سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
14 نومبر 2012 کو منہاج القرآن انٹرفیتھ ریلیشنز اور ڈسٹرکٹ امن کمیٹی ننکانہ صاحب کے زیراہتمام ننکانہ صاحب کے ضلع کونسل ہال میں بین المذاہب امن سیمینار کا انعقاد کیا گیا۔ جس میں تمام مذاہب کے نمائندوں نے بھرپور شرکت کی۔ اس سیمینار کے مہمان خصوصی ڈپٹی کمشنر ضلع ننکانہ ڈاکٹر محمد عثمان خان تھے۔ جب کہ ڈاکٹر علامہ محب النبی طاہر مہمان خصوصی تھے۔
تحریک منہاج القرآن ننکانہ صاحب کے زیر اہتمام ’انٹر فیتھ پیس واک‘ کا اہتمام کیا گیا، جس کا آغاز ڈسٹرکٹ کونسل ہال DCO آفس سے ہوا اور گوردوارہ جنم استہان بابا گرونانک جی کے مین گیٹ پر ختم ہوا۔ اس امن واک کی قیادت DCO ننکانہ صاحب ڈاکٹر عثمان DPO، مبشر میکن اور ڈائریکٹر انٹر فیتھ ریلیشنز منہاج القرآن انٹرنیشنل سہیل احمد رضا، ڈاکٹر محب النبی طاہر اور حق نواز اعوان نائب ناظم پنجاب نے کی۔
13 نومبر 2012ء کو ایبٹ آباد شہر میں تحریک منہاج القرآن کا مرکزی کنونشن ہوا، جس میں حویلیاں، ایبٹ آباد، ہری پور، مانسہرہ، اوگی، غازی اور بالاکوٹ سے تحریک منہاج القرآن کے تمام فورمز نے بھرپور شرکت کی۔ اس کنونشن میں تحریک منہاج القرآن، منہاج القرآن ویمن لیگ، ایم ایس ایم، یوتھ لیگ اور علماء کونسل کے سینکڑوں ورکرز نے شرکت کی۔ ورکزر کنونشن کے مہمان خصوصی مرکزی سینئر نائب ناظم اعلی شیخ زاہد فیاض تھے۔
تحریک منہاج القرآن اور منہاج القرآن یوتھ لیگ بھاگووال، گجرات نے علاقے بھر میں دیواروں پر وال چاکنگ کروائی۔ جس پر ’’سیاست نہیں، ریاست بچاؤ‘‘ کے نعرے درج ہیں، اور اس کرپٹ اور فرسودہ نظام کو سمندر برد کرنے کے لیے شیخ الاسلام ڈاکٹر محمد طاہرالقادری کا ساتھ دینے لیے 23 دسمبر کو مینار پاکستان پر لوگوں کو جمع کرنے کے لیے بھی مہم جاری ہے۔
13 نومبر 2012 کو منہاج القرآن انٹرفیتھ ریلیشنز کے وفد نے ہندوؤں کے مذہبی تہوار دیوالی کی تقریب میں کرشنامندر راوی روڈ لاہور میں شرکت کی۔ وفد کے ہمراہ ڈائریکٹر منہاج القرآن انٹرفیتھ ریلیشنز اور ممبر بورڈ سہیل احمد رضا، ڈائریکٹر منہاج ٹی وی کوکب حبیب احمد، قیصر جمال، فائز علی اور شفیق رضا قادری نے شرکت کی۔ اس موقع پر کرشنا مندر لاہور کے پنڈت کاشی رام، سیتا ملہوترا اور ڈاکٹر منور چند نے وفد کا استقبال کیا۔
سیئنر نائب ناظم اعلیٰ شیخ زاہد فیاض نے گفتگو کرتے ہوئے کہا کہ 23 دسمبر کو عالم اسلام کے عظیم قائد شیخ الاسلام ڈاکٹر محمد طاہرالقادری کا عظیم الشان تاریخی استقبال کیا جائے گا۔ 23 دسمبر کا دن فیصلہ کر دے گا کہ پاکستانی قوم اور امت مسلمہ کا صرف ایک ہی لیڈر ہے، جس کا نام ڈاکٹرطاہرالقادری ہے۔
میٹنگ میں انہوں نے شرکائے اجلاس کو MES کی جانب سے طلبہ کی تربیت کے حوالے سے سیرتِ النبی صلی اللہ علیہ وآلہ وسلم، انبیاء کرام، اہلبیتِ اطہار رضی اللہ عنہم اجمعین، صحابہ کرام رضی اللہ عنہم اجمعین کی سیرت پر مشتمل تیار کردہ کتب اور چارٹس کا تعارف کرایا اور سلیبس کے حوالے سے فیڈ بیک بھی لی گئی۔ جبکہ 23 دسمبر کو شیخ الاسلام ڈاکٹر محمد طاہرالقادری کی پاکستان آمدکے حوالے سے تمام سٹاف کو بریفنگ دیتے ہوئے کہا کہ ہر سکول کا سٹاف، حصہ ہائی کے طلباء و طالبات اس تاریخ ساز عوامی استقبال میں شرکت کو یقینی بنائیں گے۔ مزید برآں طلبہ کے والدین کو بھی دعوت دینے کے لیے MES کی جانب سے لیٹر ارسال کیا جائے گا، تاکہ وہ اس تاریخ ساز دن مینارِ پاکستان لاہور آئیں۔
مصطفوی سٹوڈنٹس موومنٹ کے مرکزی میڈیا سیل کا قیام 9 نومبر 2012ء کو اقبال ڈے کے موقع پر عمل میں لایا گیا، میڈیا سیل میں پاکستان بھر سے 25 ممبران کو شامل کیا گیا۔ میڈیا سیل کی افتتاحی میٹنگ 11 نومبر 2012 کو دن 12 بجے مرکزی آفس مصطفوی سٹوڈنٹس موومنٹ لاہور میں منعقد ہوئی جس میں لاہور کے ممبران نے شرکت کی۔
منہاج القرآن چوک اعظم کے صدر چوہدری محمد شاہد نے کہا ہے کہ شیخ الاسلام ڈاکٹر محمد طاہرالقادری نے پاکستانی عوام کو 23 دسمبر کو مینار پاکستان آنے کے لیے کال دی ہے۔ شیخ الاسلام کی اس کال پر منہاج القرآن یوتھ لیگ ضلع لیہ سے نوجوانوں کا ایک قافلہ لے کر 23 دسمبر کو مینار پاکستان پہنچیں گے۔
مصطفوی سٹوڈنٹس موومنٹ کی عزم انقلاب مہم کے سلسلے میں لاہور بھر میں کارنر میٹنگز کا سلسلہ جاری ہے، گزشتہ روز اقبال ٹاؤن ڈی، نشتر ٹاؤن ڈی، پنجاب یونیورسٹی اور یونیورسٹی آف لاہور میں کارنر میٹنگز کا انعقاد کیا گیا، جن میں مرکزی سیکرٹری جنرل ایم ایس ایم رانا راحیل جاوید، ڈپٹی سیکرٹری جنرل وحید اختر مصطفوی، صدر لاہور علی رضا نت نے خصوصی شرکت کی۔
شیخ الاسلام ڈاکٹر محمد طاہرالقادری کی پاکستان آمد اور ملک میں رائج ظالمانہ اور کرپٹ نظام انتخاب کو جڑ سے اکھاڑنے کے لیے 23 دسمبر 2012ء کو مینار پاکستان لاہور پر ہونے والے عظیم الشان جلسے کی تیاریوں کے سلسلے میں تحریک منہاج القرآن، پاکستان عوامی تحریک، منہاج القرآن یوتھ لیگ اور مصطفوی سٹوڈنٹس موومنٹ گوجرہ نے علاقے بھر میں دیواروں پر وال چاکنگ کروائی۔
تحریک منہاج القرآن، پاکستان عوامی تحریک، منہاج القرآن یوتھ لیگ اور مصطفوی سٹوڈنٹس موومنٹ گوجر خان نے علاقے بھر میں دیواروں پر وال چاکنگ کروائی۔ جس پر ’’سیاست نہیں، ریاست بچاؤ‘‘ کے نعرے درج ہیں، اور اس کرپٹ اور فرسودہ نظام کو سمندر برد کرنے کے لیے شیخ الاسلام ڈاکٹر محمد طاہرالقادری کا ساتھ دینے لیے 23 دسمبر کو مینار پاکستان پر لوگوں کو جمع کرنے کے لیے بھی مہم جاری ہے۔
مورخہ 12 نومبر 2012, کو منہاج القرآن ویمن لیگ نواب شاہ کے زیراہتمام مہاجر کالونی میں ناظمہ نشر و اشاعت محترمہ ثنیہ محفوظ علی قادری کی رہائش گاہ پر عظیم الشان محفل میلاد مصطفی صلی اللہ علیہ وآلہ وسلم کا انعقاد ہوا، جس میں خواتین کی کثیر تعداد نے شرکت کی۔ اس روح پرور اجتماع میں نگران منہاج القرآن ویمن لیگ سندھ محترمہ مسرت ہارون قادری، صدر نواب شاہ منہاج ویمن لیگ محترمہ ڈاکٹر نگہت حسن، ناظم محترمہ فرزانہ فیصل، ناظم تربیت محترمہ رخشندہ رزاق اور ناظم دعوت محترمہ غزالہ صغیر نے بھی شرکت کی۔
اگر آپ تحریک سے منسلک ہیں توآپ کو دعوت دی جاتی ہے کہ مرکز کی طرف سے پیغامات کے حصول کے لیے آپ اپنی تحصیل کے کوآرڈینیٹر سے منسلک ہو جائیں اور موصول ہونے والے پیغامات کو اپنی SIM میں موجود تمام غیر تحریکی افراد کو فارورڈ کرنا شروع کر دیں۔ (اس نیٹ ورک میں شامل ہونے کے لیے اپنی تحصیل / ٹاؤن کے صدر / ناظم سے رابطہ کریں۔)
منہاجینز کوآرڈینشن کونسل کے زیراہتمام منہاجینز کا اہم اجلاس 11 نومبر 2012ء کو مرکزی سیکرٹریٹ لاہور میں منعقد ہوا۔ جس میں سیشن 1991 سے لے کر 2012 تک کے سینکڑوں فارغ التحصیل منہاجینز اسکالرز نے شرکت کی۔ جن میں منہاج کالج فار ویمنز کی فارغ التحصیل منہاجیات بھی شامل تھیں۔ نائب امیر تحریک اور کالج آف شریعہ کے وائس پرنسپل علامہ محمد صادق قریشی نے پہلے سیشن کی صدارت کی، جبکہ شیخ الحدیث علامہ محمد معراج الاسلام مہمان خصوصی تھے۔
3.6M
فیس بک
1.9M
ٹوٹر
© 1994 - 2024 Minhaj-ul-Quran International.
