سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج ویلفیئر فاؤنڈیشن اور تحریک منہاج القرآن بلوچستان کے زیراہتمام مختلف شہروں میں اجتماعی قربانی کا اہتمام کیا گیا۔ پاکستان کے دیگر علاقہ جات کی طرح بلوچستان کے شہروں کوئٹہ، لورالائی، کوہلو، لسبیلہ، چھتر، صحبت پور، ڈیرہ اللہ یار، اوستہ محمد اور دیگر کئی علاقوں میں قربانی کے جانور ذبح کئے گئے اور گوشت غربا و مساکین میں تقسیم کیا گیا۔
منہاج القرآن لوئر سندھ کے زیراہتمام چھتر میں اجتماعی قربانی کا اہتمام منہاج ویلفیئر فاؤنڈیشن کے تعاون سے کیا گیا۔ اس موقع پر قربانی کے جانور ذبح کیے گئے اور گوشت بھی بنایا گیا۔ سندھ کے دیگر شہروں حیدر آباد، سیہون شریف، دادو، ٹنڈو محمد خان، بدین اور تھر کے علاقے عمر کوٹ میں قربانی کے جانور ذبح کئے گئے۔ بعدازاں گوشت کے پیکٹ بنا کر غریب، مسکین اور بے سہارا افراد میں تقسیم کئے گئے۔
تحریک منہاج القرآن کوئٹہ تحصیل اوگی کا ماہانہ درسِ عرفان القرآن دی ورلڈ آف چلڈرن پبلک سکول میں 22 اکتوبر 2017ء کو منعقد ہوا۔ درس قرآن کا موضوع قرآن اور ادبِ مصطفےٰ صلی اللّٰہ علیہ وآلہ وسلم تھا۔ اس موقع پر شرکاء نے دل جمعی سے درس قرآن سنا۔ جس میں بتایا گیا کہ قرآن مجید انسان کو جا بجا حضور علیہ السلام کے در کا ادب سکھاتا ہے۔
تحریک منہاج القرآن ضلع صحبت پور کے امیر سردار علی بنگلزئی کی قیادت میں سانحہ درگاہ فتح پور شریف اور آئین میں ختم نبوت بل کی ترمیم کے خلاف احتجاجی ریلی نکالی گئی۔ ریلی مین چوک سے نکل کر شہر کے مختلف راستوں سے ہوتی ہوئی ڈسٹرکٹ پریس کلب صحبت پور پہنچی ۔ ریلی کے شرکاء کے ہاتھوں میں پلے کارڈ ز تھے جن پر دہشت گردوں اور حکومت کے خلاف نعرے درج تھے ۔
سانحہ ماڈل ٹاؤن میں تاریخ کی بدترین ریاستی دہشت گردی، پولیس گردی اور سانحہ ماڈل ٹاؤن کیس میں انصاف کی عدم فراہمی کے خلاف پورے ملک میں پاکستان عوامی تحریک کا احتجاج جاری ہے۔ 28 اگست 2016 کو پاکستان عوامی تحریک کوئٹہ نے ’قصاص و سالمیت پاکستان تحریک‘ کے تحت جی پی او سے منان چوک تک احتجاجی مارچ کیا اور منان چوک میں دھرنا دیا۔ کوئٹہ میں احتجاجی تحریک کی قیادت پاکستان عوامی تحریک کے مرکزی رہنما احمد نواز انجم نے کی، جبکہ مارچ اور دھرنے میں پیر حبیب اللہ چشتی، بختیار احمد بلوچ، محمد اسماعیل نورزئی، حامد بلوچ ایڈووکیٹ، عطاءاللہ کامریڈ، ڈاکٹر عطاءالرحمٰن، مفتی محمد قاسمی، عبد الرحیم کاکڑ، سید قیوم آغا، عنایت اللہ درانی، محمودہ شبنم، سیدہ انجم ضیاء سمیت پاکستان عوامی تحریک اور اپوزیشن جماعتوں کے کارکنان اور سول سوسائٹی، مذہبی و انسانی حقوق کی تنظیموں کے نمائندگان شریک تھے۔ مارچ اور دھرنے کے شرکاء شہدائے ماڈل ٹاؤن کے قصاص اور قاتلوں کی گرفتاری کیلئے نعرے لگا رہے تھے۔
تحریک منہاج القرآن کوئٹہ کے زیر اہتمام 22 مئی 2016 کو شب برات کے موقع پر ڈی ایس مسجد ریلوے اسٹیشن کوئٹہ میں ’شب دعا‘ کا انعقاد کیا گیا جس سے مرکزی ناظم تربیت تحریک منہاج القرآن علامہ مرتضٰی علوی نے خطاب کیا۔ شبِ برات کے اس اجتماع میں تحریک منہاج القرآن کے عہدیداران و کارکنان سمیت مختلف شعبہ ہائے زندگی سے تعلق رکھنے والے افراد نے کثیر تعداد میں شرکت کی۔
تحریک منہاج القرآن کوئٹہ کے زیراہتمام ماہانہ درس عرفان القرآن کا پروگرام مورخہ 20 فروری 2016ء کو منعقد ہوا، جس میں مرکزی نائب ناظم اعلٰی دعوت تحریک منہاج القرآن علامہ محمد لطیف مدنی نے خصوصی شرکت کی جبکہ محمد مختار بلوچ (بلوچی قبائلی رہنما)، حیدر خان اچکزئی (صوبائی صدر مسلم سٹوڈینٹس فیڈریشن بلوچستان) سمیت تحریک کے رفقاء اور وابستگان بھی موجود تھے۔
تحریک منہاج القرآن کوئٹہ کے زیراہتمام 19 فروری 2016 بروز جمعۃ المبارک ماہانہ درس عرفان القرآن کا پروگرام ڈی۔ ایس مسجد ریلوے اسٹیشن کوئٹہ میں منعقد ہوا جس میں مرکزی نائب ناظم اعلٰی دعوت تحریک منہاج القرآن علامہ محمد لطیف مدنی نے خصوصی جبکہ مختلف طبقات ہائے زندگی سے تعلق رکھنے والے افراد نے کثیر تعداد میں شرکت کی۔
منہاج القرآن بلوچستان کے صدر حبیب اللہ شاہ نے بلوچستان کے مختلف علاقوں کے دورہ جات کیے، جہاں انہوں نے شیخ الاسلام ڈاکٹر محمد طاہرالقادری اور تحریک منہاج القرآن کے مشن سے لوگوں کو متعارف کروایا۔ ان کا کہنا تھا کہ بین المسالک ہم آہنگی و بین المذاہب رواداری کے فروغ، اِنتہا پسندی و دہشت گردی کے خاتمے اور امنِ عالم کے قیام میں شیخ الاسلام ڈاکٹر محمد طاہرالقادری نے متعدد پہلوؤں سے خدمات سرانجام دیں ہیں۔
تحریک منہاج القرآن کوئٹہ کے زیراہتمام ماہانہ درس عرفان القرآن کا پروگرام منعقد ہوا، جس میں تمام شعبہ ہائے زندگی سے تعلق رکھنے والے افراد نے کثیر تعداد میں شرکت کی۔ علامہ صاحبزادہ ظہیر احمد نقشبندی نے درس قرآن دیتے ہوئے کہا کہ اللہ تعالیٰ نے جب قرآن نازل کرنے کا ارادہ فرمایا تو ہر کائنات کی ہر شے نے اسے اپنے اندر سمونے کی طاقت نہ پا کر اس ذمہ داری سے معذرت کرلی۔ پھر اللہ تعالٰی نے اپنے اس کلام کو قلب و سینہء مصطفٰی صلیٰ اللہ علیہ وآلہ وسلم پر نازل کیا اور آپ صلیٰ اللہ علیہ وآلہ وسلم کے قلبِ اطہر نے اسے اپنے اندر سما لیا۔
تحریک منہاج القرآن، پاکستان عوامی تحریک، منہاج ویلفیئر فاؤنڈیشن، منہاج القرآن یوتھ لیگ اور مصطفوی سٹوڈنٹس موومنٹ کا مشترکہ اجلاس تحریک منہاج القرآن چاغی کے ضلعی دفتر میں 22 نومبر 2015 ہوا جس میں مختلف علاقائی تنظیموں کی تشکیل اور حلقاتِ درود کے قیام سمیت آئندہ لائحہ عمل پر غور کیا گیا۔
مرکزی نائب ناظم اعلیٰ کوآرڈینیشن تحریک منہاج القرآن احمد نواز انجم نے 12نومبر2015 کو مقامی وفد کے ہمراہ کوئٹہ میں مختلف شعبہ ہائے زندگی سے تعلق رکھنے والی شخصیات سے ملاقاتیں کیں۔ ان ملاقاتوں کا مقصد تحریک منہاج القرآن کے ملکی اور بین الاقوامی سطح پر علمی، فکری اور عملی کام کے حوالہ سے آگاہی فراہم کرنا تھا۔ احمد نواز انجم نے ملاقات کرنے والوں کو عالمی سطح پر انتہاپسندی اور دہشت گردی کے خاتمے کی لئے شیخ الاسلام ڈاکٹر محمد طاہر القادری کی گراں قدر خدمات پر تفصیلی گفتگو کی۔
شیخ الاسلام ڈاکٹر محمد طاہرالقادری نے اجلاس سے خطاب کرتے ہوئے کہا کہ ہمارا مقصد اللہ اور اس کے رسول صلی اللہ علیہ وآلہ وسلم کے دین کی سربلندی ہے اور اسی مقصد کے لیے تحریک منہاج القرآن کوشاں ہے۔ انہوں نے کہا کہ میں ہر کارکن اور رفیق کو نصیحت کرتا ہوں کہ اپنی زندگیوں میں اخلاق، بھائی چارہ، خدمت خلق اور درد مندی کو اپنائیں تاکہ ہر کارکن اپنی ذات میں خود تحریک کا محرک بن جائے۔
تحریک منہاج القرآن کوئٹہ کے زیراہتمام محفل ذکرو نعت کا پروگرام 9 محرم الحرام بسلسلہ شہادت حضرت امام حسین علیہ السلام کا انعقاد حاجی محمد ایوب کے گھر کیا گیا، جس میں کوئٹہ کے نامور نعت خوانوں نے شرکت کی۔ محفل کی صدارت امیر تحریک کوئٹہ صاحبزادہ خالد الرؤف القادری نے کی۔ پروگرام کا باقاعدہ آغاز قرآن پاک کی تلاوت سے کیا گیا جس کی سعادت ملک محمد ارشد نے حاصل کی
ملک بھر کی طرح کوئٹہ سمیت بلوچستان میں بھی ملک کا 69 واں جشن آزادی شایان شان طریقہ سے منایا گیا۔ منہاج القرآن یوتھ لیگ اور مصطفوی سٹوڈنٹس موومنٹ کی تنظیمات نے یومِ آزادئ پاکستان پر سیمینار کا انعقاد کیا جس میں بچوں، طلباء و طالبات سمیت جوانوں کی بڑی تعداد نے شرکت کی۔ سیمینار میں تحریک منہاج القرآن کوئٹہ کے عہدیداران بھی شریک تھے۔ تقریب کے دوران مختلف سکولوں کے بچوں نے قومی ترانہ اور ملی نغمے پیش کئے۔ تقریب میں پاکستان کی سالمیت اور ملک و قوم کی ترقی کے لیے داعائیں مانگی گئیں۔
3.4M
فیس بک
1.7M
ٹوٹر
© 1994 - 2019 Minhaj-ul-Quran International.
