سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
پتوکی: تحریک منہاج القرآن کے زیراہتمام 18 دسمبر 2012 ء بروزمنگل کو 23 دسمبرکی تیاریوں کوحتمی شکل دینے کے لئے تحصیل پتوکی کی تمام یونین کونسلوں کا اہم ترین اجلاس حلیم کیمپس ہلہ روڈ میں ہوا۔ پروگرام کاباقاعدہ آغاز تلاوتِ کلام حکیم سے ہوا بعد میں حضورصلی اللہ علیہ وآلہ وسلم کی بارگاہ میں ہدیہءِ نعت پیش کیا گیا۔
لاہور: تحریک منہاج القرآن کے مرکزی سیکرٹیریٹ کے کانفرنس ہال میں 18 دسمبر 2012ء کو منہاج القرآن علماء کونسل کا 23 دسمبر عوامی استقبال کے حوالے سے اہم اجلاس منعقد ہوا۔ جس میں علماء کونسل پنجاب کی تحصیلی تنظیمات کے صدور اور لاہور کی ٹاؤن تنظیمات کے عہدیدران نے شرکت کی۔
منہاج القرآن یوتھ لیگ کے زیراہتمام 18 دسمبر 2012ء کو مشعل بردار جلوس اہتمام کیا گیا۔ جس کی قیادت منہاج القرآن یوتھ لیگ کے مرکزی قائدین نے کی۔ ایوان اقبال سے پریس کلب تک جلوس کا آغاز نماز مغرب کے بعدہوا۔ زندہ دلان لاہور کی بہت بڑی تعداد جلوس میں شامل تھی۔ جنہوں نے اپنے ہاتھوں میں ڈیجٹیل مشعلیں اٹھا رکھیں تھیں۔ اس کے علاوہ شرکاء نے شیخ الاسلام ڈاکٹر محمد طاہرالقادری کی وطن واپسی کے حوالے سے بینرز اور پوسٹرز بھی اٹھارکھے تھے۔ رات کے اندھیرے میں مشعل بردار جلوس نے لاہور کی سٹرکوں پر رنگ و نور کا حیرت انگیزساماں باندھ دیا۔ جلوس میں شرکت کرنے والے نوجوان ’’سیاست نہیں، ریاست بچاؤ‘‘ کے نعرے بھی بلند کر رہے تھے۔
تحریک منہاج القرآن فیصل آباد کے زیراہتمام سیاست نہیں ریاست بچاؤ پرامن موٹر سائیکل ریلی نکالی گئی جس میں ہزاروں افرادنے شرکت کی۔ ریلی میں شرکاء نے موجودہ استحصالی نظام کے خلاف کتبے اُٹھائے ہوئے تھے اور فلک شگاف نعرے لگا رہے تھے۔ ریلی کا آغاز تلاوت قرآن پاک سے حافظ رب نوازانجم نے کیا جبکہ قاری وحید احمد چشتی نے نعت شریف پیش کی۔ ریلی دھوبی گھاٹ سے شروع ہوئی۔
تحریک منہاج القرآن کے زیراہتمام شیخ الاسلام ڈاکٹر محمد طاہرالقادری کی پاکستان واپسی سے قبل مختلف تشہیری ایونٹس کا سلسلہ جاری ہے۔ اس سلسلہ میں 17 دسمبر 2012ء کو منہاج یونیورسٹی کے کالج آف شریعہ اور ماڈل ٹاون کے مقامی کرکٹ کلب کے درمیان ایک کرکٹ میچ منہاج یونیورسٹی ٹاون شپ کے کرکٹ گراونڈ میں کھیلا گیا، جس میں نائب امیر تحریک اور کالج آف شریعہ کے وائس پرنسپل ٹریننگ علامہ صادق قریشی مہمان خصوصی تھے۔
17 دسمبر 2012ء کو منہاج القرآن ویمن لیگ کراچی کے زیراہتمام عوام دشمن اور ظالمانہ انتخابی نظام کے خلاف ’ریاست بچاؤ‘ ریلی کا انعقاد کیا گیا، جس میں منہاج القرآن ویمن لیگ اور مصطفوی سٹوڈنٹس موومنٹ سسٹرز کی جملہ عہدیداران و کارکنان سمیت علاقے بھر سے خواتین نے بچوں سمیت شرکت کی۔ شرکاء ریلی نے نظام انتخاب سے نفرت کا اظہار کرتے ہوئے پلے کارڈ اور بینرز اٹھا رکھے تھے جن پر نظام انتخاب کے خلاف نعرے درج تھے۔ انہوں نے نظام انتخاب کے خلاف نعرے بھی لگائے
تحریک منہاج القرآن اسلام آباد کے بزرگ رہنما بابا غلام حیدر بٹ اپنے کارواں کے ساتھ پیدل سفر کرتے ہوئے گوجرانوالہ پہنچ گئے ہیں۔ گوجرانوالہ میں تحریک منہاج القرآن، منہاج القرآن یوتھ لیگ اور اہل علاقہ کی کثیر تعداد نے پیدل کارواں کا ڈھول کی تھاپ پر والہانہ استقبال کیا۔ کارواں کی آمد پر شیخ الاسلام ڈاکٹر محمد طاہر القادری کے لئے 11 بکروں کا صدقہ دیا گیا اور شرکاء پر پھولوں کی پتیاں نچھاور کی گئیں اور انہیں ہار بھی پہنائے گئے۔
تحریک منہاج القرآن کے مرکزی قائدین نے 13 دسمبر 2012ء کو سابق ٹیسٹ کرکٹر، اسٹار لیگ سپنر عبدالقادر اور سابق ٹیسٹ فاسٹ باولر عطاء الرحمن سے ملاقات کی۔ یہ ملاقات نیشنل کرکٹ اکیڈمی میں واقع عبدالقادر کے دفتر میں ہوئی۔ وفد میں سینیئر نائب صدر منہاجینز جواد حامد اور سیکرٹری منہاجینز شہزاد رسول قادری شامل تھے۔اس ملاقات میں جواد حامد نے ٹیسٹ کرکٹر عبدالقادر سے کرکٹ سے متعلقہ مختلف امور پر تبادلہ خیال کیا۔ انہوں نے کہا کہ ملک میں کلب کرکٹ کی سپر ویژن کا کام بہتری چاہتا ہے اور عبدالقادر کی بطور کلب کرکٹ کوارڈینیٹر سے ملک میں کلب کرکٹ کو فروغ ملے گا۔ جواد حامد اور شہزاد رسول قادری نے کرکٹ کے حوالے سے مختلف ٹی وی پروگرامز میں عبدالقادر کے بولڈ نقطہ نظر کو بھی بہت سراہا۔
منہاج القرآن یوتھ لیگ اور مصطفوی سٹوڈنٹس موومنٹ تحصیل ڈسکہ کے زیراہتمام استقبال قائد ''موٹر سائیکل ریلی'' نکالی گئی۔ ریلی کا آغاز ڈگری کالج چوک ڈسکہ سے کیا گیا جس میں 1000 ہزار موٹر سائیکل سواروں نے شرکت کی۔ ریلی میں شیخ الاسلام ڈاکٹر محمد طاہر القادری کی آمد کی خوشی میں کارکنان نے بگیاں سجائیں اور گھوڑوں کا ناچ کروایا۔ شرکاء ریلی نے ڈھول کی تھاپ پر شیخ الا سلام کے استقبال کی خوشی میں دھمال ڈالتے رہے۔
منہاج القرآن یوتھ لیگ کے زیراہتمام پاکستان بچاؤ موٹر سائیکل ریلی نکالی گئی جس میں نوجوانوں کی کثیر تعداد نے ملک پاکستان کو درپیش مسائل سے نجات دلانے اور ملک پاکستان میں حقیقی تبدیلی کے لیے اپنے عزم کا اظہار کیا۔ ریلی دفتر تحریک منہاج القرآن سے نکالی گئی جو شہر کے مختلف راستوں سے ہوتی ہوئی ٹریفک چوک پر اختتام پذیر ہوئی۔ ڈیرہ غازیخان کے درو دیوار تبدیلی اور 23 دسمبر آیا قلندر کے نعروں سے گونجتی رہی۔
تحریک منہاج القرآن میانوالی کے زیراہتمام شیخ الاسلام ڈاکٹر محمد طاہرالقادری کی پاکستان آمد اور 23 دسمبر کو مینار پاکستان پر ہونے والے عظیم الشان سیاست نہیں ریاست بچاؤ عوامی اجتماع کے سلسلے میں علاقے بھر میں تشہیری مہم کا کام جاری ہے، اس سلسلے میں علاقے بھر میں وال چاکنگ، فلیکس ہولڈنگز، بینرز اور پوسٹرز لگائے جا رہے ہیں، جبکہ عوامی رابطہ مہم اور دعوتی مہم کا کام بھی تیزی سے جاری ہے۔
تحریک منہاج القرآن چکوال کے وفد نے 23 دسمبر کے پروگرام کے حوالے سے خانپور میں سید اجلال شاہ بخاری سے آستانہ عالیہ خانپور میں ملاقات کی اور انہیں ڈاکٹر محمد طاہر القادری کا خصوصی پیغام پہنچایا۔ وفد حافظ محمد خان ناظم منہاج القرآن علماء کونسل، ملک احسان محفوظ اور توقیر ایڈووکیٹ کی قیادت میں خانپور پہنچا۔ سید اجلال شاہ بخاری نے کہا میں شیخ الاسلام ڈاکٹر محمد طاہر القادری سے بڑی عقیدت اور محبت رکھتا ہوں
منہاج القرآن یوتھ لیگ ڈنگہ کے زیراہتمام ’’ آؤ پاکستان بچاؤ ریلی‘‘ نکالی گئی۔ جس کی قیادت پروفیسر محمد اسلم فریدی چشتی نائب صدر منہاج علماء پنجاب نے کی۔ ریلی کا آغاز بوائز ہائی سکول ڈنگہ سے ہوا اور راوی روڈ، مین بازار، میلاد چوک اور تھانہ روڈ سے ہوتی ہوئی ڈھلیان چوک پر اختتام پذیر ہوئی۔ ریلی کے شرکاء نے ڈاکٹر محمد طاہر القادری کی پاکستان آمد کے حوالے سے کتبے، بینرز اٹھا رکھے تھے۔اس موقع پر حافظ زاہد، وحید اقبال قادری، ڈاکٹر غلام عباس قادری اور پروفیسر محمد اسلم فریدی چشتی نے خطاب کیا۔
16 دسمبر 2012ء کو منہاج القرآن یوتھ لیگ سیالکوٹ کے زیراہتمام موجودہ نظام انتخاب کا علامتی جنازہ نکالا گیا، اس پروگرام میں 300 سے زائد لوگوں نے شرکت کی۔ شرکاء سے انفارمیشن سیکرٹری منہاج القرآن یوتھ لیگ امجد محمود اعوان اور کیبنٹ ممبر حسن علی مصطفوی نے اظہار خیال کیا۔
مصطفوی سٹوڈنٹس موومنٹ کھوئی رٹہ کے زیر اہتمام شہر میں نظام بدلو موٹر سائیکل ریلی کا انعقاد کیا گیا۔ نظام بدلو ریلی میں مصطفوی سٹوڈنٹس موومنٹ کھوئی رٹہ، سید پور ڈگری کالج، دربار سیری بنڈلی بھروٹ اور گالہ یونٹس کے کثیر طلباء نے شرکت کی۔ شرکاء ریلی نے نظام بدلو اور 23 دسمبر کو مینار پاکستان ہونے والے جلسے کے حوالے سے پوسٹرز اٹھائے ہوئے تھے۔
3.6M
فیس بک
1.9M
ٹوٹر
© 1994 - 2024 Minhaj-ul-Quran International.