریک منہاج القرآن ہارون آباد کے زیراہتمام شیخ الاسلام ڈاکٹر محمد طاہرالقادری کا پیغام سیاست نہیں ریاست بچاؤ عوام الناس تک پہنچانے کےلیے موٹر سائیکل ریلی کا اہتمام کیا گیا۔ جس میں سینکڑوں کی تعداد میں تحریک منہاج القرآن، منہاج القرآن یوتھ لیگ، مصطفوی سٹوڈنٹ موومنٹ اور مختلف شعبہ ہائے زندگی سے تعلق رکھنے والے افراد نے شرکت کی۔
منہاج القرآن علماء کونسل گوجرانوالہ کے زیراہتمام سیاست نہیں ریاست بچاؤ علماء و مشائخ سیمینار کا انعقاد کیا گیا۔ جس میں احمد مجددی ، مولانا عبدالعزیز چشتی، پیر محمد اشرف قادری نوشاہی المعروف شیرانوالی سرکار، مفتی فضل حق فاروقی، مولانا پروفیسر عبدالرحمن جامی، سید محسن علی شاہ، مفتی محمد حسین صدیقی ، علامہ مفتی نور احمد اورحافظ یعقوب فریدی سمیت گوجرانوالہ کے 200 علماء و مشائخ نے شرکت کی۔
چوہدری محمد افضل گجر صدر پنجاب بیکرز ایسوسی ایشن نے کہا کہ معیشت اور صنعت کی زبوں حالی سے نہ صرف چھوٹا دوکاندار بلکہ بڑا صنعتکار بھی آج پریشان حال ہے۔ اس کی بنیادی وجہ موجودہ کرپٹ انتخابی نظام ہے۔ اس لیے جب تک اس نظام میں اصلاح نہ کی گئی، تب تک انتخابات کا عمل سوائے پیسہ اور وقت کے ضیاع کے کچھ نہیں۔ ان حالات میں ڈاکٹر طاہرالقادری کے ایجنڈا کو ہم امید کی آخری کرن سمجھتے ہیں، اس لیے اس کی بھرپور حمائت کا اعلان کرتے ہیں۔
منہاج القرآن ویمن لیگ اور مصطفوی سٹوڈنٹس موومنٹ (سسٹرز ) کھڑی شریف آزادکشمیر کے زیراہتمام سیدہ زینب رضی اللہ عنہا کانفرنس بعنوان اسوہِ زینب رضی اللہ عنہا اور آ ج کی عورتِ کی ذمہ داریاں تحصیل کھڑی شریف کے نواحی گاوں نیوجبر میں انعقاد پزیر ہوئی۔ یہ کانفرنس منہاج القرآن ویمن لیگ کھڑی شریف کی سب سے پہلی کارکن محترمہ سکینہ بی بی (مرحومہ و مغفورہ) کے ایصال ثواب کے لیے کی گئی۔ سٹیج سیکرٹری محترمہ قر ۃ العین سٹوڈنٹ کالج آف شریعہ اینڈ اسلامک سائنسز (گرلز) لاہور تھیں۔
بھکی شریف (منڈی بہا والدین) میں 23 دسمبر بروز اتوار مینار پاکستان پر عوامی استقبال جلسے کے سلسلے میں عوامی آگاہی مہم زور وشور سے جاری ہے۔ اس سلسلے میں اہم مقامات پر بذریعہ پروجیکٹر شیخ الاسلام ڈاکٹر محمد طاہرالقادری کا خصوصی پیغام سنایا گیا۔ اس سلسلے میں پہلا پروگرام مین بازار بھکی شریف میں جامع مسجد میں کیا گیا جس میں کثیر تعداد میں ہر شعبہ زندگی سے تعلق رکھنے والے معززین نے شرکت کی۔
تحریک منہاج القرآن چلڈرن لیگ سیالکوٹ کے زیراہتمام دس سال سے کم عمر بچوں کی ''سیاست نہیں ریاست بچاؤ'' ایک تاریخی ریلی ناصر روڑ سیالکوٹ سے نکالی گئی۔ ریلی میں ایک سو سے زائد معصوم بچے شامل تھے جو ناصر روڑ کی مختلف گلیوں سے ہوتے ہوئے چوک ماڈل، خادم علی روڑ پر پہنچے۔ جہاں پر لوگوں نے معصوم زبانوں سے پاکستان زندہ آباد اور سیاست نہیں ریاست بچاؤ کا نعرہ سن کر ان کے انوکھے اور پرامن احتجاج کی حمایت کی۔
ایم ایس ایم تحصیل سانگلہ ہل کے زیر قیادت پاکستان بچاؤ موٹر سائیکل ریلی نکالی گئی جس میں سینکڑوں نوجوانوں نے شرکت کی۔اس ریلی کی قیادت صدر ایم ایس ایم سانگلہ ہل محمد عامر اور جنرل سیکرٹری ایم ایس ایم رانا آصف دستگیر کر رہے تھے۔اس ریلی میں ناظم تحریک منہاج القرآن ضلع ننکانہ حاجی محمد اویس طاہر صدر تحریک منہاج القرآن سانگلہ ہل امجد قادری اور نائب ناظم تحریک منہاج القرآن پنجاب ملک حق نواز اعوان نے خصوصی شرکت کی۔
تحریک منہاج القرآن یوتھ لیگ راولپنڈی کے زیراہتمام ریاست بچاؤ یوتھ ریلی نکالی گئی۔ جس کا آغاز چانڈی چوک سے ہوا۔ ریلی میں کرپٹ نظام انتخاب کے خلاف نعرے بازی کی گئی اور اس کا علامتی جنازہ نکالا گیا۔ریلی میں صدر منہاج القرآن یوتھ لیگ پاکستان چوہدری بابر، صدر منہاج القرآّن یوتھ لیگ راولپنڈی راجا سعید، جنرل سیکرٹری منہاج القرآن یوتھ لیگ راولپنڈی منصور قاسم اعوان اور سابق صدر منہاج القرآن یوتھ لیگ پاکستان بلال مصطفوی نے شرکت کی۔
3.6M
فیس بک
1.9M
ٹوٹر
© 1994 - 2024 Minhaj-ul-Quran International.
