سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
تحریک منہاج القرآن چکوال یونین کونسل دلہہ کے زیراہتمام سیاست نہیں ریاست بچاؤ روکرز کنونشن کا انعقاد کیا گیا جس میں یونین کونسل سے ملحقہ گاؤں کے صاحب الرائے افراد نے خصوصی شرکت کی۔ پروگرام میں لوگوں کی ایک بڑی تعداد بھی موجود تھی اور بذریعہ پروجیکٹر شیخ الاسلام ڈاکٹر محمد طاہر القادری کا خطاب سنایا گیا جس میں انہوں نے 23 دسمبر اپنی آمد اور مینار پاکستان کے حوالے سے خصوصی طور پر بریف کیا کہ پاکستان کی98 فیصد عوام 2 فیصد افراد کے ہاتھوں سے بلیک میل ہو رہی ہے جو اس سسٹم کی سب سے بڑی خرابی ہے۔ ڈاکٹر محمد طاہر القادری نے کہا کہ قوم 23 دسمبر مینار پاکستان اکٹھی ہو کر دینا کے سامنے کرپٹ نظام انتخاب کے خلاف آواز اٹھائے اور ان شاء اللہ 23 دسمبر کا دن نکتہ آغاز انقلاب ہوگا۔ اس موقع پر خصوصی معاونت محمد اکرام ناظم تحریک منہاج القرآن یونین کونسل دلہہ نے کی، جبکہ خصوصی شرکت اور معاونت کرنے والوں میں ذوالفقار حسین، غلام مصطفی، جاوید اقبال، محمد شعیب، طارق محمود، توقیر ایڈووکیٹ، ملک احسن محفوظ، راجہ محمد عمر، جہانگیر حسین اور عبد الغنی شامل تھے۔
22 نومبر 2012 کو ای لرننگ ڈیپارٹمنٹ، کالج آف شریعہ اینڈ اسلامک سائنسز نے سجائی۔ محفل کا آغاز دن 12 بجے جامع مسجد منہاج القرآن میں ہوا، جس میں کالج آف شریعہ اینڈ اسلامک سائنسز کے جملہ اساتذہ کرام اور کلیریکل سٹاف کے ساتھ کثیر تعداد میں طلباء نے شرکت کی، جبکہ مرکزی سیکرٹریٹ تحریک منہاج القرآن کے احباب بھی اس محفل میں شریک تھے۔ پروگرام کی صدارت نائب امیر تحریک منہاج القرآن علامہ محمد صادق قریشی نے کی، جبکہ مہمان خصوصی مفتی عبدالقیوم خان ہزاروی تھے۔
کمیونٹی آف سینٹ اگیدیو پیس اینڈ سوشل جسٹس سیکنڈ ویٹی کن سٹی اٹلی کے ڈپٹی ڈائریکٹر مسٹر روبرٹو پیٹر اولیچو (Mr. Robert Peter Lucci) سے پاکستان وزٹ کے موقع پر لاہور میں ڈائریکٹر انٹرفیتھ ریلیشنز منہاج القرآن انٹرنیشنل سہیل احمد رضا نے ملاقات کی۔
تحریک منہاج القرآن اور منہاج القرآن یوتھ لیگ حافظ آباد کے زیراہتمام ماہانہ درس عرفان القرآن کا اہتمام کیا گیا، جس میں خصوصی خطاب مرکزی ناظم دعوت علامہ محمد افضال قادری نے کیا۔ پروگرام کا آغاز تلاوت کلام مجید سے ہوا، جبکہ بعد ازاں بارگاہ سرورکونین صلی اللہ علیہ وآلہ وسلم میں نذرانہ عقیدت کے پھول نچھاور کیے گیے۔ اس پروگرام میں علاقہ بھر سے لوگوں کی بڑی تعداد نے شرکت کی۔
22 نومبر جاگو لاہور مہم کے چوتھے روز مصطفوی کارکنان نے لاہور کے مختلف مقامات پر ہاتھوں کی زنجیر بنا کر اس عزم کا اظہار کیا کہ ہم اس نظام کے خلاف ایک ہیں اور اس کو جڑ سے اکھاڑ پھینکیں گے۔ یہ نظام ہی ہمارا اصل دشمن ہے جس کو بدلے بغیر تبدیلی کی ساری امیدوں پر پانی پھر جائے گا، طلبہ نے فٹ پاتھوں اور مختلف ٹاؤنز میں ہاتھوں کی زنجیریں بنائیں۔
منہاج القرآن یوتھ لیگ (سپین) کے صدر بلال یوسف کے والد حاجی محمد اسلم پرویز مورخہ 22 نومبر 2012ء کو راولپنڈی (پاکستان) میں انتقال کر گئے۔ انا للہ وانا الیہ راجعون۔
منہاج القرآن انٹرنیشنل فرینکفرٹ (جرمنی) نے ہمیشہ کی طرح امسال بھی حج بیت اللہ کی سعادت حاصل کرنے والے ساتھیوں کے اعزا ز میں مورخہ 22 نومبر 2012 کو پرتکلف عشائیہ دیا جس میں قونصلر جنرل امتیاز اے قاضی نے خصوصی شرکت کی۔
منہاج القرآن انٹرنیشنل جاپان کے زیر اہتمام مورخہ 22 نومبر 2012ء کو یوکی کی البلال مسجدمیں عظیم الشان شہادت کانفرنس منعقد ہوئی۔ کانفرنس کی صدارت مسجد البلال کے خطیب وامام حافظ محمد طاہر جمال نے کی۔
مورخہ 21 نومبر 2012ء بروز بدھ کو مصطفوی سٹوڈنٹس موومنٹ کے زیراہتمام سنٹرل فلیٹ لاہور میں ''جاگو لاہور مہم'' کے تحت ''پیغام حسین کانفرنس'' کا انعقاد کیا گیا جس میں شیخ الاسلام ڈاکٹر محمد طاہر القادری کا خطاب بذریعہ پروجیکٹر سنایا گیا۔ پروگرام میں لوگوں کی کثیر تعداد نے شرکت کی۔ اس موقع پر خصوصی شرکت نائب امیر تحریک منہاج القرآن علامہ محمد صادق قریشی نے کی۔ ایم ایس ایم سنٹرل فلیٹ کے کوآرڈینیٹرز عمران علی مصطفوی، فرقان علی مصطفوی، غضنفر علی مصطفوی، محمد رضا، راجا صدام عزیز اور عمیر مصطفوی کو علامہ صادق قریشی نے پروگرام کی کامیابی پر خصوصی مبارک باد دی۔
مورخہ 21 نومبر 2012ء بروز بدھ کو مصطفوی سٹوڈنٹس موومنٹ لاہور کے زیراہتمام جاگو لاہور مہم کے تحت کوٹھا پنڈ، مون مارکیٹ، فیصل ٹاؤن میں دعوتی سرگرمیاں کی گئیں۔ جس کی قیادت مرکزی سیکرٹری انفارمیشن رضی طاہر نے کی۔ قافلے کی صورت میں مصطفوی کارکنان نے ہر دوکان میں دعوت دی۔ تاجر برادری نے مکمل تعاون کا یقین دلاتے ہوئے کہا کہ ڈاکٹر محمد طاہر القادری کی قیادت ہی پاکستان کی تقدیر بدل سکتی ہے۔
مصطفوی سٹوڈنٹس موومنٹ اسلام آباد کے زیراہتمام غزہ میں اسرائیلی دہشت گردی کے خلاف پریس کلب کے سامنے احتجاج ریکارڈ کروایا گیا، جس کی قیادت سینئر نائب صدر ایم ایس ایم پاکستان چوہدری عرفان یوسف نے کی، جبکہ ممبر سنٹرل کیبنٹ ایم ایس ایم محمد قاسم مرزا، صدر ایم ایس ایم اسلام آباد سعید خان نیازی بھی ہمراہ تھے۔
مصطفوی سٹوڈنٹس موومنٹ کے مرکزی صدر تجمل حسین انقلابی نے مورخہ 21 نومبر 2012ء کو چکوال کا تنظیمی دورہ کیا، جہاں انہوں نے مصطفوی ورکرز کنونشن میں بھی شرکت کی۔ اس موقع پر سینئر نائب صدر ایم ایس ایم چوہدری عرفان یوسف بھی ان کے ہمراہ تھے۔ تقریب میں کثیر طلبہ نے شرکت کی۔
منہاج القرآن ویمن لیگ تحصیل دینہ کے زیرِاہتمام 21 نومبر بروز بدھ دو مقامات پر سیدہ زینب کانفرنس کا انعقاد کیا گیا۔ پہلی کانفرنس صبح 11:00 بجے سے دن 1:00 بجے تک آئی۔ایل۔ایم کالج دینہ میں منعقد ہوئی، جس میں مرکزی نگران محترمہ شمائلہ عباس نے سیدہ زینب رضی اللہ عنہا کی سیرت و کردار پر روشنی ڈالتے ہوئے طالبات کو دینِ اسلام کی سربلندی کے لئے علم کی منازل طے کر کے اپنی منزل کے حصول کی کوشش کرنے کی ترغیب دی۔
تحریک منہاج القرآن، پاکستان عوامی تحریک، منہاج القرآن یوتھ لیگ اور مصطفوی سٹوڈنٹس موومنٹ یوسی بارہ، شکرگڑھ نے علاقے بھر میں دیواروں پر وال چاکنگ کروائی۔ جس پر ’’سیاست نہیں، ریاست بچاؤ‘‘ کے نعرے درج ہیں، اور اس کرپٹ اور فرسودہ نظام کو سمندر برد کرنے کے لیے شیخ الاسلام ڈاکٹر محمد طاہرالقادری کا ساتھ دینے لیے 23 دسمبر کو مینار پاکستان پر لوگوں کو جمع کرنے کے لیے بھی مہم جاری ہے۔
تحریک منہاج القرآن اوکاڑہ کےزیراہتمام ایک عظیم الشان تربیتی و تنظیمی کنونشن گورنمنٹ پرائمری سکول چک 11جی ڈی بدھے والا میں منعقد ہوا۔گس کی صدارت ڈاکٹر تنویر اعظم سندھو صاحب نے کی۔ کاروائی کا آغاز تلاوتِ کلامِ مجید سے ہوا جس کی سعادت تحصیل کے کوآرڈینیٹر عابد حسین حسنی منہاجین نے حاصل کی، جبکہ آقائے کل جہاں صلی اللہ علیہ وآلہ وسلم کی بارگاہِ بے کس پناہ میں عقیدت کے پھول عابد حسین حسنی منہاجین نے پیش کئے۔
3.6M
فیس بک
1.9M
ٹوٹر
© 1994 - 2024 Minhaj-ul-Quran International.
