سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج ویلفیئر فاونڈیشن خانقاں ڈوگراں کے زیراہتمام 15 جوڑوں کی شادیوں کی اجتماعی تقریب منعقد ہوئی، جس میں چیئرمین سپریم کونسل تحریک منہاج القرآن ڈاکٹر حسن محی الدین قادری نے خصوصی شرکت کی۔ شادیوں کی اجتماعی تقریب میں 15 نوبیاہتا جوڑے رشتہ ازدواج میں منسلک ہوئے۔ اس موقع پر خطاب کرتے ہوئے ڈاکٹر حسن محی الدین قادری نے کہا ہے کہ اسلام کمزوروں کے دکھ درد میں شریک ہونے کی تعلیمات دیتا ہے الحمدللہ منہاج القرآن نے مواخات مدینہ کے تصور احترام انسانیت کو آج زندہ رکھا ہوا ہے۔
نظامت تربیت تحریک منہاج القرآن کے زیراہتمام گجیانہ نو شیخوپورہ میں عرفان القرآن کورس کی اختتامی تقریب 25 دسمبر2017ء کو منعقد ہوئی، جس میں شرکاء کو اسناد دی گئیں۔ نظامت تربیت نے عرفان القرآن کورسز کا آغاز کیا تھا، جس میں ایک کلاس خواتین کے لئے بھی شروع کی گئی اور کامیابی سے مکمل ہوئی۔
تحریک منہاج القرآن کی مرکزی نظامت تربیت کے زیراہتمام پڈیانوالہ فاروق آباد ضلع شیخوپورہ میں عرفان القرآن کورس کی تین ماہ کی کلاس کے بعد تقسیم اسناد اور اختتامی تقریب منعقد ہوئی۔ مرکزی ڈائریکٹر کورسز حافظ سعید رضا بغدادی اور کوارڈنیٹر کورسز محمود مسعود قادری اور مجاہد حق نوازنے خصوصی شرکت کی۔ پروگرام میں علاقہ بھر سےخواتین کی کثیر تعداد بھی شریک ہوئی۔ پروگرام میں علامہ عدنان وحید قاسمی، انجنیئر ساجد علی، شفیق اور جمیل نے بھی شرکت کی۔
مصطفوی سٹوڈنٹس موومنٹ ضلع شیخوپورہ کا تنظیمی اجلاس مورخہ 15 مارچ 2017 کو منعقد ہوا جس میں صدر ایم ایس ایم سنٹرل پنجاب میاں انصر محمود نے خصوصی شرکت کی۔ اجلاس میں زیاب چیمہ کو مصطفوی سٹوڈنٹس موومنٹ ضلع شیخوپورہ کے نئے صدر کے لیے منتخب کیا گیا۔
پاکستان عوامی تحریک و تحریک منہاج القرآن گجیانہ نو پی پی 169 کے زیراہتمام ڈاکٹر طاہرالقادری کی 66 ویں سالگرہ کے موقع پر ’’جشن طاہر صوفی نائٹ‘‘ کا اہتمام کیا گیا۔ صوفی نائٹ میں صوفی نائٹ میں روایتی ثقافتی رنگ کو پیش کیا گیا، اس موقع پر لوک گلوکاروں نے عارفانہ کلام پیش کیے۔
تحریک منہاج القرآن گجیانہ نو (شیخوپورہ) کے زیرِاہتمام تین روزہ پیغامِ شہادتِ امام حسین علیہ السلام کانفرنسز منعقد ہوئیں۔ ان پروگراموں میں مرکزی نظامت دعوت سے علامہ محمد اعجاز ملک، علامہ شکیل احمد ثانی اور علامہ عدنان وحید قاسمی نے خطابات کیئے۔ اہل علاقہ سے بہت بڑی تعداد نے پروگراموں میں شرکت کی جبکہ مقامی علماء و مشائخ بھی معزز مہمانوں میں شامل تھے۔
تحریک منہاج القرآن تحصیل مریدکے کے زیرِاہتمام 7 مئی 2016 کو ماہانہ درس عرفان القرآن کا انعقاد کیا گیا، جس میں تحریک منہاج القرآن کے نائب ناظم اعلیٰ دعوت مفتی ارشاد حسین سعیدی نے خطاب کیا۔ تقریب کی صدارت تحریک منہاج القرآن مریدکے کے صدر جاوید کمبوہ نے کی جبکہ تحریک منہاج القرآن شیخوپورہ کے ضلعی امیر اظہر مصطفوی، پاکستان عوامی تحریک مریدکے کے نائب صدر محمد آصف سلہریا ایڈوکیٹ، انجمن صحافیاں کے صدر اسلام دین کمبوہ سمیت تحریک منہاج القرآن کے کارکنان نے بڑی تعداد میں شرکت کی۔
تحریک منہاج القرآن یونین کونسل چکنمبر 7 نے 27 مارچ 2016 کو ’ضربِ امن کانفرنس‘ کا اہتمام کیا، جس سے تحریک منہاج القرآن کے نائب ناظم اعلیٰ دعوت مفتی ارشاد حسین سعیدی نے خصوصی خطاب کیا۔ انہوں نے اپنے خطاب میں کہا کہ افواجِ پاکستان کا آپریشن ضرب عضب اور تحریک منہاج القرآن کی ضربِ علم و امن مہم ملک میں حقیقی امن قائم کرنے کے لیے شروع کیے گئے ہیں۔ پاک فوج کے جوانوں قوم کے آنے والے کل کے لیے اپنا آج قربان کردیا۔
تحریک منہاج القرآن نارنگ منڈی کے سرپرست صوفی محمد افضل قادری نے تحریک منہاج القرآن کے عہدیداران اور کارکنان کے ہمراہ آستانہ عالیہ پیر بابا بنیر شریف کے سجادہ نشین پیر سید حسین شاہ سے ملاقات کی۔ وفد نے پیر سید علی ترمذی کے دربار پر حاضری دی اور فاتحہ خوانی کی۔ وفد نے آستانہ کی لائبریری کے لیے مرکزی سیکرٹریٹ کی طرف سے شیخ الاسلام ڈاکٹر محمد طاہرالقادری کی کتب کا سیٹ بطور تحفہ دیا۔
تحریک منہاج القرآن فاروق آباد کے زیراہتمام پارٹی الیکشن کے سلسلہ میں اجلاس منعقد ہوا، جس میں مرکز سے چوہدری ریاست نے خصوصی شرکت کی۔ اجلاس کا آغاز تلاوت کلام پاک اور نعت رسول مقبول صلی اللہ علیہ وآلہ وسلم سے ہوا۔ اس موقع پر تحریک کے جملہ فورمز کے عہدیداران و کارکنان بھی شریک تھے۔ اجلاس کے اختتام پر عمر ریاض عباسی کی والدہ کے انتقال کر گہرے دکھ اور غم کا اظہار کیا گیا اور مرحومہ کی بخشش و مغفرت اور بلندئ درجات کے لیے خصوصی دعا کی گئی۔
تحریک منہاج القرآن فاروق آباد کے زیراہتمام شیخ الاسلام ڈاکٹر محمد طاہرالقادری کے 64 ویں یوم پیدائش کے موقع پر ’’شیخ الاسلام‘‘ سیمینار کا انعقاد کیا گیا، جس میں کارکنان کی کثیر تعداد نے شرکت کی۔ سیمینار کا آغاز تلاوت کلام پاک اور نعت رسول مقبول صلی اللہ علیہ وآلہ وسلم سے ہوا۔ اس موقع پر کارکنان نے اپنے قائد سے نغموں کی صورت میں اظہار عقیدت و محبت کیا۔ سیمینار میں تحریک منہاج القرآن کے جملہ عہدیداران نے شرکت کی۔ تقریب کے اختتام پر سالگرہ کا کیک کاٹا گیا اور شیخ الاسلام ڈاکٹر طاہرالقادری کی درازئ عمر کے لیے خصوصی دعا کی گئی۔
تحریک منہاج القرآن نارنگ منڈی کے زیراہتمام منہاج القرآن لائبریری کا قیام عمل میں لایا گیا۔ لائبریری کے قیام کے اغراض و مقاصد کے حوالے سے تقریب کا بھی انعقاد کیا گیا جس میں پاکستان عوامی تحریک کی فیڈرل کونسل کے صدر ڈاکٹر حسین محی الدین قادری نے خصوصی شرکت کی۔ اس موقع پر علاقے کی معروف سیاسی و سماجی اور مذہبی شخصیات بھی شریک تھیں۔ ڈاکٹر حسین محی الدین قادرری نے اظہار خیال کرتے ہوئے کہا کہ ڈاکٹر محمد طاہرالقادری کی کتب، خطابات کی آڈیو، ویڈیو CDs اور DVs سے استفادہ کیلئے منہاج لائبریری کا قیام ایک احسن اقدام ہے۔
تحریک منہاج القرآن سچا سودا یوسی 94 فاروق آباد کے زیر اہتمام 22 نومبر کو عظیم الشان شہدا کربلا کانفرنس کا انعقاد کیا گیا جس میں لوگوں کی کثیر تعداد نے شرکت کی۔ تقریب کا باقاعدہ آغاز تلاوت کلام پاک اور نعت رسول مقبول صلی اللہ علیہ وآلہ وسلم سے ہوا بعد ازاں بارگاہ امام حسین علیہ السلام میں منقبت پیش کی گئی۔ اس موقع پر تحریک منہاج القرآن کے جملہ فورمز کے عہدیداران بھی موجود تھے۔ تقریب میں علامہ محمد یاسین قادری نے خصوصی خطاب کیا۔
تحریک منہاج القرآن فاروق آباد کے زیراہتمام تین روزہ پیغام امام حسین علیہ السلام کانفرنس کا انعقاد کیا گیاجس کا دوسرا پروگرام جامع اویسہ رضویہ نوکھر قدیم فاروق آباد میں منعقد ہوا۔ پروگرام کا باقاعدہ آغاز تلاوت کلام پاک اور نعت رسول مقبول صلی اللہ علیہ وآلہ وسلم سے ہوا، بعد ازاں حضرت امام حسین علیہ السلام کی بارگاہ میں منقبت پیش کی گئی۔ اس موقع پر تحریک منہاج القرآن کے جملہ فورمز کے عہدیداران کے ساتھ ساتھ مرد وخواتین کی کثیر تعداد نے شرکت کی۔
ناظم یو سی92 گجیانہ محمد شفیق نے بتایا کہ تحصیل شیخوپورہ کی یونین کونسل 92 گجیانہ میں شیخ الاسلام ڈاکٹر محمد طاہرالقادری کی پاکستان آمد اور سیاست نہیں ریاست بچاؤ مہم کے حوالے سے تیاریاں مکمل کر لی گئی ہیں۔ اس سلسلے میں علاقے بھر میں بھرپور وال چاکنگ کروائی گئی ہے اور 15 سے زائد علاقوں میں بڑے سائز میں فلیکس سائن بھی آویزاں کیے گئے ہیں، جبکہ 5000 سے زائد افراد کو ’سیاست نہیں ریاست بچاؤ‘ ایجنڈے کے تحت دعوت دی جا چکی ہے۔
3.6M
فیس بک
1.9M
ٹوٹر
© 1994 - 2024 Minhaj-ul-Quran International.
