سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج یونیورسٹی کے کالج آف شریعہ اینڈ اسلامک سائنسز کے طلبہ محمد شاہد اختر اور حافظ محمد عمر علی نے مورخہ 6 اپریل 2009ء پیر کی رات پر کیف روحانی ساعتوں میں دوسری سالانہ محفل ذکر حبیب کبریا صلی اللہ علیہ وآلہ وسلم کا اہتمام صفہ ہال مرکزی سیکرٹریٹ تحریک منہاج القرآن میں کیا۔
وائس چانسلر منہاج یونیورسٹی پروفیسر ڈاکٹر محمد نذیر رومانی کی نمازہ جنازہ مورخہ 3 اپریل کو پنجاب یونیورسٹی نیوکیمپس، لاہور میں ادا کی گئی۔ تحریک منہاج القرآن کے مرکزی امیر تحریک صاحبزادہ مسکین فیض الرحمن درانی نے نماز جنازہ پڑھائی۔
سوات میں لڑکی کو کوڑے مارنے کے غیر انسانی واقعہ پر منہاج القرآن ویمن لیگ نے احتجاجی مظاہرہ کیا جس میں سینکڑوں خواتین نے شرکت کی۔ مظاہرہ لاہور پریس کلب کے باہر مورخہ 4 اپریل 2009ء کو کیا گیا۔ مظاہرے میں اس ظالمانہ، غیرانسانی، غیر اخلاقی اور مذموم واقعہ کی شدید ترین مذمت کی گئی، خواتین نے کتبے اور بینرز اٹھا رکھے تھے۔
تحریک منہاج القرآن کے ناظم اعلیٰ ڈاکٹر رحیق احمد عباسی نے لاہور پریس کلب میں پریس کانفرنس کے دوران ملک میں جاری دہشت گردی کی بدترین لہر جس میں قانون نافذ کرنے والے ادارے تک محفوظ نہیں رہے، کی روک تھام کے لیے 9 اپریل بروز جمعرات "قومی امن کانفرنس" منعقد کرنے کا اعلان کیا ہے۔
گورنمنٹ پولی ٹیکنکل کالج ہری پور کے ایک سو طلبہ نے مصطفوی سٹوڈنٹس موومنٹ کی مرکزی قیادت کی دعوت پر تحریک منہاج القرآن کے مرکزی سیکرٹریٹ کا وزٹ کیا۔ سیکرٹری جنرل موومنٹ ساجد گوندل اور سیکرٹری کوآرڈنیشن محمد طیب ضیاء نے تمام طلبہ اور اساتذہ کو خوش آمدید کہا۔
نظامت دعوت تحریک منہاج القرآن کے زیراہتمام دس روزہ عرفان القرآن ٹریننگ کورس برائے معلمین تحریک منہاج القرآن کے مرکزی سیکرٹریٹ میں منعقد ہوا۔ اس کورس کا دورانیہ یکم اپریل سے 10 اپریل 2009ء تک ہے۔
گوشہ درود کی ماہانہ مجلس ختم الصلوٰۃ علی النبی صلی اللہ علیہ وآلہ وسلم کا ماہانہ روحانی اجتماع 2 اپریل 2009ء کو منعقد ہوا۔ گوشہ درود کی ماہانہ مجلس ختم الصلوٰۃ علی النبی صلی اللہ علیہ وآلہ وسلم کا یہ 40 واں اجتماع تھا۔ اس پروگرام کا انعقاد گوشہ درود کے صفہ ہال میں کیا گیا۔
حکومت کے مطابق خود کش حملہ آور باہر سے نہیں آرہے تو اگر یہ ملک کے اندر ہی موجود ہیں تو ان کو پکڑا کیوں نہیں جا رہا۔ تعجب کی بات ہے کہ ملکی سلامتی کو کھوکھلا کرنے والی دہشت گرد تنظیمیں تو بڑے منظم انداز میں وارداتیں کر رہی ہیں لیکن ان کے خلاف اقدامات کرنے کرنے کیلئے حکومتی ادارے منظم نہیں ہو رہے۔
تحریک منہاج القرآن نے مصر میں پانچ ملکی ہاکی ٹورنامنٹ جیتنے پر پاکستان جونئیر ہاکی ٹیم اور چیف کوچ خواجہ جنید کو خصوصی مبارکباد پیش کی ہے۔ منہاج القرآن انٹرنیشنل کی سپریم کونسل کے صدر صاحبزادہ حسن محی الدین قادری، ناظم اعلیٰ ڈاکٹر رحیق احمد عباسی، نائب ناظم اعلیٰ شیخ زاہد فیاض، ناظم امور خارجہ جی ایم ملک، ناظم ویلفئیر ڈاکٹر شاہد محمود اور دیگر مرکزی قائدین نے چیف کوچ خواجہ جنید اور قومی جونئیر ہاکی ٹیم کے نام مبارکباد کے پیغام میں کہا ہے کہ پاکستانی کھلاڑیوں نے مسلسل دوسرا ٹورنامنٹ جیت کر دنیا میں سبز ہلالی پرچم بلند کیا ہے۔
منہاج القرآن انٹرنیشنل سپین بارسلونا کے زیراہتمام 13ویں سالانہ میلاد النبی (ص) کانفرنس اسپورٹس ہال El Raval میں انعقاد پذیر ہوئی جس میں اہل بارسلونا نے کثیر تعداد میں شرکت کی۔ اس تقریب میں پاکستانی کمیونٹی کے علاوہ انڈیا اور بنگلہ دیش سے تعلق رکھنے والے مسلمانوں نے بھی شرکت کی۔ اس موقع پر بلدیہ بارسلونا کے نمائندہ Paco Salvador اور کتالونیا کی حکمران جماعت PCS کے سیکریٹری کوآرڈینیشن Jose Maria Sala میں موجود تھے۔
منہاج القرآن انٹرنیشنل ویلٹ ہیم فارسٹ ٹاؤن ہال لندن کے زیراہتمام سالانہ میلاد النبی صلی اللہ علیہ وآلہ وسلم کانفرنس 28 مارچ 2009ء کو منعقد ہوئی۔ اسلامک سپریم کونسل امریکہ کے چئیرمین اور صوفی مسلم کونسل برطانیہ کے بانی الشیخ محمد ہاشم الکبانی نے میلاد کانفرنس کی صدارت کی۔
مصر کی جامعہ الازھر میں زیر تعلیم منہاج یونیورسٹی کے طلبہ نے 5 ملکی جونیئر ہاکی ٹورنامنٹ کے لیے دورہ مصر پر آئی قومی جونیئر ہاکی ٹیم اور چیف کوچ خواجہ محمد جنید سے خصوصی ملاقات کی۔ اس سلسلہ میں 27 مارچ 2009ء کو 70 سے زائد منہاجینز طلبہ ٹورنامنٹ کا فائنل دیکھنے کے لیے سٹیڈیم گئے اور کھلاڑیوں کا حوصلہ بڑھایا۔ یاد رہے کہ اس روز قومی ٹیم نے دل چسپ مقابلے کے بعد میزبان مصر کو پنلٹی سٹروکس پر شکست دے کر ٹورنامنٹ جیتا تھا۔
ہالینڈ میں پاکستان کے نئے سفیر اعزاز احمد چوہدری نے ہیگ کے مرکز میں واقع اپنی رہائش گاہ کے سبزہ زار پر یومِ پاکستان کی مناسبت سے پرچم کشائی کی تقریب کا انعقاد کیا تقریب کے آغاز میں حافظ و قاری مجیب احمد نوشاہی نے تلاوتِ قرآن پاک، نظامت کے فرائض سفارتخانہ پاکستان دی ہیگ کے تھرڈ سیکرٹری میاں عاطف شریف نے ادا کئے اور صحافیوں کا خیرمقدم کیا
منہاج ایجوکیشن سنٹر اوسلو کے زیراہتمام گذشتہ دنوں یوم پاکستان کے حوالے سے ایک نہایت ہی خوبصورت اور رنگا رنگ پروگرام کا انعقاد کیا گیا۔ پروگرام کا باقاعدہ آغاز آیات ربانی سے کیا گیا جس کی سعادت خوش الحان حافظ علامہ خالد محمود آف موس نے حاصل کی۔ پروگرام کے شرکاء بچے تھے اس لئے منہاج ایجوکیشن سنٹر کے پرنسپل پروفیسر محمد یٰسین نے پروگرام کے بارے میں سب کو آگاہ کیا
سٹوڈنٹس کالج آف شریعہ اینڈ اسلامک سائنسز، منہاج یونیورسٹی لاہور کے زیراہتمام مظفرآباد اور ایبٹ آباد کے مدارس اور سکولز کے مابین سالانہ مقابلہ جات 2009ء بمقام دارالعلوم محمدیہ محی الاسلام صدیقیہ ایبٹ آباد میں منعقد ہوئے۔ جس کی صدارت الحاج عبد الغفور نقشبندی نے کی جبکہ ڈپٹی سیکرٹری اسکاؤٹس آزاد جموں و کشمیر عبد الصمد چشتی مہمان خصوصی تھے
3.6M
فیس بک
1.9M
ٹوٹر
© 1994 - 2024 Minhaj-ul-Quran International.
