سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج یونیورسٹی لاہور کے سکول آف ماس کمیونیکشن کے زیراہتمام ’’رول آف میڈیا ان ڈیزاسٹر کرائسز‘‘ کے موضوع پر سیمینار 15 فروری 2019ء کو منعقد ہوا، جس میں سینئر صحافی، دانشور، کالم نویس مجیب الرحمن شامی، سلمان عابد، سہیل ریاض راجہ، وائس چانسلر ڈاکٹر محمد اسلم غوری، پرو وائس چانسلر ڈاکٹر شاہد سرویا اور ماس کمیونیکیشن کی ہیڈ آف ڈیپارٹمنٹ میڈیم روبینہ نے خطاب کیا۔
منہاج القرآن راجن پور کے زیراہتمام ہفت روزہ حلقہ درود کا انعقاد کیا گیا، حلقہ درود کا یہ پروگرام تحریک منہاج القرآن درہ مچھلی والا راجن پور کے آفس میں منعقد ہوا، جس میں تمام ذمہ داران نے شرکت کی۔
تحریک منہاج القرآن کے زیراہتمام جھنگ میں شیخ الاسلام ڈاکٹر محمد طاہرالقادری کی معرکۃ الاراء تصنیف و قرآنی علوم کا ذخیرہ ’’قرآنی انسائیکلوپیڈیا‘‘ کی تقریب رونمائی 13 فروری 2019ء کو منعقد ہوئی، جس کی صدارت تحریک منہاج القرآن کے صدر ڈاکٹر حسین محی الدین قادری نے کی۔
تحریک منہاج القرآن کے صدر ڈاکٹر حسین محی الدین قادری نے 13 فروری 2019ء کو جھنگ کا دورہ کیا، دورے میں انہوں نے قائد ڈے کی تقریب قرآنی انسائیکلوپیڈیا تقریب رونمائی میں شرکت کی، جس کے بعد انہوں نے فرید ملت حضرت ڈاکٹر فریدالدین قادری کے مزار پر حاضری دی اور فاتحہ پڑھی۔ اس موقع پر سجادہ نشین آستانہ عالیہ فریدیہ صاحبزادہ صبغت اللہ قادری بھی آپ کے ساتھ تھے۔
تحریک منہاج القرآن فاضل پور کے کارکن محمد عنصر قادری کے چھوٹے بھائی کے ولیمہ میں مرکزی نائب ناظم اعلیٰ جنوبی پنجاب سردار شاکر خان مزاری نے خصوصی شرکت کی۔ ولیمہ تقریب میں ضلعی صدر تحریک منہاج القرآن راجن پور محمد سعید مغل، ضلعی ناظم تحریک منہاج القرآن راجن پور ملک ابو ارسل مصطفی المدنی، محمد راشد مصطفوی ڈویژنل صدر ایم ایس ایم حافظ محمد راشد اور خادم حسین طاہر صدر تحریک منہاج القرآن فاضل پور نے بھی شرکت کی۔
ناظم منہاج القرآن انٹرنیشنل ساؤتھ افریقہ رانا آصف جمیل خان نے قومی کرکٹ ٹیم کے کھلاڑیوں سے جنوبی افریقہ کے شہر جوہانسبرگ میں ملاقات کی۔ رانا آصف جمیل خان اور دیگر ایگزیکٹیو ممبران نے قومی کرکٹ ٹیم کے کھلاڑیوں سے ملاقات میں منہاج القرآن کی دنیا بھر اور ساؤتھ افریقہ میں دین مبین کی ترویج واشاعت کے لئے کاوشوں اور شیخ الاسلام ڈاکٹرمحمد طاہر القادری کی بے مثال خدمات کے متعلق آگاہ کیا، جسے قومی پلیئرز نے بے حد سراہا۔
تحریک منہاج القرآن کے مرکزی آغوش کمپلیکس ٹاون شپ میں سکیورٹی انچارج یاسر خان کی زوجہ محترمہ انتقال کر گئیں، اناللہ وانا الیہ راجعون۔ مرحومہ کی نماز جنازہ 10 فروری 2019ء کو مرکزی سیکرٹریٹ میں ادا کی گئی، ڈاکٹر حسن محی الدین قادری (چئیرمین سپریم کونسل منہاج القران انٹرنیشنل) نے نماز جنازہ پڑھائی۔ جنازہ میں ناظم اعلی تحریک منہاج القران خرم نواز گنڈاپور، جی ایم ملک، سید امجد علی شاہ، راجہ زاہد محمود، میاں محمد عباس نقشبندی، تحریک منہاج القرآن کے قائدین و اسٹاف ممبران اور کارکنوں نے بھی شرکت کی۔ جنازہ کے بعد ڈاکٹر حسن محی الدین قادری نے دعا کرائی اور یاسر خان سے تعزیت بھی کی۔
طمنہاج القرآن انٹرنیشنل ساؤتھ افریقہ ک ناظم پبلک ریلیشنز فیاض اکبر جوندہ نے جنوبی افریقہ میں پاکستانی ہائی کمشنر ڈاکٹر سہیل خان اور رائل فیملی کے چیف مانڈلا منڈیلا کے ایڈوائزر سے ملاقات کی۔ ملاقات میں انہوں نے ہائی کمشنر کو ساؤتھ افریقہ میں منہاج القرآن انٹرنیشنل کی کاوشوں اور شیخ الاسلام ڈاکٹر محمد طاہرالقادری کی آٹھ جلدوں پر مشتمل نئی معرکۃ الاراء تصنیف قرآنی انسائیکلوپیڈیا کی اشاعت کے بارے میں بھی آگاہ کیا۔
ناظم منہاج القرآن انٹرنیشنل رانا آصف جمیل خان نے پاکستان ہائی کمشنر برائے ساؤتھ افریقہ ڈاکٹر سہیل خان سے ملاقات کی۔ رانا آصف جمیل خان نے ہائی کمشنر کو ساؤتھ افریقہ میں منہاج القرآن انٹرنیشنل کی کاوشوں اور شیخ الاسلام ڈاکٹر محمد طاہرالقادری کی آٹھ جلدوں پر مشتمل نئی معرکہ آرا تصنیف قرآنی انسائیکلوپیڈیا کی کامیاب اشاعت کے بارے میں بھی آگاہ کیا۔ جسے ہائی کمشنر نے بے حد سراہا۔ ناظم منہاج القرآن انٹرنیشنل رانا آصف جمیل نے انہیں شیخ الاسلام کی تصانیف بھی پیش کیں۔
براعظم افریقہ کے ملک سوازی لینڈ میں منہاج القرآن انٹرنیشنل کی باقاعدہ ممبرشپ کا آغاز ہوگیا۔ سب سے پہلے لائف ممبرشپ حاصل کرنے والوں میں محمد جمیل اور محمد عظیم شامل ہیں۔ نظامتِ اُمورِخارجہ کی جانب سے نئے ممبران کو مبارکباد پیش کی گئی ہے۔ نئے ممبران نے سوازی لینڈ میں تحریک منہاج القرآن اور شیخ الاسلام ڈاکٹر محمد طاہرالقادری کے پیغام امن کے فروغ کےلئے ہر ممکنہ کاوشوں کو بروئے کار لانے کا بھی عزم کیا ہے۔
منہاج یونیورسٹی لاہور میں طلباء کی تحقیق و تدوین کی صلاحیتوں کو نکھارنے کے لیے نئی جدید لائبریری کے سنگ بنیاد رکھنے کی تقریب 7 فروری 2019ء کو منعقد ہوئی، جس میں بورڈ آف گورنرز کے ڈپٹی چیئرمین ڈاکٹر حسین محی الدین قادری نے خصوصی شرکت کی۔ تقریب میں وائس چانسلر ڈاکٹر محمد اسلم غوری، پرو وائس چانسلر ڈاکٹر شاہد سرویا، ڈاکٹر ہرمن روبوک اور پنجاب یونیورسٹی کے چیف لائبریرین ڈاکٹر ہارون عثمانی بھی بطور مہمان شریک تھے۔ ڈاکٹر حسین محی الدین قادری نے خطاب کرتے ہوئے کہا کہ جب عالم اسلام آسمان علم وحکمت کا درخشندہ ستارہ تھا تب اس کے حکمران محلات تعمیر کرنے کی بجائے بڑی بڑی لائبریریاں تعمیر کرتے تھے۔
منہاج القرآن انٹرنیشنل اور منہاج ویلفیئر فاؤنڈیشن ساؤتھ افریقہ کی جانب سے اسلامک و کمیونٹی سنٹر جوہانسبرگ ساؤتھ افریقہ میں نئے سال 2019 کے آغاز پر دوسری سالانہ سوشل ویلفیئر تقریب کا اہتمام کیا گیا۔ تقریب میں مستحق بچوں اور بوڑھوں میں کپڑے، بسکٹ، سویٹس، چپس، کھانا تقسیم کیا گیا۔ بچوں میں خوبصورت کھلونے اور تحائف بھی تقسیم کئے گئے۔
پاکستان ہائی کمیشن پریٹوریا جنوبی افریقہ میں کشمیر ڈے کے موقع پر ایک تقریب کا اہتمام کیا گیا جس میں پاکستان کے ہائی کمشنر ڈاکٹر سہیل خان اور سینٹر فیصل جاوید خان اور منہاج القرآن انٹرنیشنل جنوبی افریقہ کے عہدیداران اور کارکنان نے خصوصی شرکت کی۔ منہاج القرآن انٹرنیشنل اور پاکستان عوامی تحریک ساؤتھ افریقہ کی نمائندگی کرتے ہوئے رانا محمد آصف جمیل خان نے تقریب میں اظہار خیال کیا۔
منہاج ویلفیئر فاونڈیشن خانقاں ڈوگراں کے زیراہتمام 15 جوڑوں کی شادیوں کی اجتماعی تقریب منعقد ہوئی، جس میں چیئرمین سپریم کونسل تحریک منہاج القرآن ڈاکٹر حسن محی الدین قادری نے خصوصی شرکت کی۔ شادیوں کی اجتماعی تقریب میں 15 نوبیاہتا جوڑے رشتہ ازدواج میں منسلک ہوئے۔ اس موقع پر خطاب کرتے ہوئے ڈاکٹر حسن محی الدین قادری نے کہا ہے کہ اسلام کمزوروں کے دکھ درد میں شریک ہونے کی تعلیمات دیتا ہے الحمدللہ منہاج القرآن نے مواخات مدینہ کے تصور احترام انسانیت کو آج زندہ رکھا ہوا ہے۔
تحریک منہاج القرآن راجن پور کے ضلعی ناظم ملک ابو ارسل مصطفی المدنی نے تحصیل روجھان کا وزٹ کیا۔ وزٹ کے دوران انہوں نے اجلاس میں شرکت کی اور 4 لائف ممبر 3 نئے رفقاء کو تحریک منہاج القرآن کا ممبر بنایا۔ دورے کے دوران تحصیلی عہدے دران سے خصوصی ملاقات کی اور میراں پور یونین کونسل میں حلقہ درود کا آغاز کیا۔
4M
فیس بک
2M
ٹوٹر
© 1994 - 2026 Minhaj-ul-Quran International.
