سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
شیخ الاسلام نے اپنے خطاب میں اعتکاف کے لیے کروائی گئی نیتوں میں سے مزید دو نیتوں کو تفصیلاً بیان کرتے ہوئے کہا کہ مجالسِ ذکر میں اچھے دوست تلاش کرنے چاہیئں، کیونکہ نیکو کار و متقین کے ساتھ دوستی کی بناء پر اللہ رب العزت روزِ محشر ان کے ساتھ کھڑا کریں گے۔ انہوں نے مزید کہا کہ اللہ پاک جس کے ساتھ نیکی کا ارادہ کر لے اسے صالحین کا دوست بنا دیتا ہے۔
شیخ الاسلام نے نیت کے موضوع پر گفتگو کرتے ہوئے کہا کہ ایک عمل میں بہت سے نیتوں کو شامل کیا جاسکتا ہے، گویا ایک عمل کی شکل میں کثیر اعمال صالحہ کا ثواب جمع ہوجاتا ہے۔ جو ایک گنا سے لے کر سات سو گنا تک ہوجاتا ہے۔ نیت جتنی صاف اور خالص ہوتی جائے، اس میں سے دنیا کا لالچ، حسد، بغض اور طمع نکل جائے، لوجہ اللہ ہو جائے تو پھر اس نیت کا اجروثواب بغیر حساب اور بغیر شمار کے آگے بڑھ جاتا ہے۔
ڈاکٹر حسین محی الدین قادری نے کہا کہ انسان خسارے میں ہے، اس میں کسی ایک خسارہ کا ذکر نہیں کیا، بلکہ انسان کے تمام خساروں کا ذکر ہے۔ اس میں حکومت و اقتدار سے لے کر انسان کے ذاتی اموال و حیات تک کا خسارہ ہے۔ اور جب انسان کی ہر شے کا خسارہ ہو تو اس کو فناء کہتے ہیں۔
شیخ الاسلام ڈاکٹر محمد طاہرالقادری نے خطاب کرتے ہوئے کہا کہ ایک عملِ صالح پر ایک سے زائد نیتوں کا ثواب مل سکتا ہے، انہوں نے اعتکاف کے لیے کروائی گئی نیتوں میں سے مزید چار نیتوں کو تفصیلاً بیان کیا اور حدیثِ صحیح کا تذکرہ کرتے ہوئے کہا کہ جو لوگ اجتماعی طور پر ذکرِ خدا کرتے ہیں اللہ ان کے گناہ نیکیوں میں تبدیل کر دیتا ہے۔
شیخ الاسلام ڈاکٹر محمد طاہرالقادری نے معتکفین سے خطاب کرتے ہوئے کہا کہ انسان کی اصلاح نیت سے شروع ہوتی ہے۔ آج جس تیز رفتاری سے معصیت، گناہ اور کفر بڑھ رہا ہے تو اس سے تیز تر اور زیادہ جدوجہد سے آپ کو جنگ لڑنے کی ضرورت ہے۔ کیونکہ ایمان محض عقیدت اور محبت سے نہیں بچتا۔
ڈاکٹر حسن محی الدین قادری نے کہا کہ وحدت کا فلسفہ انسان کی اصل سے متعلق ہے۔ جس طرح انسان کی ابتداء عارضی اور ناقص تھی، اسی طرح انسان کی انتہاء بھی ناقص ہے۔ انہوں نے کہا کہ کائنات کی اِبتداء بھی وحدت سے اور کائنات عروج پر جائے گی تو وحدت پر منتج ہوگی۔ تصور تخلیق کے عناصر اربعہ میں سے پہلا عنصر یہ ہے کہ کائنات کی تخلیق کا آغاز ابتداء ایک تخلیقی وحدت Primary Single Mass سے ہوا۔
شہر اعتکاف کے دوسرے روز 11 اگست 2012ء کو نماز تروایح کے بعد 22 رمضان المبارک کی شب تاک رات کی مناسبت سے محفل حسن قرات کا انعقاد ہوا جس میں ایرانی قراء کی ٹیم نے خصوصی شرکت کی۔ پروگرام کا باقاعدہ آغاز شب ساڑھے 11 بجے ہوا۔ نائب امیر تحریک کراچی قیصر اقبال قادری نے پروگرام کی نقابت کے فرائض سرانجام دیئے۔ قاری احمد ہاشمی اور قاری نور احمد چشتی نے تلاوت قرآن مجید سے پروگرام کا آغاز کیا۔
منہاج القرآن انٹرنیشنل(گارج لے گونس، فرانس) کے زیر اہتمام مورخہ 11 اگست 2102ء کو حضرت علی رضی اللہ عنہ کا یوم وصال انتہائی ادب واحترام سے منایا گیا جس میں پاکستانی کمیونٹی نے بھر پور شرکت کی۔
شیخ الاسلام نے معتکفین سے خطاب کرتے ہوئے کہا کہ کوئی بھی عمل حسن نیت نہیں بن سکتا جب تک اس کی نیت نیک نہ ہو۔ قرآن مجید میں ہے کہ متقین کی راہ پر چلنا چاہتے ہو تو ہر عمل کو حسن نیت سے سرانجام دو۔ سورہ الماعون میں حسن نیت کا بہترین نمونہ پیش کیا گیا ہے، جس میں نماز ان لوگوں کو دوزخ میں لے جائے گی، جن کی نیت نیک نہ تھی، جو ریا کاری کے لیے نماز پڑھتے تھے۔ اگر نیت نیک ہو تو وہی نماز انسان کو جنت میں لے جائے گی۔
ڈاکٹر حسین محی الدین القادری نے ہزاروں معتکفین سے خطاب کرتے ہوئے کہا کہ سیدنا علی المرتضیٰ رضی اللہ عنہ حکمت و ولایت کے شہنشاہ ہیں اور ان کے قدموں کی دھول کے صدقے حکمت و بصیرت کی خیرات بٹتی ہے۔ حضور صلی اللہ علیہ وآلہ وسلم حکمت کے شہر اور حضرت علی رضی اللہ عنہ اسکا دروازہ ہیں۔ حضرت علی رضی اللہ عنہ سے محبت کرنا حضور صلی اللہ علیہ وآلہ وسلم اور اللہ سے محبت کرنا ہے۔
منہاج پیس اینڈ انٹی گریشن کویت کے وفد نے مورخہ 10 اگست 2012ء کو پروفیسر ڈاکٹر عبداللہ شافی سے ملاقات کی جو جغرافیہ میں برطانیہ سے پی ایچ ڈی ہیں، کویت جغرافیائی سوسائٹی کے سینئر ممبر، جامعہ گلف یونیورسٹی میں پروفیسر اور شیخ عمر بن حفیظ الحبیب سے ارادت رکھتے ہیں۔
ابتدائی بریفنگ دیتے ہوئے مرکزی ناظمہ ویمن لیگ محترمہ نوشابہ ضیاء نے شرکاء کو شہرِ اعتکاف میں خوش آمدید کہا۔ آپ نے معتکفات سے گفتگو کرتے ہوئے فرمایا کہ ہم آج اس اعتکاف گاہ یعنی تربیتی درس گاہ میں جمع ہیں جہاں ہمیں اپنی عبادات کے ساتھ ساتھ معمولات کو بھی Training process سے گزارنا ہوگا۔
منہاج اسلامک سنٹر (اوسپتالیت، سپین) میں مورخہ 10 اگست 2012ء کو افطار ڈنر کا اہتمام کیا گیا جس میں اوسپتالیت کی پاکستانی اور عرب کمیونٹی سے تعلق رکھنے والے مسلمانوں کی کثیر تعداد نے شرکت کی۔ اس موقع پر منہاج القرآن اوسپتالیت کی انتظامیہ نے منہاج القرآن بادالونا اوربارسلونا کے عہدیداران کو خصوصی طور پر مدعو کیا تھا۔
منہاج القرآن انٹرنیشنل ساؤتھ کوریا کے زیر اہتمام مورخہ 10 اگست 2012ء کو آمنہ مسجد میں عظیم الشان محفل میلاد منعقد ہوئی جس میں گرد ونواح سے پاکستانی کمیونٹی کی کثیر تعداد نے شرکت کی۔
کینیڈا میں شیخ الاسلام ڈاکٹر محمد طاہرالقادری کے پرسنل ریسرچ سیکرٹری محمد ضیاءالحق رازی کے والد گذشتہ روز حرکت قلب بند ہونے سے لاہور میں انتقال کر گئے۔ ان کی نماز جنازہ جامع المنہاج ٹاؤن شپ میں بعد نماز عصر ادا کی گئی جس میں شہر اعتکاف کے ہزاروں معتکفین نے بھی شرکت کی۔ شیخ الاسلام ڈاکٹر محمد طاہرالقادری نے ان کی رحلت پر گہرے دکھ اور افسوس کا اظہار کرتے ہوئے مغفرت اور بلندی درجات کی دعا کی ہے۔
3.6M
فیس بک
1.9M
ٹوٹر
© 1994 - 2024 Minhaj-ul-Quran International.
