سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
ینگ لائرز فورم کے رہنماؤں طارق گوپانگ، یامین عباسی، محمد عارف بھٹی، طارق بٹ اور ابرار رضا ایڈووکیٹ نے کہا ہے کہ حکومت لانگ مارچ کو روکنے کی کوششیں کرکے توہین عدالت کی مرتکب ہورہی ہے جس کے خلاف عدالت میں جائیں گے، طاہرالقادری کو گرفتار کرنے کی کسی میں ہمت نہیں ہے تاہم ایسا ہوا تو بھی لانگ مارچ متبادل قیادت کے تحت جاری رہے گا۔
منہاج القرآن یوتھ لیگ یونٹ شکریال زون 1 فیڈرل ایریا اسلام آباد کے زیراہتمام 6 جنوری بروز اتوار بعد از نماز مغرب عظیم الشان ورکرز کنونشن کا انعقاد کیا گیا جس میں مہمان خصوصی رفیق صدیقی (سیکرٹری جنرل منہاج القرآن یوتھ لیگ پاکستان) تھے۔ پروگرام کا آغاز تلاوت قرآن پاک سے ہوا جس کا شرف قاری غضنفر علی نعیمی نے حاصل کیا۔
تحریک منہاج القران اسلام آباد کے صدر ابراررضا ایڈووکیٹ،سیکرٹری اطلاعات غلام علی خان، ناظم تحریک عرفان طاہر نے کہا ہے کہ فرسودہ، کرپٹ اور استحصالی نظام انتخاب کے خاتمے کا وقت قریب آ گیا ہے۔ ان خیالات کا اظہار انہوں نے گزشتہ روز ایم کیو ایم کے ذمہ داران سے ان کے دفتر میں ملاقات کے موقع پر گفتگو کرتے ہوئے کیا۔ اس موقع پر ممبر رابطہ کمیٹی ایم کیو ایم سیف اللہ خان، ایم این اے آصف حسنین، جوائنٹ انچارج محمد رفیق، ممبر صوبائی تنظیم فیض اللہ، زونل انچارج ملک منیر انجم، جوائنٹ انچارج متین خان،سوشل فورم کے انچارج راجہ آفتاب،سلمان اقبال عرف مانی بھائی، منہاج القرآن یوتھ لیگ کے صوفیان صابر، ملاعمرخان،قاری ایاز اور دیگر بھی موجودتھے ۔
آؤ پاکستان بچائیں پروگرام منہاج القرآن یوتھ لیگ یونین کونسل ماڈل ٹاؤن ہمک زون 1 فیڈرل ایریا اسلام آباد کے زیر اہتمام 16 دسمبر بروز اتوار بعدازنماز مغرب ( آؤ پاکستان بچائیں) کے نام سے پروجیکٹر پروگرام کا انعقاد کیا گیا۔ جس میں 60 افراد لوگوں نے شرکت کی۔ آخر میں شرکاء کو 23 دسمبر کے حوالے سے خصوصی بریفنگ دی گئی۔ جس پر تمام شرکاء نے شیخ الاسلام ڈاکٹر محمد طاہرالقادری کے استقبال کے لیے جانے کا اعلان کیا۔ پروگرام کے اختتام پر قائد تحریک کی درازی عمر اور صحت یابی کے لیے دعا کروائی گئی۔
تحریک منہاج القرآن اسلام آباد کے رہنما بابا غلام حیدر بٹ کا پیدل کارواں وزیر آباد پہنچ گیا۔ جہاں تحریک منہاج القرآن وزیر آباد کے عہدیداروں اور کارکنان نے آپ کا استقبال کیا۔ اس پیدل قافلے میں بابا غلام حیدر بٹ کا پوتا طلحہ بٹ اور دیگر کارکنان بھی شامل ہیں۔ وزیر آباد پہنچنے پر غلام حیدر بٹ نے استقبال کے لیے آنے والوں کا شکریہ ادا کیا۔ انہوں نے کہا کہ وہ 23 دسمبر 2012ء کو پیدل قافلے کے ساتھ مینار پاکستان پہنچ کر شیخ الاسلام کو خوش آمدید کہیں گے۔
اس موقع پر محترمہ شیریں مزاری نے کہا ہے کہ ڈاکٹر طاہرالقادری کا ایجنڈا حقیقی ریاست کے قیام کی جانب ایک اہم پیش رفت ہے۔ انہوں نے ڈاکٹر محمد طاہرالقادری کی عالمی سطح پر امن عالم کے لئے کی جانے والی خدمات کا اعتراف کرتے ہوئے کہا کہ بلاشبہ ڈاکٹر طاہرالقادری پوری امت کے لئے بہت بڑا کام کر رہے ہیں اور موجودہ وقت میں سیاست نہیں ریاست بچانے کا ایجنڈا ملک وقوم کو مسائل سے نکالنے کے لئے سنگ میل ثابت ہوگا۔
مقررین نے کہا کہ موجودہ ظالمانہ اور جابرانہ انتخابی نظام ہی درحقیقت مصطفوی انقلاب کی راہ میں سب سے بڑی رکاوٹ ہے اور تمام تر برائیوں کی جڑ ہے۔ اس نظام نے 65 برس سے پوری قوم کو یرغمال بنا رکھا ہے۔ شیخ الاسلام ڈاکٹر محمد طاہر القادری نے آج جب پوری قوم کو پکارا ہے تو اِس آواز پر سب سے پہلے لبیک کہنے کی ذمہ داری وارثانِ ممبر ومحراب اور ساکنان خانقاہ ہی کی ہے،
محسن پاکستان ڈاکٹر عبدالقدیر خان نے کہا ہے کہ ریاست پاکستان کو شدید خطرات لاحق ہیں، اس لئے ’سیاست نہیں ریاست بچاؤ‘ کا نعرہ اس بکھری ہوئی قوم کی شیرازہ بندی کیلئے ضروری ہے۔ ان خیالات کا اظہار انہوں نے گزشتہ روز تحریک منہاج القرآن کے وفد سے ملاقات کے دوران گفتگو کرتے ہوئے کیا۔ ڈاکٹر عبدالقدیر نے ڈاکٹر طاہرالقادری نے نظریات کو سراہتے ہوئے ملک میں تبدیلی کے ایجنڈے پر اپنے جانب سے مکمل تائید کا یقین دلایا۔
تحریک منہاج القرآن اسلام آباد کے بزرگ رہنما بابا غلام حیدر بٹ اپنے کارواں کے ساتھ پیدل سفر کرتے ہوئے لالہ موسیٰ پہنچ گئے ہیں۔ لالہ موسیٰ میں تحریک منہاج القرآن، منہاج القرآن یوتھ لیگ اور اہل علاقہ کی کثیر تعداد نے پیدل کارواں کو خوش آمدید کہا۔ کارواں کے شرکاء پر پھولوں کی پتیاں نچھاور کی گئیں اور انہیں ہار بھی پہنائے گئے۔ اس موقع پر استقبالی شرکاء نے سبز ہلالی پرچم بھی اٹھا رکھے تھے۔ بابا غلام حیدر بٹ اپنے پیدل کارواں کے ساتھ اسلام آباد سے سفر کر رہے ہیں، ان کا کہنا ہے کہ وہ 23 دسمبر کو مینار پاکستان لاہور پہنچ کر شیخ الاسلام کو خوش آمدید کہیں گے۔
کنونشن میں شیخ الحدیث مولاناظہورالاسلام، صاحبزادہ حسیب احمدنظیری، علامہ حاکم دین نقشبندی، قاری گلزار احمدمدنی، قاری دوست محمد، علامہ عبدالقادر سکندری، قاری احسان قادر نعیمی، مولانا، علامہ شمریزاعوان، مولانامحمداسلم، مولناقاری محمداظہر، علامہ تصدق حسین نقشبندی، مولانا شبیرحسین، علامہ ممتازہارونی، احمدرضاقادری، قاری ایازمنہاس اور صدر تحریک منہاج القرآن این اے 48 ابراررضاایڈووکیٹ ، ناظم تحریک عرفان طاہرکے علاوہ مختلف مکتبہ فکر کے دیگر علماء مشائخ نے بھی بھرپور شرکت کی۔
منہاج القرآن اسلام آباد کے بزرگ رہنماء بابا غلام حیدر بٹ کا پیدل کاررواں کھاریاں پہنچ گیا۔ جہاں تحریک منہاج القرآن، منہاج القرآن یوتھ لیگ اور ایم ایس ایم کھاریاں کے کارکنان نے استقبال کیا۔ اس موقع پر لوگوں نے پیدل کارواں پر پتیاں نچھاور کیں اور انہیں ہار بھی پہنائے۔
منہاج القرآن یوتھ لیگ موہڑہ نور زون 2 فیڈرل ایریا اسلام آباد کے زیراہتمام ’آؤ پاکستان بچائیں کرکٹ ٹورنامنٹ‘ کا اہتمام کیا گیا، اس ٹورنامنٹ کا فائنل میچ 10 دسمبر کو کھیلا گیا۔ جس میں مہمان خصوصی خالد عباسی ناظم تحریک منہاج القرآن یونین کونسل کری اور اقبال شیخ کوآرڈینیٹر منہاج القرآن یوتھ لیگ Na 48 49 تھے۔ اس ٹورنامنٹ میں 12 ٹیموں نے شرکت کی۔ آخر میں تمام ٹیموں کے شرکاء کو 23 دسمبر کے حوالے سے خصوصی بریفنگ دی گئی۔
ریلی سے خطاب کرتے ہوئے مقررین نے کہا کہ ہم سیاست نہیں ریاست بچاؤ کے ایجنڈے پر ڈاکٹر محمد طاہر القادری کے شانہ بشانہ کھڑے ہیں۔ اور ان کا 23 دسمبر کو پاکستان میں بھرپور خیر مقدم کریں گے۔ انہوں نے کہا کہ موجودہ نظام تمام مسائل کی جڑ ہے اور اس کو بدلے بغیر حقیقی تبدیلی ممکن نہیں۔
منہاج القرآن یوتھ لیگ کے زیراہتمام راولپنڈی میں شیخ الاسلام ڈاکٹر محمد طاہرالقادری کی پاکستان آمد کے حوالے سے تشہیری مہم مکمل کر لی گئی ہے، اس تشہیری مہم کے دوران علاقے بھر میں وال چاکنگ، فلیکس بورڈ، پوسٹرز اور گزرگاہوں پر ہولڈنگ بورڈز آویزاں کیے گئے ہیں، جبکہ عوامی رابطہ مہم مسلسل جاری ہے، جس میں لوگوں کو 23 دسمبر کو مینار پاکستان پر ہونے والے ’سیاست نہیں ریاست بچاؤ عوامی اجتماع‘ میں شرکت کی دعوت دی جا رہی ہے۔
منہاج القرآن یوتھ لیگ زون 1 فیڈرل ایریا اسلام آباد کے زیراہتمام "آؤ پاکستان بچائیں" تیزی سے جاری ہے۔ شیخ الاسلام ڈاکٹر محمد طاہرالقادری کی پاکستان آمد کے سلسلہ میں یہ تشہیری اور آگاہی کمپین ملک بھر میں جاری ہے۔ اس سلسلہ میں فیڈرل ایریا اسلام آبادمیں منہاج القرآن یوتھ لیگ زون 1 کی طرف سے بذریعہ پروجیکٹر پروگرام منعقد کیے جا رہے ہیں۔ یکم دسمبر 2012 کو ضیاء مسجد نیو شکریال کے مقام پرایک پروگرام کا انعقاد کیا گیا۔
3.6M
فیس بک
1.9M
ٹوٹر
© 1994 - 2024 Minhaj-ul-Quran International.
