سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
امریکی شہر کیلیفورنیا کی فوسینو پیسیفک یونیورسٹی کا وفد ڈاکٹر کتھرین ایم یوٹیکٹ کی قیادت میں گزشتہ دنوں تحریک منہاج القرآن کے مرکزی سکریٹریٹ وزٹ کے لیے آیا۔ اس و فد میں مسٹر مائیکل اور حا فظ عبدالغنی بھی شامل تھے۔ مرکزی سکرٹریٹ آمد پر ناظم اعلی ڈاکٹر رحیق احمد عباسی نے معزز مہمانوں کا استقبال کیا اور انکو پھول پیش کیے۔ اس موقع پر ناظم اعلی ڈاکٹر رحیق احمد عباسی اور دیگر مرکزی قائدین نے وفد سے ملاقات کی جس میں انہوں نے شیخ الاسلام ڈاکٹر محمد طاہرالقادری کی عالمی اور بالخصوص عالم اسلام کے حوالے سے انکی خدمات پر بریفینگ دی۔ ڈاکٹر رحیق احمد عباسی نے کہا کہ ڈاکٹر محمد طاہرالقادری نے امن عالم ، انسانی حقوق اور اسلام کے عالمی وآفاقی پیغام کو دنیا بھر میں عام کیا ہے۔ آج تحریک منہاج القرآن امریکہ اور یورپ سمیت دنیا بھر میں اس کام کے لیے سرگرم ہے۔
آل پاکستان پرائیویٹ سکولز مینجمنٹ ایسوسی ایشن کے صدر ادیب جاودانی نے گزشہ دنوں تحریک منہاج القرآن کے مرکزی سیکرٹریٹ کا وزٹ کیا۔ تحریک منہاج القرآن کے ناظم تمویلات علامہ شاہد لطیف قادری نے معزز مہمان کو اس وزٹ کے لیے خصوصی طور پر دعوت دی تھی۔ تحریک کے مرکزی سیکرٹریٹ آمد پر علامہ شاہد لطیف قادری اور سینئر نائب ناظم ویلفیئر ملک شمیم احمد اور دیگر قائدین نے ان کا استقبال کیا۔ بعد ازاں علامہ شاہد لطیف قادری اور ملک شمیم احمد نے ادیب جادانی کو مرکزی سکرٹریٹ کے مختلف شعبہ جات کا وزٹ کرایا جس میں انہوں نے خصوصی دلچسپی کا اظہار کیا۔ اس وزٹ میں ناظم امورخارجہ جی ایم ملک، ڈپٹی ڈائر یکٹر امورخارجہ شکیل احمد طاہر، سروسز ڈیپارٹمنٹ کے ڈائریکٹر راجہ عبدالرحمان، ناظم پروڈکشن شفیق الرٰحمن سعد اور مرکزی سیل سینٹر کے انچارج محمد سعید نے اپنے اپنے شعبہ جات کا تفصیلی تعارف بھی کرایا۔ گوشہء درود میں بھی معزز مہمان نے حاضری دی۔
منہاج القرآن انٹرنیشنل (ہیگ) ہالینڈ کے زیر اہتمام شیخ الاسلام ڈاکٹر محمد طاہرالقادری کی 56 ویں سالگرہ کے موقع پر ’’قائد ڈے‘‘ تقریب گزشتہ دنوں ہیگ میں منعقد ہوئی۔ اس تقریب کی صدارت سفیر یورپ علامہ الحاج حافظ نزیر احمد قادری نے کی جبکہ پاکستان سے منہاج القرآن انٹرنیشنل کے مرکزی رہنما اور ممبر سنٹرل ورکنگ کونسل میاں ممتاز احمد قادری مہمان خصوصی تھے۔ اس کے علاوہ منہاج القرآن ایمسٹرڈیم، روٹر ڈیم، اینڈ ھوون، فن لو، فرانس، سپین، بیلجیئم، جرمنی، اور یورپ بھر سے تحریک کے قائدین اور کارکنان کے بڑی تعداد بھی یہاں اپنی فیملیز کے ساتھ موجود تھی۔
تحریک منہاج القرآن کے مرکزی سینئر نائب ناظم دعوت علامہ ارشاد حسین سعیدی نے گزشتہ ماہ (27 جنوری تا 3 فروری) بنگلہ دیش کا خصوصی دعوتی وتحریکی دورہ کیا۔ انہیں اس دورہ کی دعوت تحریک منہاج القرآن بنگلہ دیش کی طرف سے دی گئی تھی۔
تحریک منہاج القرآن میلان سٹی (اٹلی) کے زیراہتمام شیخ الاسلام ڈاکٹر محمد طاہرالقادری کی 56 ویں سالگرہ کے حوالے سے خصوصی تقریب منعقد ہوئی۔ صوفی محمد افضل کی رہائش گاہ پر منعقد ہونیوالی تقریب کی صدارت مرکزی رہنما تحریک منہاج القرآن حاجی محمد اختر نے کی۔ جبکہ صوفی عمر حیات مہمان خصوصی تھے۔ اس موقع پر ملک محمد فیروز، ماسٹر وحید سلطان احمد اور راجہ واجد حسن بھی معزز مہمانوں میں شامل تھے۔ تقریب کا آغاز تلاوت قرآن مجید سے ہوا جسکی سعادت محمد اکبر اعوان نے حاصل کی۔ تلاوت کے بعد صوفی محمد افضل، ملک غلام مصطفیٰ اعوان، آزاد احمد بٹ، جمیل افضل اور محمد اکرم اعوان نے ہدیہ نعت پیش کیا۔ ملک اسماعیل اعوان نے سالگرہ کی مناسبت سے ’’ بچپن میرے قائد کا‘‘ خصوصی نظم پیش کی اور شیخ الاسلام کے بچپن کے حوالے سے چند یادیں بھی تازہ کیں۔ علامہ اسرار احمد نے بھی اس موقع پر اظہار خیال کیا۔ کیک کاٹنے کی تقر یب سے قبل تحریک منہاج القرآن پیو لتیلو کے اعوان برادران، ملک غلام مصطفیٰ اعوان، ملک اسماعیل اعوان، ملک اعجاز احمد اعوان اور ملک محمد اکرم اعوان نے مشترکہ طور پر شیخ الاسلام ڈاکٹر محمد طاہر القادری کے لیے خصوصی ترانہ ’’ظلمت آفاق میں چمکے گا طاہرالقادری‘‘ پیش کیا۔ آخر میں تمام معزز مہمانوں نے تالیوں کی گونج میں سالگرہ کا کیک کاٹا۔ اس تقر یب کا اختتام دعا سے ہوا۔
گذشتہ دنوں منہاج القرآن ویمن لیگ راولپنڈی حلقہ پی پی 14 کے زیراہتمام قائد ڈے کے حوالے سے خصوصی تقریب کا اہتمام کیا گیا۔ اس پُر وقار تقریب کا انعقاد پاکستان عوامی تحریک ضلع راولپنڈی کے صدر رانا شہزاد کی رہائش گاہ پرکیا گیا تھا۔ محفل کی مہمانان خصوصی عامر چیمہ شہید کی والدہ گرامی مسز نذیر چیمہ اور آصف پبلک سکول راولپنڈی کی پرنسپل محترمہ شازیہ آصف تھیں۔
تحریک منہاج القرآن کے گوشہء درود کی ماہانہ مجلس ختم الصلوٰۃ علی النبی صلی اللہ علیہ وآلہ وسلم گزشتہ روز مرکزی سکرٹریٹ میں منعقد ہوئی۔ شیخ الاسلام ڈاکٹر محمد طاہرالقادری نے خصوصی ٹیلی فونک خطاب کرتے ہوئے فرمایا کہ نسبت محمدی صلی اللہ علیہ وآلہ وسلم تمام نسبتوں کی اصل اور اساس ہے۔ حضور صلی اللہ علیہ وآلہ وسلم کی نسبت کے تعلق سے محبت رسول صلی اللہ علیہ وآلہ وسلم ایمان کا حصہ اور اس کے بغیر ہمارا ایمان ادھورا ہے۔ آپ نے کہا کہ آپ صلی اللہ علیہ وآلہ وسلم کا میلاد منانا انبیاء کرام کی سنت بھی ہے، آج ہمیں اس سنت کو دنیا بھر میں عام کرنا ہو گا۔ اس سلسلے میں تحریک منھاج القرآن اس سال بھی 12 ربیع الاول کو لاہور میں دنیا کا سب سے بڑے میلاد (عا لمی میلاد کانفرنس) کا اہتمام کریگی جس میں دنیا سے لاکھوں عشاقان مصطفیٰ صلی اللہ علیہ وآلہ وسلم شرکت کریں گے۔
صاحبزادہ حسن محی الدین قادری نے گذشتہ روز بریڈ فورڈ کے وینوو فنکشن ہال میں منہاج القرآن بریڈ فورڈ کے زیراہتمام شیخ الاسلام ڈاکٹر محمد طاہرالقادری کی 56 ویں سالگرہ کی مرکزی تقریب سے خطاب کے دوران کیا۔ الفرغانہ انسٹی ٹیوٹ مانچسٹر کے طالبعلم مبشر انور کی تلاوت کلام پاک اور علامہ محمد رمضان قادری کی نظامت میں منعقد ہونے والی تقریب میں عبدالقادر نوشاہی، ناصر کریم، محمد عمر، میلاد رضا قادری، اعجاز احمد صدیقی، علامہ سعید ہاشمی نے ہدیہ عقیدت بحضور سرور کونین صلی اللہ علیہ وآلہ وسلم پیش کیا جبکہ الفرغانہ انسٹی ٹیوٹ آف اسلامک سائنسز مانچسٹر کی طالبات نے ڈاکٹر طاہرالقادری کی شخصیت کے روحانی اور طالبعلم بلال حسینی نے تعلیمی پہلو پر اپنی تحقیق (Presentation) پیش کی۔
شیخ الاسلام ڈاکٹر محمد طاھرالقادری کی 56 ویں سالگرہ کے سلسلہ میں تحریک منھاج القرآن کی مرکزی نظامتوں کے ہفتہ تقریبات کی آخری خصوصی تقریب مرکزی سکریٹریٹ ماڈل ٹاون میں منعقد ہوئی جسے ناظم اعلیٰ، نائب ناظم اعلیٰ اور پاکستان عوامی تحریک کیطرف سے منعقد کیا گیا تھا۔ اس تقریب کی صدارت پیرطریقت سید خلیل الرحمٰن چشتی نے کی جبکہ امیر تحریک صاحبزادہ فیض الرحمٰن درانی مہمان خصوصی تھے۔ سنئیر نائب ناظم اعلیٰ کرنل (ر) محمداحمد، چوہدری محمد شریف، ڈاکٹر علی اکبرالازہری، ڈاکٹر کرامت اللہ، جواد حامد، محمد عاقل ملک، علامہ شاہد لطیف قادری، محمد وسیم افضل قادری، شمیم نمبردار اور دیگر مرکزی قائدین بھی موجود تھے۔ تقریب کا آغاز تلاوت و نعت سے ہوا۔ نائب ناظم اعلیٰ شیخ زاہد فیاض نے سٹیج سیکرٹری کے فرائض سر انجام دئیے۔
بانی و سرپرست اعلیٰ تحریک منہاج القرآن و چیئرمین پاکستان عوامی تحریک شیخ الاسلام ڈاکٹر محمد طاہرالقادری کی 56 ویں سالگرہ کے موقع پر تحریک منہاج القرآن کراچی کے زیراہتمام خصوصی سیمینار ’’ڈاکٹر محمد طاہرالقادری ایک عہدساز شخصیت‘‘ کراچی میں منعقد ہوا۔ کراچی آرٹس کونسل میں ہونے والی تقریب کی صدارت مرکزی ناظم اعلیٰ تحریک منہاج القرآن ڈاکٹر رحیق احمد عباسی نے کی جبکہ کراچی یونیورسٹی کے پرووائس چانسلر پروفیسر ڈاکٹر اخلاق احمد مہمان خصوصی تھے۔
تحریکِ منہاجُ القرآن کے مرکزی سیکرٹریٹ میں شیخ الاسلام ڈاکٹر محمد طاہرالقادری کی 56 ویں سالگرہ کے موقع پر منائے جانے والے ہفتہ تقریبات کے تیسرے روز (21 فروری 2007ء) نظامت تحقیق و تبلیغات، نظامتِ سیکرٹریٹ، نظامتِ مالیات، نظامتِ امورِ خارجہ اور سیکیورٹی کی طرف سے ایک خصوصی تقریب کا اہتمام کیا گیا۔ تقریب میں تحریک منہاج القرآن کے ناظمِ اعلیٰ ڈاکٹر رحیق احمد عباسی، نائب ناظمِ اعلیٰ شیخ زاہد فیاض، سینئر نائب ناظمِ اعلیٰ کرنل (ر) محمد احمد، ڈائریکٹر فریدِ ملت ریسرچ انسٹی ٹیوٹ ڈاکٹر علی اکبر الازھری اور ڈاکٹر کرامت اللہ، ڈائریکٹر لائبریری FMRi پروفیسر محمد اشرف چودھری، ڈپٹی ڈائریکٹر FMRi محمد فاروق رانا، پرنسپل سیکرٹری ٹو شیخ الاسلام اور ناظم اُمورِ خارجہ حاجی غلام مصطفیٰ ملک، ناظم مالیات حاجی جاوید اقبال قادری اور ڈائریکٹر ایڈمن چودھری محمد ریاض کے ساتھ ساتھ تمام مرکزی قائدین اور اسٹاف نے بھرپور شرکت کی۔
تحریک منہاج القرآن کے مرکزی سیکرٹریٹ ماڈل ٹاؤن میں شیخ الاسلام ڈاکٹر محمد طاہرالقادری کی 56ویں سالگرہ کے سلسلہ میں 19 فروری کو دوسری تقریب منعقد ہوئی۔ یہ تقریب رات 9:00 بجے شروع ہوئی۔ ناظم اعلیٰ ڈاکٹر رحیق احمد عباسی اور نائب ناظم اعلیٰ شیخ زاہد فیاض کی زیرصدارت تقریب میں پاکستان پیپلز پارٹی کے مرکزی رہنما اور سابق سپیکر قومی اسمبلی سید یوسف رضا گیلانی مہمان خصوصی تھے۔
بانی و سرپرست اعلیٰ تحریک منہاج القرآن و چیئرمین پاکستان عوامی تحریک شیخ الاسلام ڈاکٹر محمد طاہرالقادری کی 56 ویں سالگرہ 19 فروری کو دنیا بھر میں منائی گئ۔ اس پُرمسرت موقع پر تحریک منہاج القرآن کے مرکز پر دو خصوصی تقریبات کا انعقاد کیا گیا۔ پہلی تقریب منہاج یونیورسٹی بغداد ٹاؤن، ٹاؤن شپ کے نیوکیمپس میں منعقد ہوئی۔ قبل ازیں 19 فروری کی صبح منہاج یونیورسٹی ٹاؤنشپ میں ہونیوالی تقریب کا آغاز صبح 11:00 بجے ہوا۔ اس کی صدارت ناظم اعلیٰ تحریک منہاج القرآن ڈاکٹر رحیق احمد عباسی نے کی جبکہ نائب ناظم اعلیٰ شیخ زاہد فیاض مہمان خصوصی تھے۔ اس موقع پر وائس چانسلر منہاج یونیورسٹی ڈاکٹر نذیر احمد رومانی، کرنل (ر) محمد احمد، جی ایم ملک، ساجد محمود بھٹی، محمد عاقل ملک، علامہ غلام ربانی تیمور، پرنسپل کالج آف شریعہ اینڈ اسلامک سٹڈیز ڈاکٹر کرامت اللہ مغل، مفتی عبدالقیوم خان ہزاروی، پروفیسر محمد نواز ظفر، محمد عباس نقشبندی، منہاج القرآن ویمن لیگ کی ناظمہ فرح ناز اور دیگر مرکزی قائدین نے شرکت کی، اس کے علاوہ منہاج یونیورسٹی و کالج آف شریعہ اینڈ اسلامک سٹڈیز، منہاج کالج برائے خواتین، تحفیظ القرآن کالج اور منہاج یونیورسٹی کے مختلف کالجز کے طلبہ و طالبات کی بڑی تعداد بھی شامل تھی۔
مورخہ 19 فروری 2007 بروز پیر ھمدرد ہال مریڑ چوک راولپنڈی میں شیخ الاسلام ڈاکٹر محمد طاہرالقادری کی 56ویں سالگرہ کے سلسلے میں ایک پُروقار تقریب کا اہتمام کیا گیا۔ تقریب کا موضوع ``ڈاکٹر محمد طاہرالقادری کی علمی اور تجدیدی خدمات`` تھا۔ اس موقع پر ھمدرد ہال اور تحریک منہاج القرآن راولپنڈی کی تاریخ کا سب سے بڑا مجمع دیکھا گیا۔ جس کا اندازہ اس بات سے لگایا جا سکتا تھا کہ ہال کے ساتھ ملحقہ کمرے اور ہال کا بیرونی احاطہ بھی حاضرین محفل کیلئے تھوڑا پڑ گیا۔ تقریب کا باقاعدہ آغاز تلاوت قرآن پاک سے کیا گیا۔ جسکے بعد منہاج نعت کونسل اسلام آباد اور رانا سرور (ناظم پی پی14)، فیاض چشتی نے نعت رسول مقبول (صلی اللہ علیہ وآلہ وسلم) پیش کی۔
شیخ الاسلام پروفیسر ڈاکٹر محمد طاہرالقادری کی 56ویں سالگرہ کے موقع پر کالج آف شریعہ (منہاج یونیورسٹی لاہور) کے طلبہ کی نمائندہ تنظیم ’’بزم منہاج‘‘ کے زیر اہتمام کُل پاکستان سالانہ ہفتہ تقریبات کا انعقاد کیا گیا۔ ان تقریبات میں 12 فروری تا 17 فروری بالترتیب مقابلہ حسن قرات و نعت، تقریری مقابلہ اردو، اردو مباحثہ، تقریری مقابلہ انگلش اور مشاعرہ کی تقریبات شامل تھیں۔ 17 فروری کو اس سلسلہ کا آخری پروگرام مشاعرہ بعنوان ’’میں ہو سُقراط مجھے زہر پلایا جائے‘‘ منعقد ہوا۔ جن میں پاکستان بھر سے 30 سے زائد یونیورسٹیز، کالجز اور مدارس کے طلبہ نے شر کت کی۔
4M
فیس بک
2M
ٹوٹر
© 1994 - 2026 Minhaj-ul-Quran International.
