سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج القرآن انٹرنیشنل کے بانی و سرپرست اعلیٰ شیخ الاسلام ڈاکٹر محمد طاہرالقادری کے 67ویں یوم پیدائش کے سلسلہ میں ایک پروقار تقریب اور محفل نعت منعقد ہوئی۔ منہاج القرآن جاپان کے زیراہتمام منعقدہ اس تقریب کی صدارت ڈائریکٹر علامہ شکیل ثانی نے کی جبکہ تحریک انصاف جاپان کے صدر اور معروف کاروباری شخصیت احمد سعید بھٹی مہمان خصوصی تھے۔
منہاج القرآن انٹرنیشنل جاپان کے مرکز کو گاشی میں جمعۃ المبارک کے خطاب کے بعد قادیانی نوجوان عمر مبارک نے کلمہ طیبہ اور کلمہ شہادت پڑھتے ہوئے اسلام کی چادر اوڑھ لی۔ علامہ محمد شکیل ثانی نے ڈائریکٹر منہاج القرآن انٹرنیشنل جاپان نے حضرت محمد مصطفیٰ صلی اللہ علیہ وآلہ وسلم کے نو مسلم امتی کا نام ’محمد عمر مبارک‘ رکھ دیا، جمعۃ المبارک کے اجتماع میں موجود شرکاء نے نومسلم محمد عمر مبارک کے ساتھ بلند آواز میں کلمہ شہادت اور کلمہ طیبہ کا ورد کیا۔
منہاج القرآن انٹرنیشنل جاپان کے مرکز اور منہاج اسلامک سینٹر کوگاشی اویامہ میں عیدالفطر کا اجتماع منعقد ہوا، جس سے منہاج القرآن انٹرنیشنل جاپان کے ڈائریکٹر علامہ محمد شکیل ثانی نے خطاب کیا۔ عید کے اجتماع سے خطاب کرتے ہوئے علامہ محمد شکیل ثانی نے کہا کہ عید دوسروں کو اپنی خوشیوں میں شامل کرنے کا نام ہے۔ انہوں نے کہا دین نے مالداروں کے مال میں غریبوں کا حق مقرر کیا ہے۔ عید صدقہ فطر ادا کرنے کے بعد پڑھی جاتی ہے تاکہ صدقہ فطر کے ذریعے غریبوں کو اپنی خوشیوں میں شامل کیا جائے۔
منہاج القرآن انٹرنیشنل جاپان نے امسال بھی منہاج اسلامک سینٹر میں نماز تراویح کا اہتمام کیا جس میں قرآن پاک سنانے کی سعادت حافظ ذوالقرنین نے حاصل کی، جبکہ ہر روز پڑھے جانے والے قرآن پاک کے مضامین کی تشریح علامہ محمد شکیل ثانی نے بیان کی۔ اسلامک سینٹر پر روزانہ شاندار افطاری کا بھی اہتمام کیا گیا۔ 26 رمضان المبارک کو ختم قرآن کے موقع پر ’عظمت قرآن کانفرنس‘ کا اہتمام کیا گیا جس میں ذاکر اہلبیت علامہ خاور عباس سمیت جاپان کے مختلف علاقوں سے لوگوں نے شرکت کی۔
ماہ رمضان کی مقدس ساعتوں اور پر نور گھڑیوں میں دیار غیر میں بھی پاکستانیوں کا مذہبی جوش و جذبہ عروج پر ہے۔ منہاج القرآن انٹرنیشنل جاپان کے مرکز پر پاکستانیوں کے افطار عام کا خصوصی اہتمام کیا گیا۔ جس میں مقامی پاکستانی کمیونٹی نے بھرپور شرکت کی۔ منہاج القرآن انٹرنیشنل جاپان کے ڈائریکٹر علامہ محمد شکیل ثانی کی نگرانی میں پرتکلف افطار کا اہتمام کیا گیا، جس میں منہاج القرآن کے کارکنان و قائدین کے علاوہ عام پاکستانی لوگوں کو بھی دعوت عام تھی۔
منہاج القرآن انٹرنیشنل جاپان کے زیرانتظام گماکین میں حلقہ درود کا قیام عمل میں لایا گیا ہے۔ جامعہ مسجد محمدیہ معصومیہ ایساساکی میں قائم ہونے والے حلقہ درود کی افتتاحی محفل ہوئی جس کی صدارت حافظ محمد احمد قمر نے کی، جبکہ منہاج القرآن انٹرنیشنل جاپان کے ڈائریکٹر علامہ محمد شکیل ثانی نے خصوصی خطاب کیا۔ محفل کا آغاز تلاوت کلام پاک سے ہوا جس کی سعادت حافظ محمد احمد قمرنے حاصل کی۔ محفل سے خطاب کرتے ہوئے علامہ محمد شکیل ثانی نے حلقہ درود کے اغراض و مقاصد بیان کیے۔
منہاج القرآن انٹرنیشنل جاپان اور انتظامیہ امام بارگاہ محمد و آل محمد نے سیدہ کائنات سیدہ فاطمۃ الزہرہ سلام اللہ علیہا کے یوم وصال پر ’سیدہ فاطمۃ الزہرہ کانفرنس‘ کا انعقاد کیا۔ کانفرنس میں ٹوکیو، چیباکین، اباراکی کین اور میتو سمیت نواحی علاقوں سے لوگوں نے کثیر تعداد میں شرکت کی۔ کانفرنس سے منہاج القرآن انٹرنیشنل جاپان کے ڈائریکٹر علامہ محمد شکیل ثانی نے خطاب کیا۔ کانفرنس کا آغاز تلاوت و نعت سے ہوا جس کے بعد محمد اقبال کیمانی اور محمد تقی نے سیدہ کائنات سلام اللہ علیہا کی بارگاہ میں ہدیہ منقبت پیش کیا۔
منہاج القرآن انٹرنیشنل جاپان کے زیرانتظام اباراکی کین میں سالانہ عظیم الشان معراج النبی صلیٰ اللہ علیہ وآلہ وسلم کانفرنس کا انعقاد کیا گیا۔ کانفرنس کا آغاز تلاوت کلام پاک سے ہوا جس کی سعادت حافط ذوالقرنین نے حاصل کی، جبکہ ثاقب الرحمن، محمد کامران اور حاجی محمد وارث نے بارگاہِ رسالتمآب صلیٰ اللہ علیہ وآلہ وسلم میں ہدیہ نعت پیش کیا۔ کانفرنس سے خطاب کرتے ہوئے منہاج القرآن انٹرنیشنل جاپان کے ڈائریکٹر علامہ محمد شکیل ثانی نے فلسفہ معراج النبی صلیٰ اللہ علیہ وآلہ وسلم پر روشنی ڈالی۔
منہاج القرآن انٹرنیشنل جاپان کے ڈائریکٹر علامہ محمد شکیل ثانی دورہ پاکستان اور عمرہ کی ادائیگی کے بعد جاپان پہنچ گئے ہیں۔ ٹوکیو انٹرنیشنل ایئر پورٹ پہنچے پر منہاج القرآن انٹرنیشنل جاپان کے کارکنان نے ان کا شاندار استقبال کیا۔ دورہ پاکستان کے دوران انہوں نے چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری سے ملاقات کی
منہاج القرآن انٹرنیشنل جاپان کے زیراہتمام منعقدہ سالانہ معراج مصطفیٰ صلیٰ اللہ علیہ وآلہ وسلم کانفرنس میں شریک فلپائنی نوجوان نے اسلامی تعلیمات سے متاثر ہو کر اسلام قبول کرنے کا اعلان کیا، جسے منہاج القرآن انٹرنیشنل جاپان کے ڈائریکٹر علامہ محمد شکیل ثانی کلمہ پڑھایا اور اس کا اسلامی نام محمد عمر رکھا۔ محفل کے شرکاء نے نومسلم نوجوان کو مبارکباد پیش کی۔
جاپان کے ضلع ابراکی کین کی امام بارگاہ محمد و آل محمد صلیٰ اللہ علیہ وآلہ وسلم میں مورخہ 23 جنوری 2016 کو غوث اعظم سیدنا شیخ عبدالقادر جیلانی کے ایصالِ ثواب کے لیے بڑی گیارہویں شریف کے موقع پر محفل کا انعقاد کیا گیا۔ محفل میں پاکستانی کمیونٹی کی بڑی تعداد نے شرکت کی۔ محفل کا آغاز تلاوتِ کلامِ مجید سے ہوا جبکہ محمد اقبال نے خصوصی نعت اور منقبت پیش کی۔
منہاج القرآن انٹر نیشنل جاپان کے زیرِانتظام 22 جنوری 2016 کو بڑی گیارہویں شریف کی محفل کا انعقاد کیا گیا۔ محفل سے منہاج القرآن انٹرنیشنل جاپان کے ڈائریکٹر علامہ محمد شکیل ثانی نے خصوصی خطاب کیا۔ محفل میں کثیر تعداد میں منہاج القرآن کے رفقاء و وابستگان نے شرکت کی۔
مورخہ 28 دسمبر 2015ء امام بارگاہ محمد و آلِ محمد صلیٰ اللہ علیہ وآلہ وسلم اِبراکی کین میں سالانہ محفلِ میلاد النبی صلیٰ اللہ علیہ وآلہ وسلم کا انعقاد کیا گیا، جس سے منہاج القرآن انٹرنیشنل جاپان کے ڈائریکٹر علامہ محمد شکیل ثانی نے خطاب کیا۔ محفلِ میلاد کا انتظام محمد اقبال کیمانی، سید محسن عباس اور ان کی ٹیم نے کیا تھا۔
منہاج القرآن انٹرنیشنل ضلع گنما کے زیرِاہتمام میلاد مصطفی صلیٰ اللہ علیہ وآلہ وسلم و عظمت اہل بیت علیہ السلام کانفرنس کا انعقاد کیا گیا۔ کانفرنس جامع مسجد محمدیہ معصومیہ ایسےساکی میں منعقد کی گئی جس کی صدارت منہاج القرآن انٹرنیشنل جاپان کے ڈائریکٹر علامہ محمد شکیل ثانی کر رہے تھے۔ کانفرنس میں منہاج القرآن انٹرنیشنل جاپان کے کارکنان سمیت پاکستانی کمیونٹی کی بڑی تعداد شریک تھی۔
علامہ شکیل احمد ثانی نے میلادالنبی صلیٰ اللہ علیہ وآلہ وسلم کانفرنس کے کامیاب انعقاد پر منہاج القرآن انٹرنیشنل جاپان کے عہدیداران اور کارکنان کو مبارکباد پیش کی۔ ان کا کہنا تھا کہ شیخ الاسلام ڈاکٹر محمد طاہرالقادری نے ہماری تربیت اس نہج پر کی ہے کہ ہمیشہ حق بات کہنا اور اللہ رب العزت کی ربوبیت کے ساتھ محمد مصطفی صلی اللہ علیہ وآلہ وسلم کی عظمت و رفعت کا بیان کرنا۔ منہاج القرآن انٹرنیشنل کا پیغام محبت رسول صلی اللہ علیہ وآلہ وسلم کا فروغ ہے۔
3.6M
فیس بک
1.9M
ٹوٹر
© 1994 - 2024 Minhaj-ul-Quran International.
