سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
23 دسمبر 2012ء کے عوامی استقبال کے سلسلے میں 20 نومبر 2012 کو نگران منہاج القرآن ویمن لیگ آزاد کشمیر محترمہ فریحہ خان نے کھڑی شریف کے تحصیلی دفتر کا دورہ کیا، جہاں انہوں نے منہاج القرآن ویمن لیگ کے اجلاس کی صدارت کی۔ نو منتخب عہدیداران نے 23 دسمبر 2012ء کو مینار پاکستان پر ہونے والے ’سیاست نہیں ریاست بچاؤ‘ کنونشن کے سلسلے میں کثیر تعداد میں خواتین کی شرکت کو یقینی بنانے کا عزم کیا۔
ناظم اعلیٰ تحریک منہاج القرآن انٹرنیشنل ڈاکٹر رحیق احمد عباسی ایک روزہ تنظیمی دورے پر آزاد کشمیر تشریف لائے، جہاں انہوں نے تحریک منہاج القرآن اور تحریک کے جملہ فورمز کے عہدیداران سے ملا قات کی۔ انہوں نے دورے کے آغاز میں آزاد کشمیر کی دو بڑی روحانی ہستیوں پیرا شاہ غازی رحمۃ اللہ علیہ اور رومئ کشمیر میاں محمد بخش رحمۃ اللہ علیہ کے مزارات پر حاضری دی۔ اس دورے میں ان کے ہمراہ ڈائریکٹر فارن افیئرز منہاج القرآن انٹرنیشنل راجہ جمیل اجمل اور مرکزی ناظم علماء کونسل علامہ سید فرحت حسین شاہ بھی موجود تھے۔
تحریک منہاج القرآن چکوال کے زیراہتمام پیغام شہادت امام حسین رضی اللہ عنہ کانفرنس کا پروگرام مقامی میرج ہال میں کیا گیا، جس میں شہادت امام عالی مقام حضرت امام حسین رضی اللہ عنہ کی شان میں کیا گیا شیخ الاسلام ڈاکٹر محمد طاہرالقادری کا خطاب ’مرج البحرین یلتقیان کی تفسیر‘ بذریعہ پروجیکٹر دکھایا گیا۔
منہاج القرآن ویمن لیگ لیاری ٹاون کراچی کے زیراہتمام محرم الحرام کی مناسبت سے سالانہ شہادت امام حسین رضی اللہ عنہ کانفرنس کا انعقاد کیا گیا۔ یہ پروگرام لیاری کراچی کے علاقے گلشن کالونی میں منعقد کیا گیا۔ جس میں منہاج القرآن ویمن لیگ کراچی کی قائدین کے علاوہ علاقہ بھر سے تمام مکتبہ فکر کی سینکڑوں خواتین نے بھرپور شرکت کی۔
صوبائی سیکرٹری وزارت حقوق انسانی و اقلیتی امور حکومت پنجاب چوہدری جاوید اقبال سے ڈائریکٹر انٹر فیتھ ریلیشنز منہاج القرآن انٹرنیشنل سہیل احمد رضا نے ان کے آفس میں ملاقات کی۔ اس ملاقات میں حقوق انسانی کے تحفظ و بین المذاہب رواداری کے عملی فروغ کے لیے شیخ الاسلام ڈاکٹر محمد طاہرالقادری کی عالمی سطح پر خدمات اور ملکی سطح پر اقلیتی برادری کے ساتھ روابط پر تبادلہ خیال ہوا۔
20 نومبر مصطفوی سٹوڈنٹس موومنٹ پاکستان کی جاگو لاہور مہم کے دوسرے روز سنٹرل فلیٹ، ٹاؤن شپ میں دعوتی سرگرمیاں کی گئیں۔ قافلے کی صورت میں مصطفوی کارکنان نے ہر دکان میں دعوت دی۔ اس دعوتی قافلے کی قیادت مرکزی نائب صدر ایم ایس ایم انجینئر محمد حنیف مصطفوی، ڈپٹی سیکرٹری جنرل وحید اختر مصطفوی، مرکزی سیکرٹری انفارمیشن رضی طاہر اور جوائنٹ سیکرٹری بزم منہاج سید جمال احمد کاظمی نے کی۔
متروکہ وقف املاک بورڈ حکومت پاکستان کا سال 2012 و 2013 بجٹ اجلاس لاہور میں منعقد ہوا۔ ڈائریکٹر انٹرفیتھ ریلیشنز منہاج القرآن انٹرنیشنل سہیل احمد رضا جنہیں وزیر اعظم پاکستان کے بورڈ کا ممبر نامزد کیا ہے۔ ممبر بننے کے بعد پہلی مرتبہ بورڈ کے اجلاس میں شرکت کی۔ اس بورڈ میں سکھ، ہندو، مسیحی اور مسلم تمام مذاہب کی نمائندگی موجود ہے۔
13 نومبر 2012ء کو تحریک منہاج القرآن سوئی ڈیرہ بگٹی کے زیراہتمام رپائش گاہ صدر تحریک منہاج القرآن سوئی حاجی محمد عارف عید ملن پاڑٹی کا اہتمام کیا گیا جس میں مہمان بطور مہمان خصوصی الطاف حسین بابر نے شرکت کی۔ دیگر مہمانوں میں امیر تحریک سوئی حاجی فیض محمد حسینی، ناظم تحریک سوئی مولانا نسیم احمد حسینی، حافظ عبدالجبار، سینیئر نائب ناظم تحریک، گل گوہر بگٹی صدر منہاج القرآن یوتھ لیگ سوئی، خالد محمود سومرو سیکرٹری جنرل یوتھ لیگ، جمیل اسلم صدیقی ناطم مالیات، حاجی عبدالحفیظ ناظم نشر و اشاعت، جناب عاشق حسین، جناب محمد ارشد، پرویز اقبال، محمد بخش، مولا بخش بگٹی، محمد اقبال، محمد حفیظ، ندیم احمد، محمد حنیف بگٹی، جنید احمد اور مہر علی بگٹی نے شرکت کی۔
تحریک منہاج القرآن کے مرکزی راہنما محمد لطیف مدنی اور تحریک منہاج القرآن پنجاب کے میڈیا کوآرڈینیٹر عتیق چوہدری نے تحریک منہاج القرآن تحصیل پاکپتن شریف کے مرکزی آفس میں ایک پُر ہجوم کانفرنس سے خطاب کرتے ہوئے کہا کہ ڈاکٹر محمد طاہر القادری 23 دسمبر کو مینار پاکستان پر سیاست نہیں ریاست بچانے کیلئے لائحہ عمل کا اعلان کریں گے۔
شیخ الاسلام ڈاکٹر محمد طاہرالقادری کی پاکستان آمد اور ملک میں رائج ظالمانہ اور کرپٹ نظام انتخاب کو جڑ سے اکھاڑنے کے لیے 23 دسمبر 2012ء کو مینار پاکستان لاہور پر ہونے والے عظیم الشان جلسے کی تیاریوں کے سلسلے میں تحریک منہاج القرآن ڈسکہ نے علاقے بھر میں دیواروں پر وال چاکنگ کروائی۔ جس پر ’’سیاست نہیں، ریاست بچاؤ‘‘ کے نعرے درج ہیں، اس مہم میں کرپٹ نظام کو سمندر برد کرنے کے لیے اور شیخ الاسلام ڈاکٹر محمد طاہرالقادری کا ساتھ دینے کے لیے 23 دسمبر کو مینار پاکستان پر لوگوں کو جمع کرنےکا کام بھی جاری و ساری ہے۔
مورخہ 19 ستمبر 2012ء سے مصطفوی سٹوڈنٹس موومنٹ نے جاگو لاہور مہم کا آغاز کردیا ہے۔ مہم کی شروعات عزیز بھٹی ٹاؤن سے کی گئی، جس میں ایم ایس ایم کے سینکڑوں کارکنان نے مرکزی سیکرٹری انفارمیشن اینڈ میڈیا رضی طاہر کی قیادت میں گلی گلی، محلے محلے اور چوراہوں پر پاکستان کی بقا اور سلامتی کیلئے بیداریءِ شعور کا پیغام دیا۔ اس مہم میں سمیع اللہ خان نیازی ممبر سینٹرل کیبنٹ ایم ایس ایم، علی رضا اور کالج آف شریعہ اینڈ اسلامک سائنسز، منہاج یونیورسٹی کے طلبہ بھی شامل تھے۔
نظامت تربیت کے زیراہتمام عرفان القرآن ماڈل سکول و کالج مانانوالہ میں خواتین کے لیے تین روزہ آئیں دین سیکھیں کورس کا انعقاد کیا گیا۔ جس میں عورتوں اور طالبات کی کثیر تعداد نے شرکت کی۔ تقریب کا آغاز تلاوت قرآن مجید سے ہوا اور تاجدار کائنات صلی اللہ علیہ وآلہ وسلم کی بارگاہ اقدس میں ہدیہ نعت پیش کی گئی۔ کورس کی اختتامی تقریب میں خواتین کو 23 دسمبر 2012ء کو شیخ الاسلام ڈاکٹر محمد طاہرالقادری کی پاکستان آمد کے حوالے سے بریفنگ دی گئی اور اس کی ضرورت اور اہمیت سے آگاہ کیا۔
مورخہ 18 نومبر 2012ء کو تحریک منہاج القرآن حویلی لکھا کے زیراہتمام بیدارئ شعور ورکر کنونشن کا انعقاد کیا گیا۔ ڈاکٹر تنویر اعظم سندھو مرکزی کوارڈینٹر ضلع اوکاڑہ اور ضلعی ناظم چوہدری ذوالفقار علی ایڈووکیٹ نے یونین کونسلز کے عہدیداران سے خطاب کرتے ہوئے کہا کہ موجودہ انتخابات کا سسٹم صرف وڈیروں، جاگیرداروں اور کرپٹ سیاستدانوں کا ہی محافظ ہے۔ اس سے 19 کروڑ عوام کو کچھ نہیں ملے گا۔
مورخہ 18 نومبر 2012 بروز اتوار تحریک منہاج القرآن تحصیل پاکپتن شریف کے زیراہتمام جامعہ مسجد حیدری محلہ نوری یونین کونسل نمبر 3 میں ماہانہ درس قرآن و شہادت امام حسین رضی اللہ عنہ کانفرنس کا اہتمام کیا گیا جسمیں لوگوں کی کثیر تعداد نے شرکت کی۔
23 دسمبر 2012 کو شیخ الاسلام ڈاکٹر محمد طاہرالقادری کے پاکستان آمد پر عوامی استقبال کی تیاریوں کے حوالے سے لودہراں میں ورکرز کنونشن منعقد ہوا۔ جس میں امیر تحریک پنجاب خواجہ احمد نواز انجم خصوصی نے شرکت کی۔
3.6M
فیس بک
1.9M
ٹوٹر
© 1994 - 2024 Minhaj-ul-Quran International.