سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری سے منہاج القرآن انٹرنیشنل ڈنمارک کے تمام فورم ایگزیکٹیوز نے ملاقات کی۔ اس موقع پر علامہ ارشاد حسین سعیدی، علامہ محمود شاہ اور مختلف فورمز کے سربراہان و عہدیداران بھی موجود تھے۔ پروگرام میں سسٹر لیگ کی عہدیداروں اور خواتین بھی موجود تھیں۔ اس موقع پر ملاقات میں ڈنمارک میں منہاج القرآن کے تمام فورمز کی کارکردگی زیربحث آئی جبکہ ڈاکٹر حسن محی الدین قادری نے خطاب بھی کیا۔
یوم کشمیر 5 فروری 2020ء کو تحفیظ القرآن انسٹی ٹیوٹ کے زیراہتمام دعائیہ تقریب و قرآن خوانی کا اہتمام کیا گیا۔ تقریب میں تحفیظ القرآن کے اساتذہ کرام، سٹاف اور طلباء نے شرکت کی۔ اس موقع پر تحفیظ القرآن انسٹی ٹیوٹ میں شعبہ حفظ کے طلباء نے قرآن خوانی کی۔ اس موقع پر پرنسپل تحفیظ القرآن انسٹی ٹیوٹ میاں محمد عباس نشقبندی نے خصوصی دعا کرائی۔
چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری دورہ یورپ کے لیے ڈنمارک کے شہر کوپن ہیگن پہنچ گئے۔ کوپن ہیگن پہنچنے پر ائیرپورٹ پر منہاج القرآن انٹرنیشنل کوپن ہیگن کے رہنماء علامہ ارشاد حسین سعیدی، سید محمود الحسن شاہ اور دیگر عہدیداروں نے آپ کا پرتپاک استقبال کیا۔ بعدازاں کوپن ہیگن میں چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری نے منہاج القرآن ڈنمارک کی نیشنل ایگزیکٹو کونسل کے ممبران سے ملاقات کی۔
منہاج اُلقران انٹرنیشنل کینیڈا کے رہنما خواجہ کامران رشید کی والدہ مرحومہ کے ایصال ثواب کے لئے قُرآن خوانی کا انعقاد کیا گیا، شیخ الاسلام ڈاکٹر محمد طاہر القادری نے قرآن خوانی کی مجلس میں خصوصی شرکت کی اور خطاب بھی کیا۔ اس موقع پر شیخ حماد مصطفیٰ المدنی القادری، شیخ احمد مصطفیٰ العربی القادری، تحریک منہاج القرآن کینیڈا کے قائدین و کارکنان اور پاکستانی کمیونٹی کی مختلف شعبہ ہائے زندگی سے تعلق رکھنے والی شخصیات نے شرکت کی۔
سینئر اینکر پرسن و تجزیہ نگار علی ممتاز نے منہاج القرآن کے ادارہ آغوش آرفن کیئر ہوم کا وزٹ کیا اور اپنے بیٹے عبداللہ علی کی پہلی سالگرہ آغوش کے بچوں کیساتھ منائی۔ اس موقع پر علی ممتاز کے والد ممتاز حسن، والدہ محترمہ، دادا حسن عبداللہ اور ان کی اہلیہ بھی موجود تھیں۔ علی ممتاز نے اپنے بیٹے عبداللہ علی کی سالگرہ کا کیک کاٹا اور آغوش کے تمام بچوں کو الگ الگ تحائف بھی دیئے۔
تحریک منہاج القرآن فیصل آباد کے رہنماء سید ہدایت رسول شاہ قادری مرحوم کا چہلم یکم فروری کو جامع مسجد بغدادی، بغدادی پارک گلبرک اے فیصل آباد میں منعقد ہوا، جس میں تحریک منہاج القرآن کی سپریم کونسل کے چیئرمین ڈاکٹر حسن محی الدین قادری نے شرکت کی اور خطاب کیا۔ انہوں نے چہلم میں خطاب کرتے ہوئے پیر سید ہدایت رسول شاہ قادری کی خدمات کو خراج تحسین پیش کیا۔
عمرہ کی سعادت حاصل کرنے والے تحریک منہاج القرآن کے مرکزی رہنماؤں کے اعزاز میں ڈائریکٹوریٹ آف پبلک ریلیشنز منہاج القرآن انٹرنیشنل کے زیر اہتمام مرکزی سیکرٹریٹ میں ایک شاندار تقریب کا اہتمام کیا گیا، تقریب میں آمد پر عمرہ کی سعادت حاصل کرنے والے رہنماؤں کا پرتپاک استقبال کیا گیا، پھولوں کے ہار پہنائے گئے، رہنماؤں پر پھول نچھاور کیے گئے۔ تقریب کے مہمان خصوصی چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری تھے۔
تحریک منہاج القرآن کے گوشہ درود کی ماہانہ مجلس ختم الصلوۃ علی النبی صلی اللہ علیہ وآلہ وسلم کا روحانی اجتماع مرکزی سیکرٹریٹ منہاج القرآن لاہور میں منعقد ہوا۔ شیخ الاسلام ڈاکٹر محمد طاہرالقادری نے فضائل درود سلام پر گفتگو کی۔ گوشہء درود کے نظام کے تحت مجموعی طور پر اب تک 3 کھرب 75 ارب 34 کروڑ 95 لاکھ 85 ہزار 9 سو 59 مرتبہ اور ماہ جنوری میں 6 ارب 1 کروڑ 27 لاکھ 83 ہزار 8 سو 73 مرتبہ درود پاک پڑھا گیا۔
منہاج القرآن کی سپریم کونسل کے چیئرمین ڈاکٹر حسن محی الدین قادری نے کہا ہے کہ منہاج القرآن فی زمانہ تعلیم کے فروغ اصلاح احوال نوجوانوں کی اخلاقی روحانی تربیت کی سب سے بڑی اصلاحی تحریک ہے۔ شیخ الاسلام ڈاکٹر محمد طاہرالقادری نے آئندہ نسلوں کی اصلاح اور تربیت کے اپنے آپ کو وقف کر رکھا ہے۔ سینکڑوں موضوعات پر 596 کتب کی اشاعت بے مثال خدمت ہے۔ نوجوان اصلاح معاشرہ، اعتدال اور اصلاحی رویوں کے فروغ کے لئے سوشل میڈیا کا مثبت اور متحرک استعمال کریں، اسلام کی پر امن تعلیمات کے لیے جوافراد فیلڈ میں جانے کا وقت نہیں نکال سکتے وہ دین اور ملک و قوم کی خدمت کا یہ فریضہ دستیاب وقت میں گھر بیٹھے سوشل میڈیا کے ذریعے انجام دے سکتے ہیں۔
کینسر، ہیپاٹائٹس، ذیابیطس (شوگر)، فالج، ٹی۔ بی، برص، کوڑھ اور گردے فیل ہوجانے جیسے مہلک اَمراض سے بچاؤ، ہر طرح کے متعدی وائرس سے حفاظت اور دیگر ظاہری و باطنی تکالیف کے اِزالے کے لیے شیخ الاسلام ڈاکٹر محمد طاہرالقادری نے وظائف دیئے ہیں۔ مسنون دعا پر مشتمل وظیفہ نہایت مؤثر، باعثِ شفاء اورکثیر برکات کا باعث ہے۔
منہاج یونیورسٹی لاہور میں دو روزہ ورلڈ اسلامک اکنامکس اینڈ فنانس کانفرنس اختتام پزیر ہو گئی۔ منہاج یونیورسٹی لاہور کے بورڈ آف گورنرز کے ڈپٹی چیئرمین ڈاکٹر حسین محی الدین قادری نے ورلڈ اسلامک اکنامکس اینڈ فنانس کانفرنس کے اختتامی سیشن میں اعلامیہ پیش کرتے ہوئے کہا کہ عالمی اقتصادی ماہرین اور سکالرز پر مشتمل تھنکرز فورم تشکیل دیا جاتا ہے جو غربت میں کمی بالخصوص اسلامی ممالک میں اقتصادی استحکام کے لئے اپنا فکری کردار ادا کرے گا۔
منہاج یونیورسٹی لاہور کی دو روزہ ’’ورلڈ اسلامک اکنامکس اینڈ فنانس کانفرنس‘‘ کے غیر ملکی مہمانوں کے اعزاز میں ڈنر تقریب مقامی ہوٹل میں منعقد ہوئی۔ اس موقع پر منہاج یونیورسٹی لاہور کے ڈپٹی چیئرمین بورڈ آف گورنرز ڈاکٹر حسین محی الدین قادری نے معزز مہمانوں کے عشائیہ کی میزبانی کی۔
منہاج یونیورسٹی لاہو میں تیسری ’’ورلڈ اسلامک اکنامکس اینڈ فنانس‘‘ کانفرنس کا آغاز ہو گیا۔ افتتاحی روز وفاقی وزیر غلام سرور خان نے منہاج یونیورسٹی لاہور کی تیسری ورلڈ اسلامک اکنامک اینڈ فنانس کانفرنس کے افتتاحی سیشن میں خطاب کرتے ہوئے کہا کہ معیشت کے اہم ایشو پر کانفرنس کا انعقاد ایک قابل تقلید قومی خدمت ہے۔ منہاج یونیورسٹی نے اکیڈمیہ سے تعلق رکھنے والے عالمی و قومی اقتصادی ماہرین کو مدعو کیا ہے، مجھے خوشی ہے کہ معاشی چیلنجز سے عہدہ برأ ہونے کی جدوجہد میں اعلیٰ تعلیمی ادارے بھی پورے طرح شریک ہیں۔
تحریک منہاج القرآن کے مرکزی سیکرٹری اطلاعات اور سوشل میڈیا ورکنگ کونسل کے گروپ ہیڈ نوراللہ صدیقی نے تحریک منہاج القرآن جنوبی پنجاب کے زیر اہتمام منعقدہ ایک روزہ سوشل میڈیا ورکشاپ سے خطاب کرتے ہوئے کہا کہ عصرحاضر میں سوشل میڈیا کو جنگی ہتھیار کے طور پر استعمال کیا جارہا ہے جسے ففتھ جنریشن وار کہا جاتا ہے۔ اس کے مثبت استعمال کے لیے تربیت بہت ضروری ہے۔ پرامن اور قانون پسند معاشرہ کی تشکیل کیلئے سوشل میڈیا کے جدید ذرائع ابلاغ کی اہمیت سے انکار ممکن نہیں۔
مصطفوی سٹوڈنٹس موومنٹ کے زیراہتمام گلگت بلتستان سے تعلق رکھنے والے 50 طلبہ کیلئے ونٹر سٹڈی و تربیتی کیمپ ٹاؤن شپ میں شروع ہو گیا۔ کیمپ ایک ماہ تک جاری رہے گا۔ مصطفوی سٹوڈنٹس موومنٹ لاہورکے صدراخلاق حسین، فراز ہاشمی و دیگر رہنماؤں نے گلگت بلتستان سے آئے طلبہ کے وفد کو تربیتی کیمپ میں خوش آمدید کہا۔
3.6M
فیس بک
1.9M
ٹوٹر
© 1994 - 2024 Minhaj-ul-Quran International.
