منہاج القرآن ویمن لیگ کی خبریں

سیاست نہیں، ریاست بچاو - عوامی استقبال - 22 دسمبر 2012ء

سیاست نہیں، ریاست بچاو - عوامی استقبال - 22 دسمبر 2012ء

تحریک منہاج القرآن کے زیراہتمام شیخ الاسلام ڈاکٹر محمد طاہرالقادری کے عظیم الشان عوامی استقبال جلسے میں 22 دسمبر کو بھی لاکھوں شرکاء کی آمد کا سلسلہ جاری رہا۔ دوسرے روز صوبہ سندھ سمیت، خیبر پختون خواہ اور بلوچستان سے لوگ عوامی استقبال جلسے کے لیے مینار پاکستان پہنچے۔

22 دسمبر 2012ء

’سیاست نہیں، ریاست بچاؤ‘ تاریخ کے سب سے بڑے جلسے کا آغاز

’سیاست نہیں، ریاست بچاؤ‘ تاریخ کے سب سے بڑے جلسے کا آغاز

شیخ الاسلام ڈاکٹر محمد طاہرالقادری کے تاریخی عوامی استقبال کے لیے تاریخ کے سب سے بڑے جلسے کا باقاعدہ آغاز 23 دسمبر 2012ء کی صبح 8 بجے ہو گیا۔ پروگرام کے پہلے حصہ کا آغاز تلاوت و نعت سے ہوا۔ جس کی کارروائی جاری ہے۔ تاریخ کے سب سے بڑے جلسے میں شرکت کے لیے لاکھوں شرکاء پنڈال میں پہنچ چکے ہیں۔ مینار پاکستان کے سبزہ زار مکمل طور پر بھر چکے ہیں۔ دوسری جانب لاہور ڈویژن، فیصل آباد ڈویژن، گوجرانوالہ ڈویژن، شیخوپورہ، قصور، پتوکی اور تمام نزدیکی شہروں سے قافلوں کی آمد کاسلسلہ اب بھی جاری ہے۔ لاکھوں لوگوں کی آمد کے پیش نظر انتظامیہ نے مینار پاکستان کے چاروں اطراف پنڈال بنادیا ہے۔

23 دسمبر 2012ء

سیاست نہیں، ریاست بچاؤ عوامی استقبال جلسہ - 21 دسمبر

سیاست نہیں، ریاست بچاؤ عوامی استقبال جلسہ - 21 دسمبر

21 دسمبر کی صبح کو ہزاروں شرکاء کی آمد کا سلسلہ ہوا، جو شام تک لاکھوں کی تعداد میں پہنچ گیا۔ پہلے روز مینار پاکستان کے اردگرد ملحقہ سٹرکوں پر سکیورٹی اور ٹریفک کے انتہائی منظم انتظامات کیے گئے۔ داتا دربار، اسٹیشن، لاری اڈہ، شاہدرہ سمیت ہر طرف سے آنے والے قافلوں کو مینار پاکستان تک پہنچنے میں کسی دشواری کا سامنا نہیں کرنا پڑا۔ ٹریفک کے بہترین انتظامات میں سٹی ٹریفک پولیس، جبکہ قافلوں میں آنے والی ہزاروں بسوں کی پارکنگ میں منہاج القرآن کی انتطامیہ نے نہایت اہم کردار ادا کیا۔

22 دسمبر 2012ء

ڈاکٹر حسن محی الدین قادری کی مرکزی اسٹاف سے ملاقات

ڈاکٹر حسن محی الدین قادری کی مرکزی اسٹاف سے ملاقات

تحریک منہاج القرآن کی سپریم کونسل کے صدر ڈاکٹر حسن محی الدین قادری ڈاکٹریٹ مکمل کرنے کے بعد مصر سے وطن واپس پہنچ گئے ہیں۔ ان کی وطن واپسی پر مرکزی سیکرٹریٹ کے اسٹاف کے ساتھ خصوصی ملاقات کی نشست کا اہتمام کیا گیا۔ جس میں ناظم اعلیٰ ڈاکٹر رحیق احمد عباسی، سینئر نائب ناظم اعلیٰ شیخ زاہد فیاض، سیکرٹری ٹو پیٹرن انچیف جی ایم ملک، ناظم امور خارجہ راجہ جمیل اجمل سمیت تمام شعبہ جات کے ناظمین اور مرکزی اسٹاف نے شرکت کی۔

07 دسمبر 2012ء

عوامی استقبال کی تیاریاں عروج پر، ناظم اعلیٰ منہاج القرآن کی پریس کانفرنس

عوامی استقبال کی تیاریاں عروج پر، ناظم اعلیٰ منہاج القرآن کی پریس کانفرنس

ڈاکٹر رحیق احمد عباسی نے کہا کہ 23 دسمبر حقیقت میں نیا 14 اگست 1947 ہو گا اور 23 مارچ 1940 کی یاد بھی تازہ ہو جائے گی۔ ڈاکٹر محمد طاہرالقادری ریاست بچانے کیلئے جس مکمل ایجنڈے کا اعلان کریں گے وہ 19 کروڑ عوام پر مشتمل مختلف طبقات کے دل کی آواز ہو گا۔ قائداعظم رحمۃ اللہ علیہ کے پاکستان کی تشکیل کی جدوجہد کے آغاز میں صرف 4 روز باقی ہیں۔ اور ہر کان مینار پاکستان میں ابھرنے والی ڈاکٹر طاہرالقادری کی آواز کو سننے کیلئے بے تاب ہے۔

18 دسمبر 2012ء

کامونکی: مرکزی ناظمہ تربیت منہاج القرآن ویمن لیگ کا کامونکی اور مرید کے کا دورہ

کامونکی: مرکزی ناظمہ تربیت منہاج القرآن ویمن لیگ کا کامونکی اور مرید کے کا دورہ

مورخہ 2 تا 3 دسمبر مرکزی ناظمہ تربیت گلشن ارشاد نے تحصیل کامونکی اور مرید کے وزٹ کیا۔ وزٹ کا مقصد شیخ الاسلام کی پاکستان آمد پر فقید المثال عوامی استقبال کی بھرپور تیاریاں اور افرادی قوت میں بھی اضافہ تھا۔

محترمہ گلشن ارشاد نے کامونکی کی تحصیلی ٹیم کے ساتھ مل کر تمام یو سی کا وزٹ کیا جس میں حبیب پورہ، رحمن پورہ، ماڈل ٹاؤن، مسلم گنج ٹاؤن، رفیق کوٹ، سلامت پورہ، جنڈالی، دراجکے قابل ذکر ہیں۔

02 دسمبر 2012ء

لاہور : فلسفہ شہادت امام حسین (رض) اور آج کا پاکستان

لاہور : فلسفہ شہادت امام حسین (رض) اور آج کا پاکستان

مصطفوی سٹوڈنٹس موومنٹ سسٹرز کی صدر شاکرہ چوہدری نے کہا کہ فلسفہ شہادت ’’حسین منی وانامن حسین‘‘ بچپن سےکربلا تک حسین مصطفے سے ہیں اور کربلا سے آج تک مصطفے حسین سے ہیں۔ کربلا میں جس قدر شجاعت، دلیری، توحید کی عظمت حتی کہ مقدس خون سے ایسی آبیاری کی جو رہتی دنیا تک کے لیے تمام بنی نوع انسان کو حیات ابدی کا اصول پہنچایا ہے۔ ان کی یزیدی نظام کے خلاف جنگ ذاتی مفادات کی غرض سے نہیں بلکہ سرور کائنات حرم صلی اللہ علیہ وآلہ وسلم کے نظام کی بالا دستی کے لیے تھی۔

07 دسمبر 2012ء

عارف والا : ریاست بچاؤ کنونشن

عارف والا : ریاست بچاؤ کنونشن

تحریک منہاج القرآن عارف والا کے زیراہتمام ریاست بچاؤ کنونشن کا انعقاد کیا گیا جس میں خصوصی شرکت مرکزی ناظم تربیت علامہ غلام مرتضیٰ علوی اور علامہ محمد لطیف مدنی نے کی، جبکہ تحریک منہاج القرآن، منہاج القرآن ویمن لیگ، منہاج القرآن یوتھ لیگ اور مصطفوی سٹوڈنٹس موومنٹ کے عہدیداران و کارکنان سمیت علاقے بھر سے لوگوں کی بڑی تعداد نے شرکت کی۔

09 دسمبر 2012ء

گوجرانوالہ: منہاج القرآن ویمن لیگ کے زیر اہتمام ورکرز کنونشن

گوجرانوالہ: منہاج القرآن ویمن لیگ کے زیر اہتمام ورکرز کنونشن

منہاج القرآن ویمن لیگ کے زیراہتمام گوجرانوالہ میں ورکرز کنونشن کا انعقاد کیا گیا، جس میں مرکزی قائدین میں سے صدر منہاج القرآن ویمن لیگ نوشابہ ضیاء، ناظمہ تربیت منہاج القرآن ویمن لیگ گلشن ارشاد، عائشہ شبیر اور فریحہ کاشف نے شرکت کی، جبکہ گوجرانوالہ تنظیم کی تمام عہدیداران کے علاوہ علاقہ بھر سے کثیر تعداد میں خواتین نے شرکت کی۔

15 دسمبر 2012ء

لاہور : ایم ایس ایم سسٹرز کا احتجاجی مظاہرہ بعنوان ’امید کی کرن‘

لاہور : ایم ایس ایم سسٹرز کا احتجاجی مظاہرہ بعنوان ’امید کی کرن‘

صدر مصطفوی سٹوڈنٹس موومنٹ سسٹرز محترمہ شاکرہ چوہدری نے کہا کہ موجودہ نظام انتخاب جمہوریت نہیں بلکہ مجبوریت ہے جس کے تحت 66 برسوں سے جاگیردار، سرمایہ دار، لٹیرے اس مملکت خداداد کو لوٹ رہے ہیں۔ جنہوں نے آج تک اس قوم کو ذلت کی گہرائیوں میں دھکیل دیاہے۔ ماؤں، بہنوں، بیٹیوں کے سروں سے چادر کھینچ لی ہے۔ بیٹیوں کی زندگیاں چھین لی ہیں۔ طلبہ و طالبات کا مستقبل تباہ ہو چکا ہے۔

15 دسمبر 2012ء

لاہور : مرکزی کمیٹی برائے خواتین کا مینار پاکستان پر تیاریوں کا جائزہ

لاہور : مرکزی کمیٹی برائے خواتین کا مینار پاکستان پر تیاریوں کا جائزہ

مورخہ 14 دسمبر 2012ء بروز جمعۃ المبارک کو منہاج القرآن ویمن لیگ کی مرکزی کمیٹی برائے عوامی استقبال نے 23 دسمبر کو ہونے والے سیاست نہیں ریاست بچاؤ عوامی اجتماع کے حوالے سے مینار پاکستان کا وزٹ کیا، اس وزٹ میں سدرہ کرامت نائب سربراہ عوامی استقبال کمیٹی، عائشہ شبیر سربراہ پنڈال کمیٹی، انیلا الیاس ڈوگر سیکرٹر ی پنڈال کمیٹی اور شما ئلہ عباس ڈپٹی سیکرٹر ی پنڈال کمیٹی شامل تھیں۔

14 دسمبر 2012ء

منہاج القرآن ویمن لیگ چکوال کی گھر گھر دعوتی مہم

منہاج القرآن ویمن لیگ چکوال کی گھر گھر دعوتی مہم

منہاج القرآن ویمن لیگ چکوال کی سسٹرز ٹیم نے 23 دسمبر کے اجتماع کے لیے ڈور ٹو ڈور دعوتی مہم شروع کر رکھی ہے۔ جو تیزی سے جاری ہے۔ اس سلسلہ میں ویمن لیگ کی سسٹرز علاقہ میں گھر گھر جا کر خواتین کو 23 دسمبر 2012ء کے جلسہ اور شیخ الاسلام ڈاکٹر محمد طاہرالقادری کے استقبال کی دعوت دے رہی ہیں۔

09 دسمبر 2012ء

23 دسمبر 23 مارچ کی طرح تاریخ میں امر ہو جائے گا : ارشاد اقبال

23 دسمبر 23 مارچ کی طرح تاریخ میں امر ہو جائے گا : ارشاد اقبال

منہاج القرآن ویمن لیگ لاہور کی صدر ارشاد اقبال نے کہا ہے کہ تبدیلی کیلئے حوا کی بیٹیاں بھی سڑکوں پر نکل آئی ہیں اب موجودہ فرسودہ اور کرپٹ انتخابی نظام کو دفن کر کے دم لیں گے۔ 23 دسمبر کا سورج ملک میں تبدیلی کی نوید لے کر طلوع ہو گا اور 23 دسمبر 23 مارچ کی طرح تاریخ میں امر ہو جائے گا۔ یہ دن فیصلہ کر دے گا کہ پاکستانی قوم کا حقیقی لیڈر کون ہے؟ کچن کے ٹھنڈے چولہے روشن ہوں گے اور بنیادی ضروریات تعلیم، روزگار اور صحت کا حق ہر کسی کو ملے گا۔

11 دسمبر 2012ء

دینہ جہلم : سیدہ زینب (رض) کانفرنس

دینہ جہلم : سیدہ زینب (رض) کانفرنس

منہاج القرآن ویمن لیگ تحصیل دینہ کے زیرِاہتمام 21 نومبر بروز بدھ دو مقامات پر سیدہ زینب کانفرنس کا انعقاد کیا گیا۔ پہلی کانفرنس صبح 11:00 بجے سے دن 1:00 بجے تک آئی۔ایل۔ایم کالج دینہ میں منعقد ہوئی، جس میں مرکزی نگران محترمہ شمائلہ عباس نے سیدہ زینب رضی اللہ عنہا کی سیرت و کردار پر روشنی ڈالتے ہوئے طالبات کو دینِ اسلام کی سربلندی کے لئے علم کی منازل طے کر کے اپنی منزل کے حصول کی کوشش کرنے کی ترغیب دی۔

21 نومبر 2012ء

23 دسمبر کو مینار پاکستان میں ملکی تاریخ کا سب سے بڑا پرامن اجتماع ہو گا : ڈاکٹر حسن محی الدین

23 دسمبر کو مینار پاکستان میں ملکی تاریخ کا سب سے بڑا پرامن اجتماع ہو گا : ڈاکٹر حسن محی الدین

تحریک منہاج القرآن کی سپریم کونسل کے صدر ڈاکٹر حسن محی الدین القادری نے کہا ہے کہ 23 دسمبر کو پورے ملک سے عوام کا سیلاب مینار پاکستان پہنچے گا جو تاریخ پاکستان کا سب سے بڑا پرامن اجتماع ہو گا۔ لاہور کے غیور عوام لاکھوں کی تعداد میں مینار پاکستان پہنچ کر عوام پاکستان کی میزبانی کا حق ادا کریں گے۔ نئے سال کا سورج ملکی استحکام اور عوامی خوشحالی کا پیغام لے کر طلوع ہو گا۔

09 دسمبر 2012ء

Admissions Open Minhaj University Lahore

Views of Dignitaries

eLearning by Minhaj-ul-Quran International

Official WhatsApp Group Dr Qadri

Ijazat Chains of Authority

Top