پروفیسر ڈاکٹر حسن محی الدین قادری سے سرپرستِ تحریک منہاج القرآن خیبرپختونخوا صاحبزادہ پیر سعید حسین القادری کی تنظیمی عہدیداران کے ہمراہ خصوصی ملاقات
لاہور: چیئرمین سپریم کونسل منہاج القرآن انٹرنیشنل پروفیسر ڈاکٹر حسن محی الدین قادری سے مرکزی سیکریٹریٹ پر سرپرستِ تحریک منہاج القرآن خیبرپختونخوا صاحبزادہ پیر سعید حسین القادری، نائب ناظمِ اعلیٰ تحریک منہاج القرآن خیبرپختونخوا و گلگت بلتستان چوہدری محمد عرفان یوسف، نائب ناظمِ تنظیمات علّامہ عبدالحی علوی نے وفد کے ہمراہ خصوصی ملاقات کی۔
چیئرمین سپریم کونسل منہاج القرآن انٹرنیشنل نے نو منتخب صوبائی قیادت کو مبارک باد دیتے ہوئے کہا کہ تحریکِ منہاج القرآن کے فکری و تنظیمی مشن کو مزید مؤثر انداز میں آگے بڑھائیں اور عوامی خدمت، تربیتِ کارکنان، نوجوانوں کی فکری رہنمائی اور دینی و اخلاقی اقدار کے فروغ کو اپنی ترجیحات میں شامل رکھیں۔
اس موقع پر انہوں نے چیئرمین سپریم کونسل کو خیبرپختونخوا کے مختلف اضلاع میں جاری تنظیمی، تعلیمی، دعوتی اور فلاحی سرگرمیوں کے حوالے سے بریفنگ دی اور تنظیمی ڈھانچے کو مزید مضبوط بنانے، کارکنان کی تربیت، عوامی روابط کے فروغ اور تحریک کے پیغام کو معاشرے کے مختلف طبقات تک مؤثر انداز میں پہنچانے کے امور پر بھی گفتگو ہوئی۔
ملاقات میں ناظمِ دعوت علّامہ مفتی احمد صیاب، ناظمِ ویلفیئر شاہد بیگ، ناظمِ مراکزالعلم انعام اللہ خان، صوبائی صدر پاکستان عوامی تحریک سبحان اللہ یوسفزئی، صوبائی جنرل سیکریٹری پاکستان عوامی تحریک ارشد الٰہی، صوبائی صدر مصطفوی سٹوڈنٹس موومنٹ خیبرپختونخوا حامد اشتیاق، صدر تحریکِ منہاج القرآن شمالی خیبرپختونخوا پروفیسر بخت زمان، ناظم تحریکِ منہاج القرآن شمالی خیبرپختونخوا ڈاکٹر عبدالشکور منہاجین، صدر تحریکِ منہاج القرآن جنوبی خیبرپختونخوا ڈاکٹر عبدالعزیز محسود، ناظم تحریکِ منہاج القرآن جنوبی خیبرپختونخوا بلال قادری، پرنسپل دارالعلوم منہاج القرآن نوشہرہ مولانا نثار خان قادری و دیگر صدور و ناظمین بھی شریک تھے۔
تبصرہ