سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج القرآن انٹرنیشنل جاپان کے زیراہتمام گنما سنٹر میں 35ویں تربیتی نشست کا اہتمام کیا گیا۔ جس میں ڈائریکٹر ٹریننگ منہاج القران انٹرنیشنل غلام مرتضی علوی نے (ادبِ اولادِ حضرت ابو طالب علیہ السلام) کے موضوع پر آن لائن خطاب کیا۔
منہاج القرآن جاپان کے زیرِانتظام ٹوکیو کے نواحی علاقے سائتاما کین میں محرم الحرام کے موقع پر “فکرِحسین” کانفرنس 7 اگست 2022ء کو منعقد ہوئی، جس میں منہاج القرآن جاپان کے رفقاء کے علاوہ مختلف شعبہ ہائے زندگی سے تعلق رکھنے والی شخصیات کے ساتھ لوگوں نے بڑی تعداد میں شرکت کی۔ محفل میں ’’فکرِ حسین‘‘ کے موضوع پر شیخ الا سلام ڈاکٹر محمد طاہرالقادری کا ویڈیو خطاب بڑی سکرین پر چلایا گیا جسے حاضرین نے انہماک سے سماعت کیا۔
تحریک منہاج القرآن لکھوآنہ سلانوالی ضلع سرگودھا کے زیراہتمام ’’فکر امام حسین علیہ السلام کانفرنس‘‘ منعقد ہوئی، جس میں ضلعی ناظم سرگودھا کاشف اقبال، صدر سلانوالی محمد ادریس مغل، حاجی علی محمد کلیار، عبدالمقیت کھچی، ایم ایس ایم سرگودھا کے صدر محمد اویس، میاں محمد اطہر، منظور احمد فاروقی شریک ہوئے۔ ان کے ساتھ علاقہ بھر سے بہت بڑی تعداد میں مرد و خواتین نے بھی محفل میں شرکت کی۔
منہاج القرآن شاہیانوالا تحصیل کلور کوٹ ضلع بھکر کے زیراہتمام فکر امام حسین علیہ السلام کانفرنس منعقد ہوئی۔ جس میں انجینئر رفیق نجم اور علامہ عبدالرزاق منہاجین نے خطاب کیا۔ اس موقع پر اہل علاقہ کی بڑی تعداد کانفرنس میں شریک ہوئی۔
منہاج القرآن انٹرنیشنل ہانگ کانگ کے زیر اہتمام 7 اگست شبِ عاشور کے موقع پر منہاج القرآن اسلامک سنٹر کھوائی چنگ میں ’’محفل ذکر شہادت امام حسین علیہ السلام‘‘ منعقد کی گئی۔ جس میں ڈائریکٹر منہاج القرآن ہانگ کانگ علامہ حافظ محمد نسیم خان نقشبندی نے خطاب کیا۔ انہوں نے کہا کہ قرآن مجید میں خالق کائنات نے آقائے دوجہاں صلی اللہ علیہ واٰلہ وسلم کی اہلبیت سے محبت اور مودت ہم پر واجب کی ہے۔
منہاج القرآن انٹرنیشنل اقیقے چلی کے زیرانتظام 6 اگست 2022 اور 8 محرم الحرام کو سالانہ پانچویں محفل ’’ذکر شہادت امام حسین علیہ السلام اور تذکرہ کربلا‘‘ منعقد ہوئی۔ جس میں ڈاکٹر عمر ریاض عباسی نے ویڈیو لنک کے ذریعے خطاب کیا۔
منہاج ویلفیئر فاؤنڈیشن کی طرف سے جنوبی پنجاب کے دور دراز دیہاتوں میں سیلاب اور بارشوں سے متاثرہ سینکڑوں غریب خاندانوں کو فوڈ پیکیج، پکا ہوا کھانا، خیمے اور پینے کا صاف پانی مہیا کیا گیا۔ امدادی سرگرمیوں کا یہ عمل جاری ہے۔ متاثرہ خاندانوں کی مدد کے لئے منہاج ویلفیئر فاؤنڈیشن کے درجنوں والنٹیئرز خدمات انجام دے رہے ہیں۔
تحریک منہاج القرآن پی پی 107 فیصل آباد کے قائدین اور کارکنان کے وفد نے ڈاکٹر حسین محی الدین قادری سے منہاج یونیورسٹی لاہور میں ان کے دفتر میں ملاقات کی۔ صدر منہاج القرآن فیصل آباد میاں عبدالقادر کی سربراہی میں وفد میں تحریک منہاج القرآن پی پی 107 ضلع فیصل آباد کے قائدین، تنظیمی و تحریکی امور میں غیر معمولی خدمات سرانجام دینے والے اور یونین کونسلز میں سو فیصد تنظیم سازی مکمل کرنے والے کارکنان شامل تھے۔
منہاج القرآن علما کونسل لاہور کااجلاس مرکزی سیکرٹریٹ ماڈل ٹاؤن میں منعقد ہوا۔ اجلاس کی صدارت مرکزی نائب صدر منہاج القرآن علما کونسل مفتی علامہ غلام اصغر صدیقی نے کی۔ اجلاس میں محرم الحرام کے ایام میں محراب و منبر سے امن و محبت رواداری اور بین المسالک ہم آہنگی کا پیغام عام کرنے پر زور دیا گیا۔ منہاج القرآن علما کونسل کے مرکزی نائب ناظم اعلیٰ محمد اشفاق علی چشتی نے اجلاس سے خطاب کرتے ہوئے کہاکہ منہاج القرآن علماء کونسل لاہور سمیت ملک بھر میں تین سو مختلف مقامات پر ”پیغام امام حسین علیہ السلام اور اتحاد امت کانفرنسز“ منعقد کرے گی۔
تحریک منہاج القرآن لاہور زون کے زیراہتمام ضلع نمبر1، 2، 3 اور 6 میں ورکرز کنونشن کا اہتمام کیا گیا، جس میں نائب ناطم اعلیٰ تنظیمات علامہ رانا محمد ادریس قادری اور صدر لاہور علامہ رانا نفیس حسین قادری نے خصوصی شرکت کی۔
منہاج القرآن کے زیراہتمام آزادکشمیر کی نیلم ویلی، ہٹیاں بالا، ضلع پونچھ اور کوٹلی میں شیخ الاسلام ڈاکٹر محمد طاہرالقادری کی شہرہ آفاق ’’قرآنی فلسفہ انقلاب‘‘ کی ایک روزہ تربیتی ورکشاپس کا انعقاد کیا گیا، جس میں تحریک منہاج القرآن کے مرکزی نائب ناظم اعلیٰ کوارڈینیشن محمد رفیق نجم نے خصوصی شرکت کی۔ اس موقع پر تحریک منہاج القرآن و جملہ فورمز کے ذمہ داران و کارکنان نے شرکت کی۔ ورکشاپ میں مقررین نے اظہار خیال کرتے ہوئے شیخ الاسلام ڈاکٹر محمد طاہرالقادری کی علمی خدمات کو سراہا۔
منہاج القرآن انٹرنیشنل جاپان کے زیراہتمام گنما سینٹر میں ’’شہادت امام حسین علیہ السلام کانفرنس‘‘ کا انعقاد کیا گیا۔ جس میں ڈائریکٹر ٹریننگ منہاج القران انٹرنیشنل غلام مرتضی علوی نے (فلسفہ شہادت امام حسین علیہ السلام) کے موضوع پر آن لائن خطاب کیا۔
منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری نے یونان میں ’’پیغام اِمام حُسین علیہ السلام کانفرنس‘‘ سے خطاب کرتے ہوئے کہا کہ حضرت امام حسین علیہ السلام نے جان کا نذرانہ پیش کر کے حق و باطل اور خلافت و ملوکیت کا فرق قیامت تک کے لیے واضح کر دیا ہے۔ حضور نبی اکرم ﷺ نے فرمایا حسین مجھ سے ہے اور میں حسین سے ہوں، آپ ﷺ نے فرمایا میرے بعد قرآن اور میری عترت یعنی میرے اہلِ بیت سے جڑے رہنا، کبھی گمراہ نہیں ہوگے۔
منہاج القرآن انٹرنیشنل ہانگ کانگ کے زیراہتمام 31 جولائی 2022ء کو محفل بسلسلہ یومِ حضرت عمر فاروق رضی اللہ عنہ منہاج القران اسلامک سنٹر کھوائی چنگ میں منعقد کی گئی۔ جس میں علامہ حافظ محمد نسیم خان نقشبندی ڈائریکٹر منہاج القرآن ہانگ کانگ نے خطاب کرتے ہوئے شیخ الاسلام ڈاکٹر محمد طاہرالقادری کی کتاب مناقب صحابہ کرام رضی اللہ تعالٰی عنہم سے شان فاروق اعظم رضی اللہ عنہ بیان کرتے ہوئے کہا کہ آپ رضی اللہ تعالٰی عنہ مرادِ رسول صلی اللہ علیہ واٰلہ وسلم ہیں۔
منہاج القرآن انٹرنیشنل یوکے کے زیراہتمام ساوتھ زون کے کارکنان اور برطانیہ بھر سے منہاج یوتھ کے نوجوانوں کے ساتھ شیخ الاسلام ڈاکٹر محمد طاہرالقادری کی خصوصی نشست کا اہتمام کیا گیا، جس میں شیخ الاسلام ڈاکٹر محمد طاہرالقادری نے تربیتی خطاب کیا۔ اس موقع پر شیخ حماد مصطفیٰ المدنی القادری اور شیخ احمد مصطفیٰ العربی القادری بھی موجود تھے۔ شیخ الاسلام نے ’’وفاداری اور بے وفائی‘‘ کے موضوع پر گفتگو کرتے ہوئے کہا کہ اپنے دین اور ایمان کے ساتھ وفاداری ہی اصل زندگی ہے۔ اپنے ایمان پر استقامت کے ساتھ قائم رہتے ہوئے اللہ تعالیٰ کا شکر گزار رہنا ہم سب کی ذمہ داری ہے۔
4M
فیس بک
2M
ٹوٹر
© 1994 - 2026 Minhaj-ul-Quran International.
