سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج القرآن یوتھ لیگ دھدو بسراء کے زیراہتمام گستاخانہ فلم کے خلاف عظمت مصطفی صلی اللہ علیہ وآلہ وسلم ریلی نکالی گئی، جس کی قیادت محمد اسلم قادری (صدر تحریک منہاج القرآن تحصیل ڈسکہ)، حافظ غلام عباس بسراء (جنرل سیکرٹری منہاج القرآن یوتھ لیگ تحصیل ڈسکہ)، محمد اصغر قادری (ناظم تحریک منہاج القرآن u/c بھڑتھانوالہ)، محمد عنصر بسراء (نائب صدر msm تحصیل ڈسکہ) نے کی، جس میں سینکڑوں عاشقانِ رسول صلی اللہ علیہ وآلہ وسلم نے شرکت کی۔
تحریک منہاج القرآن و منہاج القرآن ویمن لیگ کوہاٹ نے اپنے آقا صلی اللہ علیہ وآلہ وسلم سے اظہار وفاداری کے لیے میلاد چوک (بازار زرگران) تا کچہری چوک (یادگار شہداء) "عظمت مصطفی ریلی" کے عنوان سے ایک عظیم الشان احتجاجی جلوس کا اہتمام کیا۔ جس میں کوہاٹ شہر اور مضافات سے کثیر تعداد میں مرد و خواتین اور بچوں نے شرکت کی۔ میلاد چوک (بازار زرگران) سے جلوس کا آغاز ہوا۔
تحریک منہاج القرآن سیالکوٹ کے زیراہتمام توہین آمیز فلم کے خلاف عظیم الشان پرامن عظمت مصطفیٰ صلی اللہ علیہ وآلہ وسلم ریلی نکالی گئی، جس میں تحریک منہاج القرآن سیالکوٹ، منہاج القرآن یوتھ لیگ، مصطفوی سٹوڈنٹس موومنٹ کے عہدیداران سمیت شہر اقبال کے غیور عوام کی بڑی تعداد نے شرکت کی، اور اپنے آقا و مولا حضرت محمد صلی اللہ علیہ وآلہ وسلم سے اظہار وفاداری کا ثبوت دیا۔
مصطفوی سٹوڈنٹس موومنٹ پنجاب کالج وزیرآباد کے زیراہتمام توہین آمیز فلم کے خلاف عظیم الشان پرامن عظمت مصطفیٰ صلی اللہ علیہ وآلہ وسلم ریلی نکالی گئی، جس میں تحریک منہاج القرآن وزیرآباد، منہاج القرآن یوتھ لیگ، مصطفوی سٹوڈنٹس موومنٹ کے عہدیداران سمیت لوگوں کی بڑی تعداد نے شرکت کی، اور اپنے آقا و مولا حضرت محمد صلی اللہ علیہ وآلہ وسلم سے اظہار وفاداری کا ثبوت دیا۔
مصطفوی سٹوڈنٹس موومنٹ ایبٹ آباد کے زیراہتمام پرامن عظمت مصطفیٰ صلی اللہ علیہ وآلہ وسلم ریلی کا انعقاد کیا گیا، جس کی قیادت امیر تحریک مشتاق علی خان سہروردی نے کی۔ جبکہ محمد ارشد ناظم ممبرشپ کی پی کے، سرور خان ناظم ویلفیئر، مصطفوی سٹوڈنٹس موومنٹ ایبٹ آباد کے عہدیداران قاضی جنید صدر، معین شاہ سینئر نائب صدر، محمد علی شاہ جنرل سیکرٹری نے شرکت کی۔
مصطفوی سٹوڈنٹس موومنٹ لیہ کے زیراہتمام پرامن عظمت مصطفیٰ صلی اللہ علیہ وآلہ وسلم ریلی کا انعقاد کیا گیا، جس میں علاقے بھر سے سینکڑوں افراد نے شرکت کی۔ ریلی کی قیادت تحریک منہاج القرآن لیہ، منہاج القرآن یوتھ لیگ اور مصطفوی سٹوڈنٹس موومنٹ لیہ کے عہدیداران اور کارکنان نے کی۔
تقریب سے خطاب کرتے ہوئے احمد نواز انجم نے کہا کہ موجودہ نظام کو نظام کہنا جمہوریت کی توہین ہے۔ اسکے تحت 100 سال بھی الیکشن ہوتے رہیں تو کوئی مثبت تبدیلی نہیں آئے گی۔ قوم موجودہ ظالمانہ نظام کے خلاف اٹھ کھڑی ہو۔ آج ملک میں آئیڈیالوجی نام کی کسی چیز کا وجود نہیں۔ مخصوص خاندانوں کی سیاست وراثت اور کرپشن کا نام جمہوریت بنا دیاگیاہے۔
مورخہ 23 ستمبر 2012 بروز اتوار تحریک منہاج القرآن تحصیل پاکپتن کے زیراہتمام جامعہ مسجد اللہ بخش کوریا میں کامیاب ماہانہ درس عرفان القرآن کا اہتمام کیا گیا جس میں علامہ محمد رضا قادری نے بہت خوبصور ت انداز میں آقاء دوعالم صلی اللہ علیہ وآلہ وسلم کی عظمت مبارکہ اور ناموس رسالت صلی اللہ علیہ وآلہ وسلم پر روشنی ڈالی۔
مورخہ 23 ستمبر 2012ء کو توہین آمیز فلم کے خلاف راولاکوٹ، آزادکشمیر میں اپنے آقا و مولا حضرت محمد صلی اللہ علیہ وآلہ وسلم سے اظہار وفاداری کرتے ہوئے تحریک منہاج القرآن راولاکوٹ، آزادکشمیر کے زیراہتمام احتجاجی ریلی نکالی گئی۔ جس کی قیادت تحریک منہاج القرآن راولاکوٹ، آزادکشمیر کے قائدین نے کی۔
مورخہ 23 ستمبر 2012ء کو وادی رڑکن اور بارکھان (بلوچستان) میں توہین آمیز فلم کے خلاف تحریک منہاج القرآن بلوچستان کے زیراہتمام احتجاجی ریلی نکالی گئی۔ جس میں وادری رڑکن، بارکھان اور پہاڑی محلہ سے تحریک منہاج القرآن، منہاج القرآن یوتھ لیگ اور مصطفوی سٹوڈنٹس موومنٹ کے قائدین و کارکنان سمیت علاقے بھر سے لوگوں نے کی۔ ریلی میں شریک افراد نے کتبے اٹھا رکھے تھے، جن پر توہین آمیز فلم، اور عالمی امن کے علمبردار اداروں کے خلاف نعرے درج تھے۔
مرکزی نظامت تربیت تحریک منہاج القرآن کے زیراہتمام پتوکی میں عرفان القرآن کورس کی تقریب تقسیم اسناد 23 ستمبر 2012ء کو منہاج القرآن کمپلیکس میں منعقد ہوئی۔ جس میں مرکزی ناظم عرفان القرآن کورس علامہ محمد شریف کمالوی، وائس پرنسپل کالج آف شریعہ ڈاکٹر محمد رفیق حبیب، ویٹرنری یونیورسٹی سے مسز سمیرا عباس، معلمہ عرفان القرآن کورس مس تہمینہ شاہ، معلمین عرفان القرآن کورس علامہ محمد شفیق البغدادی اور سید سبطین رضا شاہ سمیت شرکاء کورس نے شرکت کی۔
منہاج القرآن انٹرنیشنل (فرانس) کے زیر اہتمام مورخہ 23 ستمبر 2012ء کو فرانس کے مرکز لاکورونیو سے ملحقہ بلڈنگ کی خریداری میں تعاون کرنے والے ڈونرز کے اعزاز میں گرینڈ عشائیہ کا اہتمام کیا گیا۔
شیخ الاسلام ڈاکٹر محمد طاہر القادری نے ریلی سے ٹیلی فونک خطاب کرتے ہوئے کہا کہ آزادی اظہار رائے کی آڑ میں توہین آمیز فلم بنانے والے انسانیت کے بدترین مجرم اور دہشت گرد ہیں۔ حکومت پاکستان کو چاہیے تھا کہ تمام مذہبی سیاسی جماعتوں کو بلا کر یوم عشق رسول صلی اللہ علیہ وآلہ وسلم کے اعلان سمیت اس حوالے سے پورا لائحہ عمل ترتیب دیا جاتا اور اس دن کو پورے نظم اور اتحادویگانگت کے ساتھ پر امن طریقے سے منا کر پوری دنیا کو موثر پیغام دیا جاتا کہ ہم پر امن قوم ہیں اور اپنے نبی صلی اللہ علیہ وآلہ وسلم کی شان میں گستاخی کو کسی صورت برداشت نہیں کریں گے۔
ریلی کی قیادت تحریک منہاج القرآن سندھ کے صوبائی ناظم مفتی ارشاد حسین سعیدی اور دیگر قائدین تحریک منہاج القرآن کراچی نے کی۔ اس ریلی میں تحریک منہاج القرآن کراچی، منہاج القرآن علماء کونسل، پاکستان عوامی تحریک، منہاج القرآن ویمن لیگ، منہاج القرآن یوتھ لیگ اور مصطفوی سٹوڈنٹس موومنٹ سمیت تمام فورمز کے قائدین اور اراکین نے بھی شرکت کی۔
ریلی کے دوران تحریک منہاج القرآن علماء کونسل کے قائدین شہر کے مختلف مقامات پر خطابات بھی کیے اور محبت رسول صلی اللہ علیہ وآلہ وسلم کو ایمان کا حصہ قرار دیتے ہوئے کہا کہ ہم حضور نبی اکرم صلی اللہ علیہ وآلہ وسلم کی شان میں کی گئی اس گستاخی پر اس وقت تک سراپا احتجاج رہیں گے، جب تک گستاخانہ فلمساز ادارے تمام ادارکاروں اور ذمہ داران کو کڑی سے کڑی سزا نہیں دی جاتی۔
3.6M
فیس بک
1.9M
ٹوٹر
© 1994 - 2024 Minhaj-ul-Quran International.